ខ្ទឹមស្លឹក ជាដំណាំមានសក្ដានុពល ងាយស្រួលដាំ និងទទួលបានផលចំណេញច្រើន

ខ្ទឹមស្លឹក ជាប្រភេទបន្លែមួយប្រភេទដែលគេនិយមប្រើប្រាស់ជាគ្រឿងបន្ថែមសោភ័ណភាព រសជាតិ និងក្លិនឈ្ងុយទៅលើម្ហូបជាច្រើនមុខ។ ដោយសារវាមានភាពងាយស្រួលក្នុងការដាំដុះ និងមានតម្រូវការទីផ្សារល្អបែបនេះ ទើបសហគមន៍មួយបានប្រមូលផ្ដុំគ្នាដាំដំណាំប្រភេទនេះ និងអាចផ្គត់ផ្គង់បានដល់ទៅ ២០តោនក្នុងមួយខែ។

លោក តេន ទុំ ប្រធានសហគមន៍កសិកម្មបៃតងគោកស្រុក មានទីតាំងនៅខេត្តត្បូងឃ្មុំ បានមានប្រសាសន៍ថា៖

«ទីផ្សារស្លឹកខ្ទឹមរបស់សហគមន៍នៅតំបន់យើង គឺមិនពិបាកនោះទេ ពោលគឺឱ្យតែមានខ្លឹមឱ្យគេ គឺមិនខ្វះឈ្មួញមកទិញនោះទេ ដោយចំណូលក្នុងសហគមន៍យើង ក្នុងមួយខែអាចបានប្រមាណ ១០-១៥លានរៀល បន្ទាប់ពីកាត់ថ្លៃចំណាយហើយ»។  

លោកបន្ថែមថា ៖

«ក្នុងមួយថ្ងៃយើងអាចផ្គត់ផ្គង់ស្លឹកខ្ទឹមបានពី ៣-៥តោន ដែលយើងមានបោះទៅឈ្មួញតូច-ធំ មិនថានៅរាជធានីភ្នំពេញ ខេត្តសៀមរាប ក្រចេះ ស្ទឹងត្រែង មណ្ឌលគិរី និងផ្សារនៅក្រុងសួងផ្ទាល់តែម្ដង ហើយក្រៅពីនេះ យើងក៏មានលក់នៅតាមផ្សារសុវត្ថិភាពផ្សេងៗផងដែរ»។

សម្រាប់សហគមន៍នេះដែរ លោក តេន ទុំ បានបន្តទៀតថា សហគមន៍នេះមានផ្ទៃដីដាំដុះប្រមាណ ៦៤ហិកតា ដែលមានទាំងខ្ទឹមស្លឹក និងបន្លែផ្សេងទៀត ហើយមានសមាជិក ៦៥គ្រួសារកំពុងមមាញឹក្នុងការដាំដុះ ខណៈដែលការផលិតខ្ទឹមនេះក៏មានភាពងាយស្រួល ព្រោះបើគេមានទំហំដី ២០អា អាចរកចំណូលបាន ១៥០០ – ២០០០ដុល្លារក្នុងមួយវគ្គមានរយៈពេលត្រឹមជាង ១ខែក្នុង ហើយអាចផលិតបាន ៤-៥ដងក្នុងមួយឆ្នាំ។

ដោយឡែកបញ្ហាទីផ្សារត្រូវបានប្រធានសហគមន៍នេះរំឭកដែរថា ៖

«ពីមុនយើងមានឈ្មួញខ្លះដែរ តែមិនទាន់ទូលំទូលាយនោះទេ ហើយខែខ្លះត្រូវធ្លាក់ថ្លៃដោយសារតែការប្រមូលផលមិនច្បាស់លាស់ធ្វើឱ្យជន់តម្លៃ តែនៅពេលយើងមានផែនការផលិតកម្មច្បាស់លាស់ យើងអាចទាក់ទាញឈ្មួញធំៗបាន មានការផ្សព្វផ្សាយ និងបានចូលរួមក្នុងគម្រោងធំៗថែមទៀតផង»។

គួរបញ្ជាក់ដែរថា សហគមន៍កសិកម្មបៃតងគោកស្រុកបានបង្កើតឡើងនៅឆ្នាំ២០២០ ហើយតាមរយៈការប្រមូលផ្ដុំគ្នានេះបានជួយឱ្យកសិករអស់ក្ដីព្រួយបារម្ភរឿងទីផ្សារ ដោយសារមានទីផ្សារច្បាស់លាស់ មានផែនការច្បាស់លាស់ក្នុងការដាំដុះ និងប្រមូលផលឱ្យឈ្មួញ ដែលខុសពីការដាំដោយឯករាជ្យវាមិនអាចផ្គត់ផ្គង់បានទាន់ពេល និងមានហានិភ័យខ្ពស់។

ចុងក្រោយ លោក តេន ទុំ ក៏សូមលើកទឹកចិត្តដល់បងប្អូនកសិករ ឬក៏បងប្អូនចំណាកស្រុកដែលត្រឡប់មកវិញ និងមានដីទំនេរ គឺអាចដាំដំណាំខ្ទឹមស្លឹកនេះបាន ព្រោះវាមិនចំណាយទុនច្រើន ងាយស្រួលដាំ ដោយគ្រាន់តែប្រភពទឹកគ្រប់គ្រាប់ប៉ុណ្ណោះ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល