សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កម្ពុជា ជាប្រទេសដែលមានសក្ដានុពលខ្ពស់ខាងវិស័យកសិកម្ម ជាពិសេសខាងដំណាំ មិនថាជាប្រភេទស្រូវ ឬដំណាំហូបផ្លែដទៃទៀតនោះទេ។ ក្នុងនោះ នៅរដូវប្រមូលផលម្ដងៗ តែងតែការជន់កសិផលធ្វើឱ្យមានបន្លែផ្លែឈើដែលលើសតម្រូវការសល់ខូចចោល ហេតុនេះរោងសម្ងួតជាបច្ចេកវិទ្យាមួយដែលអាចជួយបង្កើនលទ្ធភាពកែច្នៃ និងកាត់បន្ថយការខូចខាតរបស់កសិផលមិនថា បន្លែ ផ្លែឈើ ឬត្រី សាច់នោះទេ។
លោក ហុង សុត ជាម្ចាស់អាជីវកម្មរោងសម្ងួតកសិករឆ្លាត (Kasekor Chhlat) បានមានប្រសាសន៍ប្រាប់ AMS Economy អំពីអត្ថប្រយោជន៍នៃរោងសម្ងួតថា៖
«រោងសម្ងួតមានអត្ថប្រយោជន៍ដូចជា សម្ងួតបានលឿន សុវត្ថិភាព មានអនាម័យ ការពារដីហុយ និងសត្វចូល ការពាររំហួតពីដី ការពារការខូចដោយសារយូវី UV ទៅលើផលិតផល ទឹកភ្លៀង រក្សាពណ៌ ក្លិន និងរសជាតិកសិផលឲ្យនៅល្អ ងាយស្រួលបម្លាស់ទី ប្រើប្រាស់ថាមពលស្អាត តម្លៃសមរម្យ អាចប្រើប្រាស់បានយូរ ពោល គឺអាចកាត់បន្ថយការបំភាយឧស្ម័នកាបូន ៩១.២៥ តោនក្នុងមួយឆ្នាំ»។
លោកបន្ថែមថា សម្រាប់អាជីវកម្មរបស់លោកមានផ្គត់ផ្គងរោងសម្ងួតគ្រប់ខ្នាត ដែលមាន ៥ប្រភេទ ដោយមានតម្លៃចាប់ពី ១ ២៥០ – ១៧ ៥០០ដុល្លារ និងមានទំហំសម្ងួតចាប់ពី ២៥គីឡូក្រាម ដល់ ៥តោនក្នុងមួយដង។ សម្រាប់រោងនេះ វាអាចសម្ងួតកសិផលច្រើនមុខដូចជា ចេក ស្វាយ ម្រេច ផ្សិត ម្ទេស ម្ជូរព្រឹក តែ និងឪសថបុរាណ ក៏ដូចជាសាច់ងៀតផងដែររួមមាន ងៀតគោក្របី ត្រីងៀត សាច់ប្រឡាក់ជាដើម។
ចំពោះតំបន់តែនិយមប្រើប្រាស់រោងសម្ងួត ភាគច្រើននៅតាមខេត្តជុំវិញបឹងទន្លេសាប និងតំបន់មាត់សមុទ្រដូចជា កោះកុង ក្រុងព្រះសីហនុ ដែលប្រើសម្រាប់សម្ងួតគ្រឿងសមុទ្រ ហើយម៉ូដែលដែលគេនិយមប្រើគឺ ម៉ូដែល SSD150L និង SSD300L ដែលអាចសម្ងួតបានពី ៥០-៣០០គីឡូក្រាម។
ក្រៅពីរោងសម្ងួត អាជីវកម្មកសិករឆ្លាតក៏មានផ្គត់ផ្គង់នូវសម្ភារផ្សេងទៀតដូចជា បន្ទប់ត្រជាក់ក្លាសេកសិផលកសិកម្ម និងបច្ចេកវិទ្យាគាំទ្រការកែច្នៃផលិតផលកសិកម្មដទៃទៀតផងដែរ។
គួរបញ្ជាក់ដែរថា បច្ចេកវិទ្យាដែលបានរៀបរាប់ខាងលើនេះ លោក ហុង សុត បានរៀនពីសាលាក្នុងស្រុកខ្លះ ហើយបានធ្វើទំនើបកម្មថ្មីៗចេញជាផលិតផលថ្មីរបស់ខ្លួន ដែលមានភាពទំនើបទាន់សម័យកាល និងមានប្រសិទ្ធភាពខ្ពស់ ផលិតឡើងដោយប្រើវត្ថុធាតុដើមនាំចូលខ្លះ និងផលិតក្នុងស្រុកខ្លះ។
ចុងក្រោយ ម្ចាស់អាជីវកម្មខាងលើក៏មានមតិដែរថា សម្រាប់កសិករយើងគួរតែមានរោងប្រភេទណាមួយសម្រាប់គ្រួសារ ឬការកែច្នៃផលិតផលកសិកម្ម ដោយសារតែ វាជាផលិតផលក្នុងស្រុក មានអត្ថប្រយោជន៍ច្រើន និងជួយបរិស្ថានច្រើន ជួយកាត់បន្ថយការប្រែប្រួលអាកាសធាតុ និងបង្ការការបាត់បង់ក្រោយប្រមូលផលកសិកម្មដែលកំពុងខូចខាត់នឹងជន់៕
Account
Security
Favourite Content