បច្ចេកវិទ្យាហិរញ្ញវត្ថុ គឺជាមធ្យោបាយដ៏មានប្រសិទ្ធភាពក្នុងការជំរុញបរិយាបន្នហិរញ្ញវត្ថុ

ភ្នំពេញ ៖ បរិយាបន្នហិរញ្ញវត្ថុ គឺពិតជាមានសារសំខាន់ណាស់ក្នុងការជំរុញកំណើនសេដ្ឋកិច្ចនៅក្នុងប្រទេសមួយ ប៉ុន្តែបញ្ហាមួយចំនួននៅតែបន្តរារាំងដល់ការជំរុញបរិយាបន្នហិរញ្ញវត្ថុ។ បន្ទាប់ពីមើលឃើញកត្តារារាំងទាំងនេះ គ្រឹះស្ថានធនាគារ និងហិរញ្ញវត្ថុ បានរិះរកវិធីសាស្ត្រថ្មីៗជាច្រើនក្នុងការដោះស្រាយបញ្ហាទាំងនេះ និងជួយពង្រីកការទទួបានសេវាហិរញ្ញវត្ថុដល់តំបន់ ដែលមានការខ្វះខាត ឬមធ្យោបាយក្នុងការទទួលបានសេវាហិរញ្ញវត្ថុផ្លូរការ។

បច្ចេកវិទ្យាហិរញ្ញវត្ថុបានក្លាយជាមួយមធ្យោបាយមួយឆ្ពោះទៅកាន់ការបង្កើនសេវាហិរញ្ញវត្ថុដល់ប្រជាជន ដែលខ្វះមធ្យោបាយទទួលបានសេវាទាំងនេះ ដោយសារតែភាពខ្វះខាតនៃប្រព័ន្ធហេដ្ឋារចនាសម្ព័ន្ធក្នុងប្រព័ន្ធធនាគារ។ បច្ចេកវិទ្យាហិរញ្ញវត្ថុគឺក៏មធ្យោបាយដ៏មានប្រសិទ្ធភាពផងដែរក្នុងការផ្តល់សេវាហិរញ្ញវត្ថុដល់អតិថិជនសក្តានុពលេ។

លោក ម៉ានូ រ៉ាចាន់ អគ្គនាយកក្រុមហ៊ុន វីង (ធនាគារពាណិជ្ជ វីង) បានថ្លែងថា តម្រូវការនៃប្រតិបត្តិការឌីជីថល និងកំណើនសេដ្ឋកិច្ចប្រកបដោយបរិយាបន្នគឺកិច្ចការងារអាទិភាពសម្រាប់ប្រទេសកម្ពុជា ដូច្នេះហើយបានជា ធនាគារ វីង បានដាក់ចេញនូវបច្ចេកវិទ្យាហិរញ្ញវត្ថុ ប្រកបដោយសុវត្ថិភាព រហ័ស និងសន្សំសំចៃពេលវេលា ដើម្បីឆ្លើយនឹងតម្រូវការជាក់ស្តែងរបស់ប្រជាជនកម្ពុជា។

ទោះបីជាយ៉ាងក៏ដោយ កាលពីឆ្នាំ២០០៩ ការណែនាំក្នុងកម្មវិធីទូរស័ព្ទដៃសម្រាប់ការប្រើប្រាស់កម្មវេរលុយ គឺមានតែជាភាសាអង់គ្លេសតែប៉ុន្នោះ បន្ទាប់មក ធនាគារ វីង បានធ្វើបច្ចុប្បន្នលើកម្មវិធីនេះជាភាសាជាតិបន្ថែម ដើម្បីសម្រួលដល់អ្នកប្រើប្រាស់ក្នុងការងាយស្រួលទទួលបានសេវាកម្មពីធនាគារខ្លួន។

ការប្រែក្លាយជាធនាគារពាណិជ្ជ ជាមួយប្រព័ន្ធធនាគារឌីជីថលធំជាងគេមួយនៅកម្ពុជា វីង ទទួលាបានសមិទ្ធផលដ៏សំខាន់មួយទៀតក្នុងវិស័យហិរញ្ញវត្ថុនៅកម្ពុជា នោះគឺការប្រែក្លាយទៅជាធនាគារពាណិជ្ជពេញលេញនៅចុងឆ្នាំ២០២០។ ការផ្លាស់ប្តូរនេះបានធ្វើឱ្យធនាគារ វីង អាចពង្រីកការផ្តល់សេវាហិរញ្ញវត្ថុរបស់ខ្លួន ដោយបានបើកដំណើរការសាខាចំនួន ១៧ ទីតាំងសំខាន់ៗ ទាំងក្នុងរាជធានីភ្នំពេញ និងតាមបណ្តាខេត្តនានា។

ការរីកចម្រើនឥតឈប់ឈររបស់ធនាគារ វីង ក៏បានបង្ហាញពីការរួមចំណែកដ៏សំខាន់ចំពោះសហគមន៍ពាណិជ្ជកម្ម​ផងដែរ​ ដោយបច្ចុប្បន្នមានដៃគូជាង ១៥០ ០០០ អាជីវកម្ម ៣ ០០០ សហគ្រាសធុន​តូច និងមធ្យម ៦០០សាជីវកម្ម និង១០ស្ថាប័នរដ្ឋាភិបាល ដែលបានប្រើប្រាស់​ប្រព័ន្ធអេ​កូឡូស៊ីរបស់ធនាគារ វីង​។ ជាងនេះទៅទៀត កិច្ចសហប្រតិបត្តិការជាមួយដៃគូដែលជាស្ថាប័នហិរញ្ញវត្ថុធំៗនៅលើពិភពលោកមានដូចជា៖ Mastercard, Visa, WeChat, Western Union, MoneyGram, Ria, Prudential, និងក្រុមហ៊ុន UnionPay International បានធ្វើឱ្យធនាគារ វីង​ អាចបង្កើតបានជាប្រព័ន្ធអេ​កូឡូស៊ីនៃធនាគារឌីជីថលដ៏ធំមួយនៅក្នុងប្រទេសកម្ពុជា។

លោក ម៉ានូ​ រ៉ាចាន់ បានលើកឡើងថា៖

“ការវិវឌ្ឍរបស់ វីង ទៅជាធនាគារពាណិជ្ជ គឺជាព្រឹត្តិការណ៍ដ៏សំខាន់មួយក្នុងដំណើរឆ្ពោះទៅរកគោលដៅដើម្បីផ្តល់ដំណោះស្រាយហិរញ្ញវត្ថុដ៏សំបូរបែបទៅដល់ពលរដ្ឋកម្ពុជាគ្រប់រូប។ យើង […] បន្តផ្តល់ដំណោះស្រាយប្រកបដោយភាពច្នៃប្រឌិត ដែលនឹងកំណត់​អនាគតនៃសេវា​ធនាគារនៅកម្ពុជា។ ទស្សនៈវិស័យរបស់យើងគឺផ្តល់ជូនពលរដ្ឋគ្រប់រូបជាមួយនឹងដំណោះស្រាយឌីជីថលដែលងាយស្រួលប្រើប្រាស់ និងចាំបាច់ ដើម្បីលើកកម្ពស់ជីវភាពរបស់នៅប្រចាំថ្ងៃរបស់ពួកគេឱ្យកាន់តែប្រសើរឡើង។”

ទន្ទឹមនេះ ធនាគារ វីង ក៏បាន និងកំពុងចូលរួមចំណែកក្នុងការជំរុញការផ្តល់សេវាហិរញ្ញវត្ថុសម្រាប់ស្តី និងសហគ្រិនជាស្ត្រីផងដែរ។

យោងតាមការសិក្សាស្រាវជ្រាវមួយ នៅកម្ពុជា ៩៨% នៃសហគ្រាសធុនតូច និងមធ្យម (SMEs) គឺជាសហគ្រាសមីក្រូ ខ្នាតតូច និងធម្យម (MSMEs) ហើយជាងពាក់កណ្តាលនៃវិស័យ SMEs គឺគ្រប់គ្រងដោយស្តី្រ។ បញ្ហាប្រឈមនោះគឺត្រង់ថា សហគ្រិនស្ត្រីពិបាកក្នុងការទទួលបានសេវាហិរញ្ញវត្ថុ ធៀបនឹងសហគ្រិនបុរស ដោយសារពួកគេខ្វះទ្រព្យធានា ដាក់ជូនគ្រឹះស្ថានធនាគារ និងហិរញ្ញវត្ថុ ដើម្បីទទួលបានកម្ចីផ្លូវការ។

ដូច្នេះហើយ ធនាគារ វីង បានសហការជាមួយដៃគូជាច្រើន ដូចជា PACT, USAID, SME Bank, CGCC និងដៃគូផ្សេង​ៗទៀត ដើម្បីដោះស្រាយបញ្ហាក្នុងការទទួលបានសេវាហិរញ្ញវត្ថុរបស់ស្ត្រី និងងាយស្រួលក្នុងការប្រើប្រាស់ទុនបង្វិល។ លើសពីនេះ សហគ្រិនស្រី្តក៏កាន់តែមានភាពងាយស្រួលក្នុងការទទួលសេវាហិរញ្ញវត្ថុ តាមរយៈបច្ចេកវិទ្យាហិរញ្ញវត្ថុផងដែរ ដោយសារបច្ចុប្បន្ន ការប្រើប្រាស់បច្ចេកវិទ្យាហិរញ្ញវត្ថុមានភាពងាយស្រួល សុវត្ថិភាព រហ័ស និងសន្សំសំចៃពេលវេលា។

សូមបញ្ជក់ផងដែរថា បរិយាបន្នហិរញ្ញវត្ថុ គឺសំដៅលើការផ្តល់លទ្ធភាពដល់ប្រជាជន ឱ្យទទួលបានសេវាហិរញ្ញវត្ថុលឿនរហ័ស ងាយស្រួល និងមានតម្លៃសមរម្យ និងធានាបាននូវការពង្រីកសក្តានុពលសកម្មភាពសេដ្ឋកិច្ចលើគ្រប់វិស័យ និងការកាត់បន្ថយភាពក្រីក្រនៅក្នុងសង្គម៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។

កម្មវិធី «វិថីហិរញ្ញវត្ថុ រដូវកាលទី២» ត្រូវបានបើកសម្ពោធដាក់ដំណើរការជាផ្លូវការហើយ

ព្រឹត្តិការណ៍, ហិរញ្ញវត្ថុ

• 20/06/2024

នៅព្រឹកថ្ងៃទី២០ ខែមិថុនា ឆ្នាំ២០២៤នេះ កម្មវិធី «វិថីហិរញ្ញវត្ថុ រដូវកាលទី២» ដែលផ្តួចផ្តើមផលិតឡើងដោយក្រុមហ៊ុន អប្សរា មេឌា សឺវីស AMS ត្រូវបានបើកសម្ពោធដាក់ដំណើរការជាផ្លូវការ

កម្ពុជា​-​សិង្ហបុរី ​ផ្តួចផ្តើម​ដាក់​ឱ្យ​ដំណើរការថ្នាល​ច្រក​របៀង​តម្លា​ភាព​ហិរញ្ញវត្ថុ​

ព្រឹត្តិការណ៍, សេដ្ឋកិច្ច

• 20/06/2024

កម្ពុជានិងសិង្ហបុរី បានដាក់ដំណើរការថ្នាលច្រករបៀងតម្លាភាពហិរញ្ញវត្ថុដែលគំនិតផ្តួចផ្តើមនេះជំរុញកំណើនពាណិជ្ជកម្ម និងសេវាកម្មហិរញ្ញវត្ថុពាក់ព័ន្ធ

លំអងឃ្មុំ ជាទិន្នផលបានពីការចិញ្ចឹមឃ្មុំមានគុណតម្លៃច្រើនសម្រាប់សុខភាព

ជំនួញ, ព្រឹត្តិការណ៍

• 20/06/2024

លំអងឃ្មុំ ជាទិន្នផលមួយបានពីការចិញ្ចឹមឃ្មុំ ក៏មិនខុសពីផលិតផលពីឃ្មុំដទៃទៀតដែរ ដែលមានតម្លៃថ្លៃ និងមានគុណប្រយោជន៍ច្រើនចំពោះសុខភាពអ្នកទទួលទាន។

អាកាស​យានដ្ឋានអន្តរជាតិតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ព្រឹត្តិការណ៍, អចលនទ្រព្យ

• 20/06/2024

អាកាស​យានដ្ឋានអន្តរជាតិមរតកតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»