​រាជរដ្ឋាភិបាលសម្រេចប្រើប្រាស់វ៉ាក់សាំងកូវីដ-19 របស់ប្រទេសចិន

សម្តេចអគ្គមហាសេនាបតីតេជោ ហ៊ុន សែន បានសម្រេចចិត្តខាងនយោបាយដ៏សំខាន់មួយ ដើម្បីស្រោចស្រង់ជីវិតប្រជាពលរដ្ឋ ដោយសម្តេចបានប្រកាសជាផ្លូវការក្នុងការទទួលប្រើប្រាស់វ៉ាក់សាំង  Sinovac របស់ប្រទេសចិន សម្រាប់ចាក់ជូនប្រជាពលរដ្ឋ ដោយមិនគិតថ្លៃ តាមគោលការណ៍ស្ម័គ្រចិត្ត។ នេះបើតាមការថ្លែងសារ កាលពីយប់ថ្ងៃទី15 ខែមករា ឆ្នាំ2021 ម្សិលមិញនេះ។ 

សម្តេចតេជោ ហ៊ុន សែន បានមានប្រសាសន៍ថា ៖ ព្រះរាជាណាចក្រកម្ពុជាទទួលបាននូវការផ្ដល់វ៉ាក់សាំងចំនួន 1លានដូសសម្រាប់មនុស្ស 50ម៉ឺននាក់ដំបូងតាមរយៈក្រសួងការពារជាតិចិន។ ខុសពីការប្រកាសមុន ដែលបាននិយាយថាយើងនឹងយកជំនួយបរទេសតែវ៉ាក់សាំងណាដែលបានទទួលស្គាល់ដោយអង្គការសុខភាពពិភពលោកតែប៉ុណ្ណោះ។ ប៉ុន្តែមកដល់ពេលនេះ អង្គការសុខភាពពិភពលោកក៏មិនទាន់បានផ្ដល់នូវការទទួលស្គាល់ចំពោះវ៉ាក់សាំងប្រទេសណាឬក្រុមហ៊ុនណាមួយនោះទេ។

សម្តេចតេជោ ក៏បានគូសបញ្ជាក់ថា៖

« ប្រទេសជាច្រើនបានប្រើប្រាស់រួចហើយនូវវ៉ាក់សាំង ដែលក្នុងនោះក៏មានវ៉ាក់សាំងរបស់សាធារណរដ្ឋប្រជាមានិតចិន Sinovac ហើយអ្វីដែលជាភាពចាំបាច់របស់យើងយើងមិនអាចរង់ចាំតទៅទៀតបាននោះទេ។ តម្រូវការការពារជាតិការពារប្រជាជនកុំឱ្យឆ្លងរោគរាតត្បាតដ៏កាចសាហាវនេះគឺយើងត្រូវប្រើប្រាស់វា់ក់សាំងដែលបានប្រើប្រាស់រួចមកហើយសម្រាប់មេដឹកនាំចិនដែលមានមនុស្សដល់រាប់លាននាក់បានប្រើប្រាស់ និងប្រទេសមួយចំនួនផ្សេងទៀត រាប់ទាំងប្រទេសឥណ្ឌូនេស៊ី ដែលប្រធានាធិបតីឥណ្ឌូនេស៊ីទទួលលើកដំបូងគឺជាវ៉ាក់សាំងរបស់សាធារណរដ្ឋប្រជាមានិតចិន» 

សម្តេចតេជោបានលើកឡើងដែរថា ប្រទេសឥណ្ឌូនេស៊ីជាប្រទេសដែលមានប្រជាជនលំដាប់ទី 4 ក្នុងពិភពលោកក៏បានប្រើប្រាស់នូវវ៉ាក់សាំងរបស់ចិន ហើយប្រទេសម៉ាឡេស៊ីនិងប្រទេសហ្វីលីពីនក៏នឹងអាចប្រើប្រាស់នូវវ៉ាក់សាំងប្រទេសចិនផងដែរ។ នៅតំបន់អាហ្វ្រិកនៅមជ្ឈិមបូព៌ា ប្រទេសអេស៊ីព ក៏បានប្រើប្រាស់ និងអាមេរិកឡាទីន ក៏បានប្រើប្រាស់។ ដូច្នេះមនុស្សរាប់សិបលាននាក់ទៅហើយដែលបានប្រើប្រាស់នូវវ៉ាក់សាំងរបស់សាធារណរដ្ឋប្រជាមានិតចិន ។យើងមានការចាំបាច់ដើម្បីប្រើប្រាស់នូវវ៉ាក់សាំងនេះសម្រាប់ការការពារ ដោយសារមូលហេតុនៃការប្រើប្រាស់យ៉ាងទូលំទូលាយ នៅក្នុងប្រទេសចិន ក៏ដូចជាប្រទេសមួយចំនួនផ្សេងទៀតមិនតិចជាង10 ប្រទេសដែលមានប្រជាជនច្រើននាក់បានប្រើប្រាស់រួចហើយ ។

សម្តេចតេជោ ក៏បានគូសបញ្ជាក់ថា៖

«លក្ខខណ្ឌនៃការរក្សាទុកគឺសមស្រប ជាមួយនឹងសភាពការណ៍របស់កម្ពុជានោះគឺស្ថិតនៅក្នុងសីតុណ្ហភាពពី8 អង្សាសេលើសូន្យ បើប្រៀបធៀបជាមួយនឹងវ៉ាក់សាំងប្រទេសមួយចំនួនដែលស្ថិតនៅក្នុងសីតុណ្ហភាព 70 អង្សាសេក្រោមសូន្យដែលហួសពីសមត្ថភាពនៃការគ្រប់គ្រងរបស់យើងហើយបញ្ហានេះក៏នៅមានចំណុចងាយស្រួលត្រង់ថាការដឹកជញ្ជូនក៏ងាយស្រួលក្នុងការធ្វើពីសាធារណរដ្ឋប្រជាមានិតចិនមកកម្ពុជា»

សម្តេចតេជោ ហ៊ុន សែន ផងដែរថាអ្នកដែលទទួលវ៉ាក់សាំងមុនគេប្រហែលជាអ្នកដែលនៅជុំវិញខ្លួនសម្តេចតែម្ដង ដែលនេះជាភាពចាំបាច់នៃការការពារសម្រាប់ថ្នាក់ដឹកនាំរបស់ប្រទេសហើយក៏អាចអ្នកនៅជុំវិញព្រះមហាក្សត្រអ្នកនៅជុំវិញប្រធានព្រឹទ្ធសភា ប្រធានរដ្ឋសភាក៏ត្រូវបានទទួលការចាក់វ៉ាក់សាំងនោះដែរ។ សម្តេចក៏កំពុងគិតថាក្រៅពីមួយលានដូស នឹងចាក់បានមនុស្ស 50 ម៉ឺននាក់សម្រាប់រយៈការលដំបូងនៅខ្សែត្រៀមជួរមុខដែលសម្តេចធ្លាប់បាននិយាយរួចហើយ ។ 

សម្តេចតេជោក៏បានថ្លែងអំណរគុណ ឯកឧត្តមប្រធានាធិបតី ស៊ី ជីនពីង ឯកឧត្តមនាយករដ្ឋ មន្ត្រី លី ឃឺជាំង ក៏ដូចជាឯកឧត្តមរដ្ឋមន្ត្រីការពារជាតិនៃ សាធារណរដ្ឋប្រជាមានិតចិនដែលបានផ្តល់នូវការឧបត្ថម្ភគាំទ្រដល់កងយុទ្ធពលខេមរភូមិនតាមរយៈកងយុទ្ធពលខេមរភូមិន្ទនេះគឺយើងនឹងប្រើប្រាស់ទៅលើអង្គភាពជួរមុខ ទាំងអស់ដែលមុននេះយើងគ្រោងទិញមួយលានដូសឥឡូវយើងមានមួយលានដូសនៅក្នុងដៃសម្រាប់ការប្រើប្រាស់ហើយហើយយើងនឹងបន្តខិតខំដើម្បីចាក់ជូនប្រជាជនយើងនៅក្នុងកំរិត10 លាននាក់រហូតដល់13លាននាក់ប្រសិនបើមានការតម្រូវឲ្យចាក់វ៉ាក់សាំងរហូតដល់80%  ។ 

សម្តេចតេជោ ហ៊ុន សែន ជឿជាក់ថាវ៉ាក់សាំងនេះគឺនឹងអាចសម្រួលឱ្យយើងដោះស្រាយបានបញ្ហាមួយផ្នែកបើទោះបីជាយើងមិនទាន់ដឹងប្រសិទ្ធភាពពិតប្រាកដមិនមែនត្រឹមតែវ៉ាក់សាំងរបស់ចិននោះទេប៉ុន្តែវ៉ាក់សាំងនៅគ្រប់ប្រទេសទាំអស់មិនទាន់ដឹងថាមានសុពលភាពរយៈពេលប៉ុន្មានខែឬប៉ុន្មានឆ្នាំឬមួយជីវិតនោះឡើយ។ប្រទេសមួយចំនួនទៀតបានប្រើប្រាស់ទាំងវា់ក់សាំងអាមេរិកទាំងវ៉ាក់សាំងរបស់អង់គ្លេសក៏បានប្រើប្រាស់រួចមកហើយក៏មិនទាន់មានអ្វីកើតឡើងដែរ ។ 

សម្តេចតេជោ ហ៊ុន សែន បានបញ្ជាក់ដែរថា៖

«ដូច្នេះវាល្មមដល់ពេលដែលកម្ពុជាធ្វើការសម្រេចចិត្តខាងនយោបាយមួយដើម្បីស្រោចស្រង់ជីវិតប្រជាពលរដ្ឋរបស់យើងក៏ប៉ុន្តែខ្ញុំនៅបញ្ជាក់ថាយើងនឹងចាក់វ៉ាក់សាំងដោយឥតគិតថ្លៃ និងឈរលើគោលការណ៍ស្ម័គ្រចិត្ត»

សម្តេចតេជោ ហ៊ុន សែនបន្ថែមថា៖

« ម្យ៉ាងទៀតបើទោះបីជាទទួលបានវ៉ាក់សាំងហើយក៏ដោយក៏សុំនៅបន្តរក្សានូវ3ការពារ គឺពាក់ម៉ាសលាងដៃនិងរក្សាគម្លាតសុវត្ថិ ភាពមួយម៉ែត្រកន្លះ នេះជាចំណុច ទោះបីបានចាក់ ឬមិនបានចាក់ ត្រូវតែប្រើប្រាស់នូវវិធានការទាំង3 នេះហើយជៀសវាងឱ្យខានតែបានមិននូវការចម្លងតាមបែបវិធានខ្វះភាពអនាម័យ។ ខ្ញុំសង្ឃឹមថានេះជាលើកទីមួយហើយក៏មិនមែនជាលើកចុងក្រោយដែរក្នុងសមត្ថភាពរបស់ចិនក្នុងការជួយដល់ព្រះរាជាណាចក្រកម្ពុជា»៕

ព្រឹត្តិការណ៍, អចលនទ្រព្យ

ក្នុងស្ថានភាពទីផ្សារអចលនទ្រព្យមិនទាន់ច្បាស់លាស់ ជាឱកាសល្អសម្រាប់អ្នកមានទុនទិញទុកសម្រាប់វិនិយោគ

ភ្នំពេញ ៖ នៅក្នុងស្ថានភាពដែលទីផ្សារអចលនទ្រព្យនៅមិនទាន់មានភាពច្បាស់លាស់នៅឡើយ មិនថាចំពោះតែនៅក្នុងប្រទេសកម្ពុជា ឬប្រទេសដទៃនោះទេ វាគឺជាឱកាសដ៏ល្អមួយសម្រាប់អ្នកវិនិយោគ…
ព្រឹត្តិការណ៍, សេដ្ឋកិច្ច

វិបត្តិនៅប្រទេសឥណ្ឌាបានក្លាយជាឧបសគ្គនៃដំណើរឆ្ពោះទៅមុខរបស់សេដ្ឋកិច្ចពិភពលោក

អស់រយៈពេល12ថ្ងៃកន្លងមកហើយដែលទិន្នន័យបង្ហាញពីកំណើននៃការឆ្លងជំងឺកូវីដបំប្លែងថ្មីនៅក្នុងប្រទេសឥណ្ឌាបានបន្តកើនឡើងច្រើនជាង 30ម៉ឺននាក់ក្នុងមួយថ្ងៃជាប់គ្នា…………
ព្រឹត្តិការណ៍, សេដ្ឋកិច្ច

ចាប់ពីថ្ងៃនេះរហូតដល់ដំណាច់ខែ តម្លៃសាំងធម្មតា ៤ ៧០០រៀល/១លីត្រ និង ៤ ៤៥០រៀល/លីត្រ សម្រាប់ប្រេងម៉ាស៊ូត

ភ្នំពេញ ៖ តម្លៃលក់រាយប្រេងឥន្ធនៈនៅកម្ពុជាចាប់ពីថ្ងៃទី១៦ ដល់ថ្ងៃទី២៨ ខែកុម្ភៈ ឆ្នាំ២០២២ នឹងត្រូវលក់ក្នុងតម្លៃ ៤ ៧០០រៀល/១លីត្រ សម្រាប់សាំងធម្មតា EA92 និង ៤.៤៥០រៀល/លីត្រ…
ព្រឹត្តិការណ៍, សេដ្ឋកិច្ច

Tesla បើកទំព័រប្រវត្តិសាស្ត្រថ្មីនៅអាស៊ីអាគ្នេយ៍ ដោយការសាងសង់រោងចក្រនៅឥណ្ឌូនេស៊ី និងបើកក្រុមហ៊ុនលក់នៅថៃ

នៅទីបំផុត ព័ត៌មានចរចាមអារ៉ាមដែលកើតមានកាលពីពេលកន្លងមកថា ក្រុមហ៊ុនយក្សអាមេរិកផលិតរថយន្តអគ្គិសនី Tesla នឹងបង្ហាញវត្តមាននៅក្នុងទីផ្សារអាស៊ីអាគ្នេយ៍នោះ ពេលនេះវាបានក្លាយទៅ…
ព្រឹត្តិការណ៍, សេដ្ឋកិច្ច

សម្ដេចតេជោ ហ៊ុន សែន៖ ឆ្នាំ២០២១ កំណើនសេដ្ឋកិច្ចកម្ពុជាអាចស្ថិតក្នុងរង្វង់ ៣ភាគរយ

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានធ្វើការព្យាករថា កំណើនសេដ្ឋកិច្ចកម្ពុជានៅឆ្នាំ២០២១នេះអានឹងស្ថិតនៅក្នុងរង្វង់៣ភាគរយ ខណៈដែលចំណូលថវិកា
ព្រឹត្តិការណ៍, អចលនទ្រព្យ

គុណសម្បត្តិ ១០យ៉ាង ក្រោយការចូលជាសមាជិកសមាគមអ្នកសាងសង់កម្ពុជា

សមាគមអ្នកសាងសង់កម្ពុជាដែលត្រូវបានបង្កើតឡើងដោយក្រសួងរៀបចំដែនដីនគរូបនីយកម្ម និងសំណង់ បានផ្តល់អត្ថប្រយោជន៍ជាច្រើនដល់បណ្តាសមាជិកដែលបានចូលរួម។
ព្រឹត្តិការណ៍, សេដ្ឋកិច្ច, អចលនទ្រព្យ

គម្រោងសាងសង់ផ្លូវជាតិលេខ10សម្រេចបានជិត49ភាគរយ

គិតត្រឹមពាក់កណ្តាលខែឧសភា ឆ្នាំ2021 គម្រោងសាងសង់ផ្លូវជាតិលេខ10 កាត់ខេត្តចំនួន3រួមមាន ពោធិ៍សាត់បាត់ដំបង់ និងកោះកុង សម្រេចបានប្រមាណ 48.77ភាគរយ…
ព្រឹត្តិការណ៍, អាជីវកម្មថ្មី និងនវានុវត្ត

អង់គ្លេស និងអាមេរិក ងាកមកដោះស្រាយបញ្ហាធំៗដែលនៅសល់ពីអាណត្តិលោក Trump

នៅទីបំផុត សហរដ្ឋអាមេរិកបានឈានទៅដល់ការសម្រេចចិត្តសាជាថ្មីលើការលុបចោលនូវការតម្លើងពន្ធមួយចំនួនដែលបានដាក់បន្ទុកទៅលើការនាំចេញដែក និងអាលុយមីញ៉ូមរបស់…
ព្រឹត្តិការណ៍, សេដ្ឋកិច្ច

សម្ដេចតេជោ ហ៊ុន សែន ប្រកាសជាថ្មីពីការអនុញ្ញាតឲ្យប្រារព្ធពិធីបុណ្យចូលឆ្នាំឡើងវិញ

ភ្នំពេញ ៖ សម្ដេចតេជោ ហ៊ុន សែន នាព្រឹកថ្ងៃច័ន្ធ ទី២១ ខែមីនា នេះ បានបញ្ជាក់សារជាថ្មីអំពីការប្រារព្ធពិធីបុណ្យចូលឆ្នាំ សម្រាប់ឆ្នាំ២០២២ ក្រោយការខកខានអស់២ឆ្នាំដោយសារជំងឺកូវីដ១៩…
ព្រឹត្តិការណ៍, អាជីវកម្មថ្មី និងនវានុវត្ត

ស្វែងយល់ពីអាជីវកម្មបរិយាប័ន្ន

ផែនការយុទ្ធសាស្រ្តអភិវឌ្ឍន៍ជាតិឆ្នាំ2019-2023 របស់រាជរដ្ឋាភិបាលកម្ពុជា (NSDP ឆ្នាំ2019-2023) មានគោលដៅជំរុញកំណើនសេដ្ឋកិច្ចកម្ពុជា ប្រកបដោយបរិប័ន្នកាន់តែប្រសើរ…