សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
នៅក្នុងឱកាសអញ្ជើញជាអធីបតីភាពក្នុងពិធីបើកការដ្ឋានសាងសង់ផ្លូវល្បឿនលឿនទី២នៅកម្ពុជា ភ្នំពេញ-បាវិត នៅព្រឹកថ្ងៃទី០៧ ខែមិថុនា ឆ្នាំ២០២៣នេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានលើកឡើងអំពីខួប១០ឆ្នាំ នៃគំនិតផ្ដួចផ្ដើមខ្សែក្រវាត់ និងផ្លូវ។ លើសពីនេះ សម្ដេចតេជោក៏បានឱ្យដឹងថាកម្ពុជាជាប្រទេសដែលបានទទួលផលប្រយោជន៍ច្រើនជាងគេពីគម្រោងគំនិតមួយនេះ។
សម្ដេចតេជោ ហ៊ុន សែន បានមានប្រសាសន៍ថា បន្ទាប់ពីផ្លូវល្បឿនលឿនទី១ ភ្នំពេញ-ព្រះសីហនុទៅ ពេលនេះកម្ពុជាមានផ្លូវល្បឿនរវាងភ្នំពេញទៅបាវិត ដែលនឹងតភ្ជាប់ជាមួយផ្លូវល្បឿនលឿនរបស់ប្រទេសវៀតណាមចូលទៅដល់ក្រុងហូជីមិញ។
សម្ដេចតេជោបានបន្តមានប្រសាសន៍ថា ៖
ផលប្រយោជន៍ជាច្រើនដែលកម្ពុជាទទួលបាននោះរួមមាន៖
“តាមរយៈជំនួយឥតសំណង តាមរយៈកម្ចីសម្រាប់ការសាងសង់ហេដ្ឋារចនាសម្ព័ន្ធ តាមរយៈនៃការវិនិយោគនៃគម្រោងធំៗ។ តំបន់សេដ្ឋកិច្ចពិសេសខេត្តព្រះសីហនុកំពុងក្លាយជាតំបន់សេដ្ឋកិច្ចដែលធំជាងគេ និងប្រមូលផ្ដុំអ្នកវិនិយោគដ៏ធំ។”
គួរបញ្ជាក់ថា គំនិតផ្ដួចផ្ដើមផ្លូវ និងខ្សែក្រវាត់ ត្រូវបានលើកឡើងជាលើកដំបូងក្នុងឆ្នាំ២០១២ ហើយបានចាប់ផ្ដើមជាផ្លូវការក្នុងឆ្នាំ២០២៣ ដោយរដ្ឋាភិបាលចិន។ ផលប្រយោជន៍ដែលកម្ពុជាទទួលបានពីគំនិតផ្ដួចផ្ដើមខ្សែក្រវាត់ និងផ្លូវ រូមមាន៖ ការប្រែប្រួលនៃទំហំវិនិយោគផ្ទាល់ពីបរទេស និង GDP របស់កម្ពុជា ដែលមានត្រឹមតែកម្រិត ២,២% ក្នុងឆ្នាំ១៩៩០ វាបានកើនឡើងយ៉ាងឆាប់រហ័សរហូតដល់ ១២០% នៅពេលដែលកម្ពុជាចូលរួមក្នុងគំនិតផ្ដួចផ្ដើមខ្សែក្រវាត់ និងផ្លូវ នៅឆ្នាំ២០១៤ ព្រមទាំងបានកើនខ្ពស់បំផុតដល់ប្រមាណ ១៣០% នៅឆ្នាំ២០១៩។
ចាប់ពីឆ្នាំពី២០១៦មក ប្រទេសចិនគឺជាប្រភពនាំមុខគេសម្រាប់ទំហំវិនិយោគផ្ទាល់ពីបរទេសនៅកម្ពុជា។ ការវិនិយោគរបស់ចិនមាននៅគ្រប់វិស័យទាំងអស់ រួមមានគម្រោងហេដ្ឋារចនាសម្ព័ន្ធ ផ្លូវ កំពង់ផែសមុទ្រ ព្រលានយន្តហោះ វារីអគ្គិសនី អចលនទ្រព្យ កសិកម្ម កសិឧស្សាហកម្ម គ្រឿងបង្គុំអគ្គិសនី រ៉ែ និងទេសចរណ៍។ រីឯការនាំចេញរបស់កម្ពុជាទៅប្រទេសចិនដែលមានតែត្រឹមតែ ៣៥៧លានដុល្លារ ក្នុងឆ្នាំ២០១៤ បានកើនឡើងដល់ ១០៨៧ លានដុល្លារ នៅក្នុងឆ្នាំ២០២០កន្លងទៅ៕
Account
Security
Favourite Content