សម្ដេចតេជោ ស្នើឲ្យក្រសួងកសិកម្មយកចិត្តទុកដាក់ផ្ដល់បច្ចេកទេស និងដាក់ពង្រាយអ្នកជំនាញ​ទៅបង្រៀនកសិករតាមភូមិឃុំ

ភ្នំពេញ ៖ សម្រាប់កម្ពុជា វិស័យកសិកម្ម គឺជាវិស័យដ៏ចម្បងមួយដែលរួមចំណែកជួយដល់សេដ្ឋកិច្ចកម្ពុជាក្នុងទំហំ​ដ៏ធំ។ ជាមួយគ្នានេះ ​ស្របទៅនឹងការរីកចម្រើននៃសង្គម របៀបរបបនៃការធ្វើកសិកម្មក៏គួរតែត្រូវបានផ្លាស់ប្ដូរ និងពង្រឹងបន្ថែម ដោយធ្វើយ៉ាងណាអាចបង្កើនទិន្នផលឱ្យបានច្រើនបំផុតតាមដែលអាចធ្វើទៅបាន។

កាលពីដើមឡើយ ប្រជាកសិករនិយមធ្វើកសិកម្មបែបប្រពៃណី ប៉ុន្តែពេលនេះរាជរដ្ឋា​ភិបាលតាមរយៈក្រសួងជំនាញបានជំរុញឱ្យបញ្ចូលបច្ចេកទេសថ្មីៗដើម្បីពង្រឹង និងពង្រីកការបង្កបង្កើនផលប្រកបដោយប្រសិទ្ធភាព ដែលការជំរុញបែបនេះ គឺដើម្បីបង្កើនទិន្នផល បើទោះបីជាដំណាំត្រូវបានដាំលើដីដែលមានទំហំតូចដដែលក្ដី។

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជានៅព្រឹកថ្ងៃទី ១៥ ខែឧសភា ឆ្នាំ២០២៣ម្សិលមិញនេះបានស្នើដល់ក្រសួងកសិកម្មឲ្យខិតខំធ្វើការងារបន្ថែមទៀតលើការផ្ដល់បច្ចេកទេស​ និងដាក់ពង្រាយមន្ត្រីជំនាញឲ្យចុះទៅបង្រៀនកសិករនៅតាមភូមិឃុំស្រុកទូទាំងប្រទេស។

សម្ដេចតេជោបានមានប្រសាសន៍ថា ៖

“ដើម្បីអាចបង្កបង្កើនផលឲ្យច្រើនជាងទម្លាប់កាលពីមុន ក្រសួងត្រូវផ្ដល់ពូជស្រូវថ្មីៗដែលមិនទាមទាររយៈពេលដាំដុះយូរ និងអ្វីដែលកាន់តែសំខាន់សម្រាប់ការដាំដុះពេញមួយឆ្នាំគឺប្រភពទឹក។ អីចឹងទេ ចំណុចទាំងនេះ ក្រសួងត្រូវបន្តការយកចិត្តទុកដាក់ទៅលើការស្រាវជ្រាវ​បច្ចេកទេស ហើយជំរុញបច្ចេកទេសរបស់យើងភ្ជាប់ជាមួយកសិករ តាមរយៈការពង្រាយនៃអ្នកបច្ចេកទេសកសិកម្មរបស់យើងទៅភ្ជាប់ជាមួយនឹងកសិករ។”

សម្ដេចបន្តមានប្រសាសន៍ទៀតថា ៖

“ក្រៅតែពីចំនួនមនុស្សដែលនឹងត្រូវបញ្ចូន​ចុះទៅគ្រប់ឃុំ យើងក៏នៅមានអ្នកបច្ចេកទេសដែលត្រូវចុះទៅបង្រៀនកសិកររបស់យើង ទៅលើបញ្ហាទាក់ទិននឹង​បច្ចេកទេសថ្មីៗ ការដាំដុះ ការប្រើប្រាស់ពូជ ក៏ដូចជាការចិញ្ចឹមសត្វ ចិញ្ចឹមត្រី ការការពារជំងឺ សត្វជាដើម…ដែលខ្ញុំគិតថា យន្ដការនៅក្នុងក្រសួងកសិកម្មនេះវាមានហើយ តែវាមិនទាន់​គ្រប់គ្រាន់ទេ ប៉ុន្តែយើងអាចបន្ថែមនូវបែបបទ ធ្វើអន្តរាគមន៍ ចំណុចខ្លះក៏យើងត្រូវបង្កើតជំរុញនូវគំនិតផ្ដួច​ផ្ដើមដែរ។”

ក្រៅពីនោះ សម្ដេចក៏បានជំរុញដល់កសិករ ឬសមាគមកសិករនានាមិនត្រឹមតែយកចិត្តទុកដាក់លើការដាំដុះតែមួយមុខទេ ប៉ុន្តែគួរតែងាកមកផ្ដោតលើការកែច្នៃផងដែរ ព្រោះចង់ ឬមិនចង់ ការកែច្នៃអាចរកទីផ្សារលក់បានល្អជាងផលិតផលដើម៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហភាពអឺរ៉ុបលើកឡើងថា ការដាក់ទណ្ឌកម្មលើសេដ្ឋកិច្ចរុស្ស៊ីពិតជាមានប្រសិទ្ធភាព

ព្រឹត្តិការណ៍, សេដ្ឋកិច្ច

• 25/07/2024

រដ្ឋមន្ត្រីហិរញ្ញវត្ថុសហភាពអឺរ៉ុប ៨ រូប លើកឡើងថា រុស្ស៊ីនិយាយកុហកអំពីកម្លាំងសេដ្ឋកិច្ចរបស់ខ្លួន ដោយសារមាន​សញ្ញា​ជា​ច្រើន​ដែល​បង្ហាញ​ថា​សេដ្ឋកិច្ច​រុស្ស៊ី​កំពុង​ធ្លាក់​ចុះ ហើយគួរតែមានទណ្ឌកម្ម ​និង​វិធានការ​ផ្សេង​បន្ថែមទៀត​ ដើម្បី​ធ្វើ​ឲ្យ​សេដ្ឋកិច្ច​រុស្ស៊ី​ចុះ​ខ្សោយ​កាន់តែមានប្រសិទ្ធភាព

រដ្ឋាភិបាល និងស្ថាប័នហិរញ្ញវត្ថុ សហការបង្កើនអាទិភាពហិរញ្ញប្បទានសម្រាប់វិស័យទឹកស្អាត

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

វេទិកាទឹកស្អាតត្រូវផ្តោតលើការពង្រឹង​កិច្ច​សហការរវាងរដ្ឋ វិស័យឯកជននិងស្ថាប័នហិរញ្ញវត្ថuលើកកម្ពស់​លទ្ធភាព​ទទួលសេវា​ទឹក​ស្អាតទូទាំង​ប្រទេស​

នាពេលអនាគត កម្ពុជានឹងមានមជ្ឈមណ្ឌលភស្តុភារកម្មភ្នំពេញសម្រាប់ទាក់ទាញការវិនិយោគផ្នែកឡូជីស្ទីក

ព្រឹត្តិការណ៍, សេដ្ឋកិច្ច

• 25/07/2024

នាពេលអនាគតឆាប់ៗកម្ពុជា នឹងមានមជ្ឈមណ្ឌលភស្តុភារកម្មភ្នំពេញ សម្រាប់ទាក់ទាញការវិនិយោគផ្នែកឡូជីស្ទីកទាំងក្នុង និង ក្រៅប្រទេស

វិស័យមីក្រូហិរញ្ញវត្ថុបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច

ព្រឹត្តិការណ៍, ហិរញ្ញវត្ថុ

• 25/07/2024

វិស័យមីក្រូហិរញ្ញវត្ថុនៅតែបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច តាមរយៈការផ្តល់ផលិតផល និងសេវាហិរញ្ញវត្ថុផ្លូវការដល់ប្រជាពលរដ្ឋ ជាពិសេសប្រជាពលរដ្ឋនៅតាមតំបន់ជនបទ

រាជរដ្ឋាភិបាល​អាណត្តិថ្មី បាន​ដាក់​ចេញវិធានការជា​បន្តបន្ទាប់​ ​ដើម្បីជំរុញ​ការស្ដារ​វិស័យ​សំណង់ ​និងអចលនទ្រព្យ​

ព្រឹត្តិការណ៍, អចលនទ្រព្យ

• 25/07/2024

រដ្ឋាភបិាលបាល​បានដាក់ចេញនូវ​វិធានការ​ជា​បន្តបន្ទាប់ដើម្បីជំរុញវិស័យ​អចលនទ្រព្យ ​និងសំណង់ឱ្យ​ងើ​បឡើងវិញតាំងពីអាណត្តិ​ចាស់​ដល់អាណត្តិ​ថ្មី

F-16ថ្មីចំនួន២គ្រឿងនៃកញ្ចប់ចំណាយជិត២ពាន់លានដុល្លារ ចុះចតដល់ទឹកដីស្លូវ៉ាលើកដំបូងក្រោយរង់ចាំជាង២ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

F-16 បានបង្ហាញអំពីការចូលរួមចំណែកយ៉ាងសំខាន់ក្នុងការធ្វើឲ្យប្រសើរឡើង និងកាន់តែមានប្រសិទ្ធភាពនៃសមត្ថភាពការពារជាតិរបស់ស្លុវ៉ាគី

រដ្ឋាភិបាលអភិវឌ្ឍបណ្តាខេត្តជាប់ឆ្នេរសមុទ្រទៅជារបៀងសេដ្ឋកិច្ចពហុបំណង និងឈានទៅគោលដៅឆ្នេរទេសចរណ៍កម្រិតពិភពលោក

ព្រឹត្តិការណ៍, សេដ្ឋកិច្ច

• 25/07/2024

កម្ពុជា នឹងអភិវឌ្ឍបណ្តាខេត្តជាប់ឆ្នេរសមុទ្រឱ្យទៅជារបៀងសេដ្ឋកិច្ចពហុបំណង ប្រទាក់ក្រឡា និងជាគោលដៅទេសចរណ៍ឆ្នេរកម្រិតពិភពលោក

ការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឱ្យកម្ពុជាឈានទៅរកការពង្រីកអាជីវកម្មក្នុងតំបន់អាស៊ាន

ព្រឹត្តិការណ៍, សេដ្ឋកិច្ច

• 25/07/2024

ការលើកកម្ពស់នៃការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឲ្យកម្ពុជាឈានទៅរកការពង្រីកអាជីវកម្មទៅកាន់តំបន់អាស៊ានតាមរយៈប្រព័ន្ធអេឡិចត្រូនិក

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ