សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ស្ថានភាពល្អប្រសើរឡើងវិញនៃកំណើនសេដ្ឋកិច្ចរបស់អាមេរិកបានបណ្តាលឲ្យទីផ្សារលុយគ្រីបតូដូចជា Bitcoin(BTC) និង Ethereum ជាដើម កំពុងហក់ឡើងគួរឲ្យកត់សម្គាល់គិតត្រឹមថ្ងៃចន្ទសប្តាហ៍នេះ ពោលគឺឡើងរហូតដល់ប្រមាណជា៦៣,៥០០ដុល្លាររួចទៅហើយ។
មានកត្តាមួយចំនួនដែលជាសញ្ញាវិជ្ជមានចំពោះសេដ្ឋកិច្ចអាមេរិក ដូចជា អត្រាកើនឡើងនៃអ្នកមានការងារធ្វើ។ ជាក់ស្តែង នៅក្នុងខែកញ្ញាកន្លងទៅនេះមានប្រមាណជា ២៥៤ ០០០ការងារថ្មី ពោលគឺច្រើនជាងការរំពឹងទុករបស់ក្រុមអ្នកវិភាគសេដ្ឋកិច្ច។ ក្រៅពីនៅមានដូចជាការកាត់បន្ថយអត្រាការប្រាក់របស់ធនាគារកណ្តាលអាមេរិក ដែលបានធ្វើឲ្យទំនុកចិត្តលើទីផ្សារចាប់ផ្តើមមានភាពល្អប្រសើរឡើងវិញដូចគ្នា។
យោងតាមតួលេខដែលបានចេញផ្សាយដោយ The EconomicTimes បានបង្ហាញថា ជាទូទៅ ទំហំទីផ្សារលុយគ្រីបតូបានទទួលកំណើនប្រមាណជា ២,៥៨ភាគរយ ធ្វើឲ្យទំហំសរុបនៅទូទាំងសកលលោកមានទៅដល់ ២,២១ទ្រីលានដុល្លារគិតត្រឹមថ្ងៃចន្ទដដែលនេះ។
ក្រុមហ៊ុនទិញលក់លុយគ្រីបតូ CoinSwitch Markets Desk បាននិយាយថា Bitcoin បានបន្តកើនឡើងតម្លៃចាប់ពី ៥៩,០០០ដុល្លារ និងអាចបន្តទៅដល់ ៦៥,០០០ដុល្លារ ក្នុងពេលខាងមុខឆាប់ៗខាងមុខនេះ។ យ៉ាងណាក៏ដោយ ទោះបីជាមានការកើនឡើងនៃភាពតានតឹងផ្នែកភូមិសាស្ត្រនយោបាយដែលបានដាក់សម្ពាធមកលើ BTC ប៉ុន្តែនៅពេលដែលតម្លៃមាសកើនឡើង វាជាកត្តាជួយរុញច្រានឲ្យតម្លៃរបស់ BTC កើនឡើងតាមដូចគ្នាផងដែរ។ គួរកត់សម្គាល់ថា គិតត្រឹមម៉ោង១រសៀលថ្ងៃចន្ទ សប្ដាហ៍នេះ លុយ Bitcoin បានកើនឡើងក្នុងអត្រា ២,៦ភាគរយ ឬ ៦៣ ៥៧៧ដុល្លារ ខណៈដែល Ethereum នៅបន្តស្ថិតនៅក្នុងតម្លៃលើស ២ ៤៥០ដុល្លារ។
ប្រធានប្រតិបត្តិក្រុមហ៊ុន Giottus Crypto Platform លោក Vikram Subburaj បានលើកឡើងថា ចំពោះលុយគ្រីបតូ Bitcoin វានឹងបន្តកើនឡើងទៅដល់ ៦៤ ០០០ដុល្លារ ហើយអាចឡើងឈានទៅដល់ ៦៥ ០០០ដុល្លារតែម្តងនៅក្នុងសប្តាហ៍នេះ។ ដោយឡែក លុយគ្រីបតូផ្សេងទៀត ដូចជា BNB, Solana, XRP, Dogecoin, Toncoin, Cardano, Shiba Inuនិង Avalanche ជាដើម ត្រូវបានគេមើលឃើញថាមានកំណើនប្រមាណជា៦ភាគរយនៃតម្លៃរបស់ខ្លួននៅក្នុងទីផ្សារ។
សូមបញ្ជាក់ដែរថា ក្នុងរយៈពេល២៤ម៉ោងចុងក្រោយនេះ គេសង្កេតឃើញថា ចំណែករបស់ Bitcoin នៅក្នុងទីផ្សារលុយគ្រីបតូសកលលោកនៅតែជាអ្នកនាំមុខគេដដែល ឬប្រមាណជា ៥៦,៧៨ភាគរយ ស្មើនឹងប្រមាញ ១,២៥៤ទ្រីលានដុល្លារ៕
Account
Security
Favourite Content