បំពង់បឺតចចូតថ្មី មេត្រីបរិស្ថាន ចូលរួមជួយដល់ជីវភាពស្ត្រីក្នុងសហគមន៍

ចចូត ជារុក្ខជាតិស្មៅមួយប្រភេទដែលប្រជាជនខ្មែរនិយមច្នៃទៅជាសម្ភារប្រើប្រាស់ដូចជាត្បាញជាកន្ទេល មួក កន្ត្រក និងវត្ថុអនុស្សាវរីយ៍ផ្សេងៗ។ ដោយមើលឃើញពីអត្ថប្រយោជន៍របស់ស្មៅប្រភេទនេះ មានក្រុមហ៊ុនឯកជនមួយបានច្នៃចចូតទៅជាបំពង់បឺតដែលមានគុណភាព កាត់បន្ថយប្លាស្ទិក និងជួយដល់បងប្អូនក្នុងសហគមន៍។

អាទិករ  ជាក្រុមហ៊ុនឯកជនខ្នាតតូច ដែលបានចាប់ផ្តើមដំណើរការកាលពីអំឡុងខែមេសា ឆ្នាំ២០២២ ដោយផ្តោតសំខាន់ទៅលើការផលិតនូវរបស់ប្រើប្រាស់មេត្រីបរិស្ថាន​ ដែលផ្តើមចេញពីការផលិតបំពង់បឺតបរិស្ថាន និងព្យាយាមប្រើប្រាស់វត្ថុធាតុដើមពីធម្មជាតិនៅក្នុងស្រុក ដើម្បីលើកកម្ពស់ជីវភាពប្រជាជននៅក្នុងសហគមន៍ ក៏ដូចជាធានានូវសុខមាលភាពអ្នកប្រើប្រាស់ និងមិនប៉ះពាល់ដល់បរិស្ថានផងដែរ។

កញ្ញា ហៃ សុជាតិវឌ្ឍនា ជាស្ថាបនិកក្រុមហ៊ុននេះបានប្រាប់ AMS ថា បំពង់បឺតមេត្រីបរិស្ថានដែលផលិតពីចចូតងាយស្រួលប្រើប្រាស់ មិនប៉ះពាល់រសជាតិភេសជ្ជៈ ប្រើបានទាំងភេសជ្ជៈក្តៅ និងត្រជាក់ ជាពិសេសវាអាចបន្ថែមក្លិនប្រហើររុក្ខជាតិដែលអាចឱ្យអ្នកប្រើប្រាស់មានអារម្មណ៍ស្និទ្ធស្នាលជាមួយធម្មជាតិ។

កញ្ញាបន្ថែមថា ៖

“ចំពោះការប្រើប្រាស់បំពង់បឺតធម្មជាតិប្រភេទនេះវាអាចកាត់បន្ថយការប្រើប្រាស់ប្លាស្ទិក គ្មានកាកសំណល់រឹង ហើយអាចរលាយក្នុងស្រទាប់ដីក្នុងរយៈពេល៣០ ទៅ ៤៥ថ្ងៃប៉ុណ្ណោះ។ ចំណែកតម្លៃវិញ ចន្លោះពី ១០០​-១៤០រៀល ក្នុង១ដើម អាស្រ័យទៅតាមទំហំ និងបរិមាណបញ្ជាទិញពីអតិថិជនដែលភាគច្រើនគេប្រើនៅតាមសណ្ឋាគារ ភោជនីយដ្ឋាន និងហាងលក់វត្ថុអនុស្សាវរីយ៍នានា ដែលអតិថិជនគាំទ្រជាអ្នកមានឆន្ទៈក្នុងការចូលរួមថែរក្សាបរិស្ថាន កាត់បន្ថយនូវការប្រើប្រាស់ប្លាស្ទិកតាមរយៈការងាកមកប្រើប្រាស់ផលិតផលបរិស្ថានជំនួសវិញ”

ពាក់ព័ន្ធនឹងវត្ថុធាតុដើមវិញ ស្ថាបនិករូបនេះរៀបរាប់ថា ស្មៅចចូតអាចរកបាននៅក្នុងស្រុក ពោលគឺនៅ​តាមបណ្តាទីតាំងមួយចំនួន ដូចជាក្រុងព្រះសីហនុ ខេត្តកោះកុងជាដើម។ រីឯការផលិតបំពង់បឺតចចូត ផលិតដោយដៃស្រ្តីខ្មែរក្នុងសហគមន៍ ដោយឆ្លងកាត់ការលាងសម្អាតទាំងផ្នែក​ក្នុង និងខាងក្រៅ កាត់ទៅតាមទំហំ តាមតម្រូវការ ទើបសម្ងួតដោយម៉ាស៊ីនស្វ័យប្រវត្តិរយៈពេល ៣-៤ម៉ោង។ បន្ទាប់មកទើបធ្វើការសម្លាប់មេរោគ ដោយម៉ាស៊ីនស្វ័យប្រវត្តិ UVC Sterilization ហើយចុងក្រោយ គឺការត្រួតពិនិត្យគុណភាពឡើងវិញ និងវេចខ្ចប់ទៅតាមស្តង់ដារ។

ទន្ទឹមនឹងនេះ ក្រុមហ៊ុនខាងលើក៏ជួបផលលំបាកដែរក្នុងការផលិត គឺបញ្ហាវត្ថុធាតុដើមនៅមានកំណត់ ដែលធ្វើឱ្យការផលិតក៏ដូចជាបរិមាណផលិតផលនៅតិចនៅឡើយ។ សម្រាប់ចក្ខុវិស័យ អាទិករ ចង់ក្លាយជាក្រុមហ៊ុនក្នុងស្រុកមួយ ដែលបង្កើតនូវផលិតផលប្រើប្រាស់មេត្រីបរិស្ថាន​ មានភាពសាមញ្ញ ​មានសុវត្ថិភាពដល់អ្នកប្រើប្រាស់ ពោលគឺប្រជាជនរស់នៅប្រកបដោយសុខមាលភាព។

ក្រៅពីនេះ អាទិករក៏ចង់ចូលរួមចំណែកក្នុងកិច្ចការពារបរិស្ថាន ដោយកាត់បន្ថយសំណល់ប្លាស្ទិក កាត់បន្ថយផលប៉ះពាល់ដល់ជីវចម្រុះ តាមរយៈការប្រើប្រាស់ដោយនិរន្តរភាពនូវធនធានធម្មជាតិដែលមានស្រាប់ និងកែច្នៃទៅជាប្រយោជន៍ និងលើកកម្ពស់ជីវភាពប្រជាជនក្នុងសហគមន៍ ក៏ដូចជាសមត្ថភាពស្រ្តីក្នុងវិស័យការងារផងដែរ។              

ចុងក្រោយ កញ្ញា ហៃ សុជាតិ វឌ្ឍនា ចង់ឃើញប្រជាជនទាំងអស់គ្នាចូលរួមចំណែកការពារបរិស្ថានជុំវិញ ដើម្បីទីក្រុង រមណីយដ្ឋានស្អាត ទាក់ទាញភ្ញៀវទេសចរ និងបន្តជួយគាំទ្រផលិតផលខ្មែរឱ្យបានច្រើនបន្ថែមទៀត។ ចំពោះសហគ្រិនក្នុងស្រុកដែលមានគោលដៅការពារបរិស្ថាន សូមចូលរួម និងបន្តផលិត​ ក៏ដូចជាកែច្នៃផលិតផលក្នុងស្រុកឱ្យបានច្រើន ប្រកបដោយគុណភាព និងតម្លៃសមរម្យ ដើម្បីឱ្យប្រទេសកម្ពុជាមានផលិតផល និងសម្ភារប្រើប្រាស់ក្នុងស្រុកបរិបូណ៍ ហើយក៏ជាផ្នែកមួយជួយលើកកម្ពស់សេដ្ឋកិច្ចជាតិផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ