សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ផ្កាម្លិះ គឺជារុក្ខជាតិដែលមានភាពងាយស្រួលក្នុងការដាំដុះបំផុតមិនថានៅទីណានោះទេ ទោះជានៅចំការ ឬនៅតាមផ្ទះក្តី ដោយផ្កាម្លិះមានរូបរាងជាបំពង់ពណ៌ស ហើយវាជាប្រភេទដើមផ្កាដែលមានដើមកំណើតដំបូងចេញពីអាស៊ី ហើយបច្ចុប្បន្នវាបានរីកសាយភាយទៅដល់ផ្នែកជាច្រើនរបស់ពិភពលោក និងទៅដល់អឺរ៉ុបនៅសតវត្សរ៍ទី ១៦ ហើយជាពេលដែលម្លិះបានក្លាយទៅជាវត្ថុធាតុដើមដ៏សំខាន់ក្នុងការផលិតបានជាទឹកអប់ច្រើនប្រភេទ និងច្រើនក្លិន។
ឥណ្ឌា ត្រូវបានគេស្គាល់ថា ជាអ្នកផ្គត់ផ្គង់វត្ថុធាតុដើមជាប្រេងម្លិះដ៏សំខាន់បំផុតនៃទីផ្សារលក់ទឹកអប់របស់អឺរ៉ុប ជាពិសេសប្រទេសបារាំងអស់រយៈពេលជាច្រើនទសវត្សមកហើយ ដោយបច្ចុប្បន្ននេះមិនត្រឹមតែជាអាជីវកម្មដែលងាយស្រួលក្នុងការប្រតិបត្តិការប៉ុណ្ណោះទេ ប៉ុន្តែការដាំដុះ និងផលិតជាប្រេងម្លិះរបស់ឥណ្ឌាអាចរកបានចំណូលយ៉ាងច្រើនជារៀងរាល់ឆ្នាំដោយក្នុងនោះគេជឿជាក់ថាប្រេងម្លិះតែមួយគីឡូក្រាម ឬមួយលីត្រប៉ុណ្ណោះមានតម្លៃរហូតទៅដល់ ៥ ០០០ដុល្លារអាមេរិក។
តើហេតុអ្វីដើមម្លិះជារុក្ខជាតិងាយដាំងាយថែរក្សាបែបនេះបែរជាអាចមានតម្លៃថ្លៃយ៉ាងនេះ?
ទីផ្សារម្លិះជាទីផ្សារដែលមិនសូវមានផលប៉ះពាល់ខ្លាំងដោយសារបញ្ហាវិបត្តិសកលនោះទេ ដោយសារតែវាគឺជាវត្ថុធាតុដើមចាំបាច់សម្រាប់ផលិតជាទឹកអប់ ឬទឹកក្រអូប និងគ្រឿងសម្រាប់ផ្តល់ក្លិនស្រស់ស្រាយនៅតាមគេហដ្ឋានប៉ុណ្ណោះ។ កត្តាចម្បងបំផុតដែលអ្នកជំនាញទីផ្សារអាចមើលឃើញថាវាបាននាំឲ្យតម្លៃប្រេងរបស់ម្លិះមានតម្លៃខ្លាំងជាជាងរុក្ខជាតិ និងប្រេងរបស់ផ្កាណាទាំងអស់លើពិភលោកនោះគឺជាសង្វាក់ផលិតកម្មដែលមានភាពប៉ិនប្រសប់ដែលមានអត់ធ្មត់បំផុត និងក៏ដូចជាការផ្គត់ផ្គង់គ្រប់គ្រាន់តាមតម្រូវការរបស់អ្នកទិញ។
នៅប្រទេសឥណ្ឌា កម្មករជាស្ត្រីភាគច្រើនគឺជាអ្នកដែលចាប់ផ្តើមដំណើរការនៃការផលិតប្រេងម្លិះដំបូងគេបង្អស់តាមរយៈការចំណាយពេលច្រើនម៉ោងក្នុងមួយថ្ងៃដើម្បីអាចបេះផ្កាម្លិះតូចៗចេញពីចម្ការ។ ផ្កាម្លិះក្រពុំត្រូវបានបេះម្តងមួយៗដោយយកចិត្តទុកដាក់បំផុតដោយប្រើប្រាស់ទាំងភ្នែករកតែផ្កាណាដែលមានអាយុកាលសមល្មម និងការថ្នមផ្កាមិនឲ្យខូចខាត ហើយជាទូទៅក្នុងចំនួន ៥ ០០០ទងទើបអាចមានទំងន់ស្មើនឹង១គីឡូក្រាម ដូចនេះ មានន័យថា ពួកគេត្រូវធ្វើការដដែលចំនួន ៥ ០០០ដង ដើម្បីសម្រេចការងារនេះ។ ជារៀងរាល់ថ្ងៃពួកគាត់ត្រូវចំណាយពេលដល់ទៅ៥ម៉ោងចាប់ពីពេលព្រឹកបំផុតដើម្បីអាចធ្វើការងារនេះមុនពេលដែលថ្ងៃត្រង់មកដល់ដែលអាកាសធាតុក្តៅខ្លាំង។
ផ្កាក្រពុំ ជាធម្មតាក្រោយពេលបេះរួចរាល់មានពេល ២ ឬ៣ថ្ងៃប៉ុណ្ណោះមុនពេលដែលវាក្លាយទៅជាផ្ការីក និងអាចជះក្លិនយ៉ាងក្រអូប និងយកទៅធ្វើការចម្រាញ់បានជាប្រេងម្លិះបាន។ មុនពេលទៅដល់រោងចក្រចម្រាញ់ប្រេងម្លិះ ផ្កាទាំងនោះត្រូវបានគេដឹកជញ្ជូនទៅកាន់ទីផ្សារដ៏ធំមួយកន្លែងក្នុងទីក្រុង Madurai ជាទីក្រុងផ្គត់ផ្គង់ផ្លាម្លិះធំជាងគេបំផុតរបស់ឥណ្ឌា។
ក្រុមអ្នកជំនាញរបស់រោងចក្រសិប្បកម្មចាំបាច់ត្រូវដើរផ្សារដើម្បីស្វែងរកតែផ្កាម្លិះណាដែលល្អៗ និងមិនទាន់រីកប៉ុណ្ណោះដើម្បីយកទៅចម្រាញ់ជាប្រេងម្លិះដ៏ល្អមួយបាន ដូចនេះបើខ្វះខាតចន្លោះប្រហោងចំណុចណាមួយ ទាំងការបេះ និងការដឹកជញ្ជូន ផ្កាម្លិះទាំងនោះនឹងត្រូវបាត់បង់ទីផ្សារភ្លាម។
ផ្លាម្លិះក្រពុំ ៥ ០០០ផ្កា មានទំងន់ស្មើនឹងមួយគីឡូក្រាម ប៉ុន្តែសម្រាប់ការផលិតឲ្យបានប្រេងម្លិះមួយគីឡូក្រាមគេត្រូវការផ្កាម្លិះស្រស់ៗបែបនេះដល់ទៅ ១ ០០០គីឡូក្រាម ដូចនេះការផលិតបានជាប្រេងម្លិះមិនមែនជារឿងងាយស្រួលពេកនោះទេ។ បច្ចុប្បន្ន ទីផ្សារប្រេងម្លិះរបស់ឥណ្ឌាត្រូវបានគេទទួលស្គាល់យ៉ាងទូលំទូលាយ និងកំពុងចរាចរទៅកាន់បណ្តាប្រទេសជាច្រើនដែលជាអ្នកផលិតទឹកអប់ ជាពិសេសគឺប្រទេសបារាំង នឹងត្រូវបានប្រើប្រាស់នៅក្នុងប្រភេទទឹកអប់ប្រណិតៗ និងមានតម្លៃថ្លៃ ដូចជា Mon Gerlain ជាដើម៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ម្ហូបឌីមសាំ ប៉ះជាមួយគ្រឿងទេសកំពត បង្កើតរសជាតិឆ្ងាញ់ ប្លែក និងច្នៃប្រឌិត
ព្រឹត្តិការណ៍, អត្ថបទពាណិជ្ជកម្ម
• 03/04/2026
ដើម្បីអបអរសាទរ និងលើកកម្ពស់រសជាតិអាហារបែប "Glocal" (ការរួមបញ្ចូលគ្នារវាងរសជាតិសកល និងរសជាតិក្នុងស្រុក) កាលពីល្ងាចថ្ងៃទី២ ខែមេសា ឆ្នាំ២០២៦ ភោជនីយដ្ឋាន Yi Sang ដែលទើបនឹងសម្ពោធថ្មីៗស្ថិតនៅក្នុងអាកាសយានដ្ឋានអន្តរជាតិតេជោ
អ៊ីរ៉ង់ បានបាញ់ទម្លាក់ F-35 របស់អាម៉េរិកយ៉ាងជោគជ័យ ក្រោយការចែករំលែកទិចនិកបាញ់ពីសំណាក់អ្នកជំនាញចិន
ព្រឹត្តិការណ៍, អាជីវកម្មថ្មី និងនវានុវត្ត
• 03/04/2026
វិស្វករជនជាតិចិនម្នាក់បានធ្វើឱ្យមានការភ្ញាក់ផ្អើលយ៉ាងខ្លាំងនៅលើបណ្តាញសង្គម បន្ទាប់ពីបានបង្ហោះវីដេអូបង្រៀនលម្អិតអំពីរបៀបបាញ់ទម្លាក់យន្តហោះចម្បាំងបំបាំងកាយទំនើបបំផុត F-35 របស់សហរដ្ឋអាម៉េរិក។
ក្រោយបញ្ចប់ការចុះបញ្ជីទូទាំងប្រទេស ក្រសួងដែនដីបន្តបេសកកម្មផ្សេងទៀត ដើម្បីឱ្យពលរដ្ឋរស់នៅកាន់តែស្រួល តជំនាន់
Top News, ព្រឹត្តិការណ៍, អចលនទ្រព្យ
• 02/04/2026
ក្រសួងរៀបចំដែនដី នគរូបនីយកម្ម និងសំណង់ នឹងបន្តបេសកកម្មធ្វើការងារផ្សេងទៀត ដើម្បីធ្វើយ៉ាងណាឱ្យប្រទេសជាតិ ក៏ដូចជាប្រជាពលរដ្ឋកម្ពុជាទាំងអស់រស់នៅប្រកបដោយសុខុដុមរមនាទាំងអស់គ្នា និងតជំនាន់
Hacker កូរ៉េខាងជើង អាចលួចបញ្ចូល bug software ទៅក្នុងដំណើរប្រតិបត្តិការក្រុមហ៊ុនរាប់ពាន់នៅអាម៉េរិក
ព្រឹត្តិការណ៍, អាជីវកម្មថ្មី និងនវានុវត្ត
• 02/04/2026
អ្នកជំនាញអាម៉េរិកថា hackers របស់កូរ៉េខាងជើងកំពុងប្រើប្រាស់ software មួយប្រភេទដែលមានផ្ទុកទៅដោយមេរោគ ឬ bug ជាយុទ្ធសាស្ត្ររបស់ខ្លួនដំណើរការនៅក្នុងក្រុមហ៊ុនរាប់ពាន់នៅសហរដ្ឋអាម៉េរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content