សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បន្ទាប់ពីគម្រោងថវិកាជាតិសម្រាប់ឆ្នាំ២០២២ ត្រូវបានអនុម័តដោយរដ្ឋាភិបាលកាលពីថ្ងៃទី២២ ខែតុលា ឆ្នាំ២០២១កន្លងទៅ សេដ្ឋកិច្ចកម្ពុជាហាក់មើលឃើញច្រកថ្មីដោយប្ដូរមករៀនរស់នៅជាមួយជំងឺកូវីដតែម្ដង។ គោលការណ៍រៀនរស់នៅជាមួយកូវីដនេះ ធ្វើឡើងក្រោយពេលកម្ពុជាចំណាយពេលជិត២ឆ្នាំក្នុងការផ្អាកអាជីវកម្មផ្សេងៗដើម្បីបញ្ចៀសកំណើនអ្នកស្លាប់ និងឆ្លង។
ទឹកប្រាក់ ៨.៥ពាន់លានដុល្លារ ជាចំនួនមួយដែលស្ថិតនៅក្នុងសេចក្ដីព្រាងច្បាប់ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ២០២២ ដោយកើនឡើង៨.៤% ធៀបទៅនឹងចំនួនថវិកាជាតិកាលពីឆ្នាំ២០២០។ ថវិកាទាំងនេះ ត្រូវបានរដ្ឋាភិបាលគ្រោងប្រើប្រាស់ក្នុងគោលបំណងស្រោចស្រង់សេដ្ឋកិច្ចឡើងវិញ ព្រមទាំងកសាងលទ្ធភាពរស់នៅក្នុងគន្លងថ្មី ដែលការណ៍នេះត្រូវបានអ្នកជំនាញវិស័យអចលនទ្រព្យទាញចូលទៅរកភាពល្អប្រសើរនៃវិស័យនេះនៅក្រោយពេលដែលសង្គមមានការរៀបចំរៀបរយល្អ។
លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជាបានមានប្រសាសន៍ថា ៖
«វិស័យអចលនទ្រព្យនឹងងើបក្រោយវិស័យអាទិភាពដូចជា វិស័យកសិកម្ម ឧស្សាហកម្ម និងសេវាកម្ម។ ដូច្នេះ ជាអាទិភាពបើកាលណាវិស័យទាំងនេះលូតលាស់ល្អ អចលនទ្រព្យនឹងងើបឡើងតាមក្រោយផងដែរ»
លោកបណ្ឌិតបន្តទៀតថា ភាពល្អប្រសើរនៃហេដ្ឋារចនាសម្ព័ន្ធ និងវិស័យសំខាន់ៗនឹងធ្វើឲ្យតម្លៃដីនៅតាមទីប្រជុំជននានាហក់ឡើងនៅពេលខាងមុខ។
ស្រដៀងគ្នានេះ លោកស្រី អាន សុធីតា អ្នកជំនាញអចលនទ្រព្យលំដាប់អន្តរជាតិបានបង្ហាញពីជំហររបស់លោកស្រីថា ៖
«ការវិនិយោគនៅកម្ពុជាបច្ចុប្បន្នគឺផ្ដោតទៅលើប្រជាជនខ្មែរក្នុងស្រុក ដូច្នេះបើសិនស្ថានភាពល្អប្រសើរ វិនិយោគពីបរទេសនឹងហូរចូលមក ផ្គួបផ្សំនឹងហេដ្ឋារចនាសម្ព័ន្ធនៅក្នុងស្រុកដែលនៅតែមានភាពរលូនល្អ នឹងធ្វើឲ្យវិស័យអចលនទ្រព្យល្អប្រសើរទៅតាមដូច្នោះដែរ!»
យ៉ាងណាក៏ដោយ លោកស្រីបានបញ្ជាក់ថា សកម្មភាពទិញលក់នៅក្នុងឆ្នាំ២០២២ខាងមុខនឹងល្អប្រសើរ ក៏ប៉ុន្តែល្អនៅក្នុងកម្រិតមួយក្នុងចំនួនត្រឹម ២០ ទៅ៣០% ប៉ុណ្ណោះ។ លោកស្រីថា វិស័យនេះនឹងល្អវិញនៅឆ្នាំ២០២៣ និង២០២៤ខាងមុខ។
ជារួម ទាំងលោកបណ្ឌិត ហុង វណ្ណៈ ទាំងលោកស្រី អាន សុធីតា សុទ្ធសឹងតែបានបង្ហាញពីសុទិដ្ឋិនិយមចំពោះអនាគតវិស័យអចលនទ្រព្យ គ្រាន់តែការងើបឡើងគឺស្ថិតក្នុងលក្ខខណ្ឌបន្តិចម្ដងៗ តាមពីក្រោយវិស័យអាទិភាពធំៗនៅកម្ពុជា។ គួរបញ្ជាក់ថា វិស័យអាទិភាពទាំង៣ ត្រូវបានក្រសួងសេដ្ឋកិច្ចព្យាករណ៍សម្រាប់ឆ្នាំ២០២២ យ៉ាងដូច្នេះថា វិស័យកសិកម្មនឹងមានកំណើនក្នុងរង្វង់១.១% វិស័យឧស្សាហកម្មក្នុងរង្វង់ ៨.២% និងវិស័យសេវាកម្មក្នុងរង្វង់ ៥.១%។ ដែលចំនួននេះនឹងគ្រប់គ្រាន់ក្នុងការធ្វើពិពិធកម្មសេដ្ឋកិច្ច ក៏ដូចជាទាញវិស័យតូចៗផ្សេងទៀតឲ្យងើបត្រសងគ្នា៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រាជធានីភ្នំពេញ កំពុងបោះជំហានថ្មី ឆ្ពោះទៅជាគោលដៅទេសចរណ៍ទីក្រុងលំដាប់អន្តរជាតិ!
Top News, ព្រឹត្តិការណ៍, សេដ្ឋកិច្ច
• 17/08/2026
រដ្ឋមន្ត្រីក្រសួងទេសចរណ៍បានអះអាងថា រាជធានីភ្នំពេញ មិនត្រឹមតែជាមជ្ឈមណ្ឌល នយោបាយ រដ្ឋបាល សេដ្ឋកិច្ច ពាណិជ្ជកម្ម និងវប្បធម៌របស់ព្រះរាជាណាចក្រកម្ពុជាប៉ុណ្ណោះទេ ប៉ុន្តែក៏ជាច្រកទ្វារទេសចរណ៍អន្តរជាតិដ៏សំខាន់
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content