សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ នៅដើមសប្តាហ៍នេះ ប្រទេស្លូវ៉ាគី បានស្វាគមន៍វត្តមាននៃក្រុមយន្តហោះចម្បាំងទំនើបបំផុតផលិតនៅអាមេរិកគឺ F-16 ចំនួន២គ្រឿង ដែលជាកញ្ចប់យន្តហោះចម្បាំងសរុប១៤គ្រឿងរបស់រដ្ឋាភិបាលបញ្ជាទិញពីអាមេរិក និងស្ថិតនៅក្នុងខ្ទង់ចំណាយសរុបប្រមាណជា ១,៨ពាន់លានដុល្លារ។
ការមកដល់នៃយន្តហោះ F-16 ក្រោយការពន្យាពេលអស់រយៈពេលជាង២ឆ្នាំពីកាលកំណត់ដោយសារបញ្ហារាតត្បាតនៃវិរុសកូវីដ។ ប្រធានាធិបតីស្លូវ៉ាគី លោក Peter Pellegrini បានធ្វើការកត់សំគាល់គួរឲ្យរីករាយសម្រាប់ប្រទេសក្នុងគ្រាដែលយន្តហោះចម្បាំងដ៏ទំនើបបានដាក់ឲ្យប្រតិបត្តិការជាផ្លូវការនៅលើទីតាំងមូលដ្ឋានក្នុងប្រទេស Kuchyna ដែលស្ថិតនៅភាគខាងលិច។
លោកប្រធានាធិបតីបានមានប្រសាសន៍ថា៖ ការមកដល់របស់ F-16 បានបង្ហាញអំពីការចូលរួមចំណែកយ៉ាងសំខាន់ក្នុងការធ្វើឲ្យប្រសើរឡើង និងកាន់តែមានប្រសិទ្ធភាពនៃសមត្ថភាពការពារជាតិរបស់ស្លុវ៉ាគី ប៉ុន្តែ ទោះជាយ៉ាងណាក្តី យន្តហោះ ១២គ្រឿងផ្សេងទៀតនឹងអាចដឹកជញ្ជូនមកដល់ជាបន្តបន្ទាប់ក្នុងរយៈពេល២ឆ្នាំទៀត។
គួររំលឹកដែរថា លោក Pellegrini បានបម្រើការងារជានាយករដ្ឋមន្ត្រី ស្លូវ៉ាគី កាលពីឆ្នាំ២០១៨ ជាពេលដែលរដ្ឋាភិបាលរបស់លោកគឺជាអ្នកសម្រេចចិត្តក្នុងការចុះកិច្ចព្រមព្រៀងតម្លៃជិត២ពាន់លានដុល្លារដើម្បីទិញយន្តហោះ F-16 ទាំង១៤គ្រឿងនេះពីអាមេរិក ក្នុងគោលបំណងដើម្បីយកមកជំនួសការងារនៃយន្តហោះចម្បាំងជំនាន់ចាស់ដែលសល់ពីសម័យសូវៀត MiG-29 ដែលរដ្ឋាភិបាលស្លូវ៉ាគីកាលពីសម័យនោះបានផ្តល់ទៅឲ្យរដ្ឋាភិបាលអ៊ុយក្រែន។
រដ្ឋាភិបាល ស្លូវ៉ាគី បានបញ្ឈប់ការប្រតិបត្តិការនៃយន្តហោះចម្បាំង MiGs កាលពីឆ្នាំ២០២២ ដោយសារតែបញ្ហាខ្វះគ្រឿងបន្លាស់ និងជំនាញក្នុងការថែទាំ បន្ទាប់ពីអ្នកបច្ចេកទេសរុស្ស៊ីទាំងអស់បានត្រឡប់ទៅស្រុកកំណើតវិញក្នុងពេលដែលការលុកលុយរបស់រុស្ស៊ីទៅលើប្រទេសអ៊ុយក្រែនបានចាប់ផ្តើម។
បន្ថែមពីនោះ កាលពីឆ្នាំមុន រដ្ឋាភិបាលបានអនុម័តផែនការផ្តល់ឱ្យអ៊ុយក្រែននូវឈុត MiG-29 ចំនួន១៣ គ្រឿងរបស់ខ្លួន ហើយស្លូវ៉ាគីក្លាយជាប្រទេសសមាជិកណាតូទីពីរដែលធ្វើតាមការអង្វររបស់រដ្ឋាភិបាលអ៊ុយក្រែនសម្រាប់យន្តហោះចម្បាំងដើម្បីជួយការពារប្រឆាំងនឹងការឈ្លានពានរបស់រុស្ស៊ី។
សូមរំលឹកដែរថា ក្នុងរយៈពេល២ឆ្នាំចុងក្រោយនេះ ស្លូវ៉ាគី គឺពុំមានយន្តហោះចម្បាំងផ្ទាល់ខ្លួនឡើយ ហើយសមាជិកណាតូផ្សេងទៀត ដូចជា ប្រទេស ប៉ូឡូញ សាធារណរដ្ឋឆេក និងក្រោយមកក៏មាន ហុងគ្រី បានចូលខ្លួនមកចូលរួមក្នុងកិច្ចសហការគ្នាក្នុងការជួយគាំទ្រដល់វិស័យការពារដែនអាកាសរបស់ស្លូវ៉ាគី៕
Account
Security
Favourite Content