សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
យោងតាមសេចក្តីប្រកាសរបស់ក្រសួងពាណិជ្ជកម្ម បានបញ្ជាក់ថា កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) នឹងចូលជាធរមាននៅថ្ងៃទី១ ខែមករា ឆ្នាំ២០២២ ដែលនឹងជួយជំរុញកំណើនការនាំចេញ និងការវិនិយោគកាន់តែធំជាងមុន។
កិច្ចព្រមព្រៀង RCEP ជាគំនិតផ្តួចផ្តើមរបស់សមាគមប្រជាជាតិអាស៊ីអាគ្នេយ៍ (អាស៊ាន) និងត្រូវបានបានប្រកាសឱ្យចាប់ផ្តើមការចរចាក្នុងឆ្នាំ២០១២ នៅរាជធានីភ្នំពេញ នៃព្រះរាជាណាចក្រកម្ពុជា ។ កាលពីដើមខែវិច្ឆិកាថា កិច្ចព្រមព្រៀងនេះបានទទួល ការផ្តល់សច្ចាប័នពីប្រទេសអាស៊ានចំនួនប្រាំមួយ រួមមាន ប្រ៊ុយណេ កម្ពុជា ឡាវ សិង្ហបុរី ថៃ និងវៀតណាម ព្រមទាំងពីប្រទេសហត្ថលេខីមិនមែនអាស៊ានចំនួនបួន មានដូចជា អូស្ត្រាលី ចិន ជប៉ុន និងនូវែលសេឡង់។
ក្រសួងពាណិជ្ជកម្មបានឱ្យដឹងទៀតថា កិច្ចព្រមព្រៀង RCEP គឺជាកិច្ចព្រមព្រៀង សេរីដ៏ធំបំផុតលើពិភពលោកដែលមានសមជិកចំនួន១៥ប្រទេសរួមមានប្រទេសសមាជិកអាស៊ានទាំង១០និងប្រទេសដៃគូពាណិជ្ជកម្មសេរីអាស៊ានចំនួន៥ដូចជាអូស្ត្រាលី ចិន ជប៉ុន កូរ៉េខាងត្បូង និងនូវែលសេឡង់។កិច្ចព្រមព្រៀងនេះគ្របដណ្តប់លើប្រជាជន ប្រមាណ២.២ពាន់លាននាក់ ឬ៣០%នៃប្រជាជនពិភពលោក។មានតម្លៃផលិតផលក្នុងស្រុកសរុប ប្រមាណ២៦,២ ទ្រីលានដុល្លារអាមេរិក ឬ៣០%នៃផលិតផលក្នុងស្រុកសរុបរបស់ពិភពលោក និងទំហំពាណិជ្ជកម្មចំនួន ប្រមាណ២៨% នៃទំហំពាណិជ្ជកម្មពិភពលោកទាំង មូល។
ផ្អែកតាមលទ្ធផលនៃការសិក្សារបស់វិទ្យាស្ថានស្រាវជ្រាវសេដ្ឋកិច្ចសម្រាប់អាស៊ាន និងអាស៊ីបូព៌ា(ERIA)បានបង្ហាញថាកម្ពុជាអាចនឹងមានកំណើនប្រចាំឆ្នាំ នៃការនាំចេញចំនួន៧,៣% និងវិនិយោគចំនួន ២៣,៤% និងផលិតផលក្នុងស្រុកសរុបចំនួនប្រមាណ២% នៃផលិតផលក្នុងស្រុប ដែលមានបច្ចុប្បន្ន។
កម្ពុជានឹងទទួលបានភាពអនុគ្រោះពន្ធពីកិច្ចព្រមព្រៀងនេះលើទំនិញសំខាន់ៗជាច្រើន ដែលបញ្ជីទំនិញទាំងអស់អាចទាញយកបានពីគេហទំព័រក្រសួងពាណិជ្ជកម្ម ដែលក្រសួងអាចលើកជាឧទាហរណ៍នូវមុខទំនិញមួយចំនួនដូចជា ៖ ទំនិញកសិកម្ម រួមមាន៖គ្រាប់ស្វាយចន្ទី ស្វាយស្រស់ ចេក ដំឡូងមី…និងទំនិញកសិកម្មកែច្នៃរួមមាន៖ គុយទាវ នំក្រៀម សំបុកត្រចៀកកាំ ម្សៅដំឡូងមីដំណាប់ស្វាយ។ល។ឯទំនិញកសិកម្មមានកង់ គ្រឿងសង្ហារឹម សម្លៀកបំពាក់កាបូបយួរ គ្រឿងបង្គំអេឡិចត្រូនិក ជ័រកៅស៊ូធម្មជាតិរាវ ជ័រកែច្នៃ។ល។
សូមជ្រាបដែរថាកិច្ចព្រមព្រៀង RCEP មានគោលបំណងបង្កើតបរិយាកាសពាណិជ្ជកម្ម និងវិនិយោគបើកចំហ ដើម្បីសម្រួលដល់ការពង្រីកពាណិជ្ជកម្ម និងការវិនិយោគក្នុងតំបន់ និងរួមចំណែកដល់កំណើនសេដ្ឋកិច្ច និងការអភិវឌ្ឍសកលលោក។ កិច្ចព្រមព្រៀង RCEP និងក្លាយជាក្របខ័ណ្ឌស្នូលសម្រាប់ការធ្វើពាណិជ្ជកម្ម និងការវិនិយោគ ដើម្បីពង្រីកបន្ថែមទៀតនូវខ្សែច្រវាក់តម្លៃតំបន់ នាំមកនូវឱកាសទីផ្សារ និងការងារសម្រាប់អាជីវកម្មនិងប្រជាជននៅក្នុងតំបន់។
ក្រសួងពាណិជ្ជកម្មរបស់ប្រទេសចិនបាននិយាយថា ការចូលជាធរមាននៃកិច្ចព្រមព្រៀងនេះគឺមានសារសំខាន់សម្រាប់ការជំរុញបន្ថែមទៀតនូវពាណិជ្ជកម្មសេរីក្នុងតំបន់ ធ្វើឱ្យមានស្ថិរភាពឧស្សាហកម្មនិងខ្សែសង្វាក់ផ្គត់ផ្គង់ និងការលើកកម្ពស់ការបើកចំហកម្រិតខ្ពស់របស់ប្រទេសចិន។ សូមបញ្ជាក់ថាកិច្ចព្រមព្រៀង RCEP ត្រូវបានអនុម័តក្នុងខែវិច្ឆិកា ឆ្នាំ២០២១ ដោយប្រទេសសមាជិកអាស៊ានទាំង១០ និងប្រទេសដៃគូចំនួន៥ ។ យោងតាមកិច្ចព្រមព្រៀងនេះ ការអនុវត្ត RCEP នឹងចាប់ផ្តើម៦០ថ្ងៃបន្ទាប់ពីការផ្តល់សច្ចាប័នដោយប្រទេសអាស៊ានចំនួនប្រាំមួយ និងយ៉ាងហោចណាស់ប្រទេសមិនមែនអាស៊ានចំនួន៣ ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន NextEd Canada រៀបចំទិវាគ្រួសារ (Family’s Day) ដើម្បីអបអរសិស្សកម្ពុជាដែលត្រៀមបន្តការសិក្សានៅប្រទេសកាណាដា
ព្រឹត្តិការណ៍, អត្ថបទពាណិជ្ជកម្ម
• 15/08/2026
NextEd Canada ដែលជាក្រុមហ៊ុនប្រឹក្សា និងរៀបចំផែនការសិក្សានៅប្រទេសកាណាដា សម្រាប់សិស្សានុសិស្សកម្ពុជាចាប់ពីកម្រិតវិទ្យាល័យឡើងទៅ បានរៀបចំទិវាគ្រួសារសម្រាប់សិស្ស និស្សិត និងក្រុមគ្រួសារកម្ពុជាប្រមាណ១០០ គ្រួសារដែលមានផែនការ និងចំណាប់អារម្មណ៍លើការសិក្សានៅកាណាដា
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content