សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ចំណេះដឹង ៖ Amazon.com Inc. (AMZN) ជាក្រុមហ៊ុនលក់រាយតាមអ៊ីនធរណេតដ៏ធំបំផុតរបស់ពិភពលោក និងបានរីកចម្រើនយ៉ាងឆាប់រហ័សនៅក្នុងអាជីវកម្មជាច្រើនផ្នែក រួមទាំងប្រតិបត្តិការពាណិជ្ជកម្មអេឡិចត្រូនិក(e-commerce) សេវាកម្មក្លោដ(cloud services) និងការផ្សាយពាណិជ្ជកម្មឌីជីថល(digital advertising)។ ក្រៅពីនេះ ក្រុមហ៊ុនក៏លក់ផលិតផលផ្សេងៗទៀត ដូចជាជំនួយការ Alexa និងប្រព័ន្ធផលិតផលផ្ទាល់ខ្លួនដូចជា Kindle e-reader, Fire TV, រួមទាំងភាពយន្ត និងកម្មវិធីទូរទស្សន៍តាមរយៈវេទិកាវីដេអូ Amazon Prime ។
ក្រុមហ៊ុនគូប្រជែងរបស់ Amazon រួមមាន Walmart Inc. (WMT) និង Alibaba Group Holding Ltd. ខណៈដែល Amazon ជាប់ចំណាត់ថ្នាក់ជាក្រុមហ៊ុនកំពូលមួយរបស់ពិភពលោកបើគិតតាមតម្លៃទីផ្សារ (market value)។
នៅពេលបច្ចុប្បន្ននេះ ក្រុមហ៊ុន Amazon មានទំហំមូលធនទីផ្សារ (market cap) ចំនួនប្រមាណ ១,៧៣ ទ្រីលានដុល្លារ។ យោងតាមរបាយការណ៍ហិរញ្ញវត្ថុក្រុមហ៊ុន Amazon បានឲ្យដឹងថា ទំហំការលក់សុទ្ធបានកើនឡើង ១៥% ស្មើនឹង ១១០ ពាន់លានដុល្លារនៅក្នុងត្រីមាសទី៣ឆ្នាំ២០២១ បើធៀបនឹងប្រមាណ ៩៦ពាន់លានដុល្លារនៅក្នុងត្រីមាសទី៣ឆ្នាំ២០២០។
Amazon បានបែងចែកអាជីវកម្មរបស់ខ្លួនជា៣ផ្នែក ៖ អាមេរិកខាងជើង អន្តរជាតិ និង AWS ។ ផ្នែកអាមេរិកខាងជើង និងផ្នែកអន្តរជាតិ សំដៅលើការវិភាគភូមិសាស្ត្រនៃអាជីវកម្មលក់រាយរបស់ Amazon ។ Amazon បង្កើតប្រាក់ចំណូលពីការលក់រាយនៅអាមេរិកខាងជើង និងជុំវិញពិភពលោក ក៏ដូចជាពីការជាវ (subscriptions) និងការលក់នាំចេញសម្រាប់តំបន់ទាំងនោះ។ ការលក់រាយអាចត្រូវបានបំបែកបន្ថែមទៀតគឺផ្សារអនឡាញដែលជាចំណូលមួយដ៏ច្រើន។ សរុបជារួម ផ្សារអនឡាញមានចំនួន ៥៣,២ពាន់លានដុល្លារក្នុងការលក់នៅក្នុងត្រីមាសទី៣ ឆ្នាំ២០២១ ឬប្រហែល ៤៧% នៃការលក់សុទ្ធ ខណៈដែលហាងទីតាំងនៅខាងក្រៅរកបានប្រមាណ ៤,២ ពាន់លានដុល្លារក្នុងការលក់ ឬប្រហែល ៤% នៃការលក់សុទ្ធ។
Amazon Web Services (AWS) បានចាប់ផ្តើមក្នុងអំឡុងឆ្នាំ២០០៦ ផ្តល់សេវាកម្មដល់អាជីវកម្ម ភ្នាក់ងាររដ្ឋាភិបាល និងស្ថាប័នសិក្សាដើម្បីរក្សាទុកព័ត៌មាន និងចែកចាយមាតិកា។ Amazon បានលើកឡើងថា AWS ផ្តល់នូវវេទិកាហេដ្ឋារចនាសម្ព័ន្ធនៅក្នុងក្លោដ សម្រាប់ដំណោះស្រាយជាច្រើនដូចជាការបង្ហោះកម្មវិធី និងគេហទំព័រ ការផ្តល់ព័ត៌មានវិទ្យាសហគ្រាស និងការចែកចាយមាតិកា។
បើគិតលើប្រាក់ចំណូល ផ្នែកអាមេរិកខាងជើងមានទំហំប្រមាណ៦០% ផ្នែកអន្តរជាតិមានទំហំប្រមាណ២៧% និងផ្នែក AWS មានទំហំប្រមាណ១៣%។ ប៉ុន្តែបើគិតតាមប្រាក់ចំណេញសុទ្ធវិញ ផ្នែកអាមេរិកខាងជើងមានទំហំប្រមាណ៤១% ផ្នែក AWS មានទំហំប្រមាណ៥៤% និងសល់ពីនេះប្រមាណជា៥% ជាផ្នែកអន្តរជាតិ នេះបើយោងតាមរបាយការណ៍ហិរញ្ញវត្ថុរបស់ Amazon ត្រីមាសទី២ ឆ្នាំ២០២១៕
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
គ្រឹះស្ថានមីក្រូហិរញ្ញវត្ថុ អម្រឹត រៀបចំកម្មវិធីអបអរសាទរ និងផ្តល់ប្រាក់រង្វាន់លើកទឹកចិត្តជូនកូនៗរបស់អតិថិជនដែលបានប្រើប្រាស់ “គណនីក្មេងឆ្លាត”
ព្រឹត្តិការណ៍, អត្ថបទពាណិជ្ជកម្ម
• 06/12/2024
នេះគឺជាឆ្នាំទី៤ ដែលអម្រឹតបានបង្កើត “គណនីក្មេងឆ្លាត” ជាមួយនឹងគោលបំណងចូលរួមបំពេញក្តីស្រមៃរបស់អតិថិជនដែលជាមាតាបិតាក្នុងការរៀបចំគម្រោងអនាគតការសិក្សារបស់កូនៗនៅថ្នាក់មហាវិទ្យាល័យរយៈពេល៤ឆ្នាំ
ប្រតិភូរដ្ឋាភិបាល និងពាណិជ្ជករឡាវ មកទស្សនកិច្ចសិក្សាស្វែងយល់ប្រព័ន្ធសុខាភិបាលឌីជីថលនៅកម្ពុជា
ព្រឹត្តិការណ៍, អាជីវកម្មថ្មី និងនវានុវត្ត
• 06/12/2024
បច្ចេកវិទ្យាសុខាភិបាលឌីជីថល មានគុណប្រយោជន៍ខ្ពស់ បង្កើតភាពងាយស្រួលដល់គ្រូពេទ្យ និងអ្នកជំងឺ ដែលអាចចងក្រងឯកសារ និងប្រវត្ដិរបស់អ្នកជំងឺដោយប្រព័ន្ធឌីជីថល
ស្វែងយល់ពីការយកកម្រៃសេវាលើការផ្ទៀងផ្ទាត់ទិន្នន័យអត្តសញ្ញាណបុគ្គល តាមរយៈថ្នាលផ្លាស់ប្តូរទិន្នន័យកម្ពុជា(CamDX)
ព្រឹត្តិការណ៍, អាជីវកម្មថ្មី និងនវានុវត្ត
• 06/12/2024
ប្រព័ន្ធឌីជីថលរបស់វិស័យឯកជនតាមថ្នាល CamDX សំដៅធ្វើឲ្យប្រសើរនូវការផ្តល់សេវាសាធារណៈរបស់រដ្ឋ និងបង្កើនប្រសិទ្ធភាពនៃប្រតិបត្តិការអាជីវកម្មរបស់វិស័យឯកជន តាមទម្រង់ឌីជីថល ស្របតាមមុំទី ៥ នៃយុទ្ធសាស្ត្របញ្ជកោណ-ដំណាក់ទី ១ របស់រាជរដ្ឋាភិបាល
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content