សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ សភាពាណិជ្ជកម្មខេត្តបាត់ដំបង ថ្មីៗនេះបានបើកកិច្ចប្រជុំពិភាក្សាបន្ទាន់មួយដើម្បីត្រៀមស្វែងរកទីផ្សារ កសិផល បន្លែ ផ្លែឈើ ជាមួយប្រទេសវៀតណាម ដើម្បីដោះស្រាយបញ្ហានាពេលខាងមុខ និងការបង្កើតមូលនិធិកៀរគរ ស្បៀងអាហារ សម្ភារៈប្រើប្រាស់ និងថវិកា ជាមួយសមាជិក សមាជិកា តំណាងសមាគមសហគ្រិនស្រ្តីកម្ពុជា សាខាខេត្តបាត់ដំបង តំណាងពាណិជ្ជករ អាជីវករ ក្នុងខេត្ត និងតំណាងអាជីវករផ្សារបន្លែ ភួ ពុយ ។
អ្នកឧកញ៉ា ភួ វាសនា អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្តបាត់ដំបង បានឱ្យដឹងថា៖ គោលបំណងនៃកិច្ចពិភាក្សានេះគឺដើម្បីសិក្សាស្វែងរកទីផ្សារដែលជាតម្រូវការរបស់ប្រទេសវៀតណាមសម្រាប់កសិផល បន្លែ ផ្លែឈើ ជាពិសេស ការស្វែងរក និងកៀរគរ ស្បៀងអាហារ សម្ភារៈប្រើប្រាស់ និងថវិកា ក្នុងន័យសប្បុរសធម៌ សម្រាប់ឧបត្ថម្ភគាំទ្រដល់កងទ័ពជួរមុខ និងប្រជាពលរដ្ឋកំពុងភៀសខ្លួនរងការវាយប្រហារពីកងទ័ពឈ្លានពានថៃ តាំងពីថ្ងៃទី២៤ ខែកក្កដា ឆ្នាំ២០២៥រហូតមក។
អ្នកឧកញ៉ា អនុប្រធានសភាពាណិជ្ជកម្មបាត់ដំបង បានឱ្យដឹងផងដែរថា កិច្ចប្រជុំនេះមានការគាំទ្រ និងសាទរពីសំណាក់សមាជិក សមាជិកា តំណាងសមាគម ពាណិជ្ជករ អាជីវករ យ៉ាងខ្លាំងក្នុងនាមខ្មែរជួយខ្មែរ ខ្មែរស្រលាញ់ខ្មែរ និងសូមប្រកាសគាំទ្រយ៉ាងពេញទំហឹងលើគោលជំហរការពារយ៉ាងម៉ឺងម៉ាត់នូវការពារអធិបតេយ្យ និងបូរណភាពទឹកដីរបស់រាជរដ្ឋាភិបាលកម្ពុជា៕
Account
Security
Favourite Content