សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បញ្ហាខ្វះខាតទឹកសម្រាប់ធ្វើកសិកម្មបានក្លាយទៅជាវិបត្តិស្ទើរគ្រប់ទីកន្លែងក្នុងពិភពលោកដោយសារតែបញ្ហាបម្រែបម្រួលអាកាសធាតុ និងការប្រើប្រាស់ធនធានទឹកខ្ជះខ្ជាយនៅតាមតំបន់ផ្សេងៗទៀត។ បញ្ហាបម្រែបម្រួលអាកាសធាតុបានបង្ខំឲ្យកសិករចាំបាច់ត្រូវតែផ្លាស់ប្តូរបច្ចេកទេសធ្វើកសិកម្ម ឬការផ្លាស់ប្តូរទៅធ្វើកសិកម្មជាមួយនឹងប្រភេទពូជដំណាំផ្សេងដែលមានភាពស៊ូទ្រាំទៅនឹងអាកាសធាតុក្តៅ និងខ្វះខាតទឹក។
នៅឥណ្ឌាដែលជាប្រទេសពឹងផ្អែកខ្លាំងលើវិស័យកសិកម្មនោះគឺជាអ្នកដែលទទួលរងផលប៉ះពាល់យ៉ាងខ្លាំងផងដែរចំពោះកិច្ចខិតខំរបស់រដ្ឋាភិបាលសម្រាប់វិស័យកសិកម្ម។ នៅភូមិមួយស្ថិតនៅក្នុងតំបន់ Ahmednagar បុរសជាកសិករជនជាតិឥណ្ឌាម្នាក់មានឈ្មោះថា Rajendra បានធ្វើឲ្យមានការភ្ញាក់ផ្អើលយ៉ាងខ្លាំងចំពោះបច្ចេកទេសដាំដំណាំរបស់គាត់ដែលវាមិនត្រឹមតែអាចជួយសង្គ្រោះដល់ចំការទទឹមរបស់គាត់ទាំងមូលពីបញ្ហាខ្វះខាតទឹកនោះទេ បច្ចេកទេសនេះក៏នឹងអាចយកទៅប្រើប្រាស់ជាមួយនឹងការធ្វើដំណាំផ្សេងៗទៀតផងដែរ។
លោក Rajendra បានទទួលកម្ចី និងការគាំទ្រគម្រោងពីធនាគារក្នុងស្រុកក្នុងការអនុវត្តបច្ចេកទេសថ្មីលើការដាំដំណាំ។ បច្ចេកទេសដែលមើលទៅមានភាពងាយស្រួលយល់ដោយត្រឹមតែការកប់ក្អមធ្វើពីដីឥដ្ឋនៅក្បែរគល់នៃដំណាំ ឬរុក្ខជាតិអាចធ្វើឲ្យពួកវារីកលូតលាស់បានយ៉ាងល្អ និងមិនចំណាយទឹកច្រើនដូចការដាំដំណាំធម្មតានោះទេ។
លោក Rajendra បានពន្យល់ថា ក្អមដែលធ្វើពីដីឥដ្ឋអាចស្តុកទឹកទុកម្តងបានជាច្រើនថ្ងៃ ហើយរក្សាវាមិនឲ្យហូរច្រោះចោលទៅក្នុងដីនោះទេ។រាល់ពេលដែលឬសរុក្ខជាតិ ឬដំណាំត្រូវការទឹកនោះវានឹងអាចចាប់ផ្តើមដំណើរការបែបធម្មជាតិទៅប៉ះនឹងក្អមដែលមានសារជាតិដីដូចគ្នាដើម្បីស្រូបទឹកយកមកចិញ្ចឹមដើមឈើនោះទាំងមូលបានយ៉ាងមានប្រសិទ្ធភាព និងបានច្រើនជាងការស្រោចស្រពទឹកផង។
ការអនុវត្តវិធីសាស្ត្រងាយៗនេះបានធ្វើឲ្យលោក Rajendra បានក្លាយទៅជាកសិករដ៏គំរូម្នាក់នៅក្នុងតំបន់ ហើយបច្ចុប្បន្នមិនត្រឹមតែបានចែករំលែកបទពិសោធនេះទៅកាន់កសិករផ្សេងទៀតនោះទេ លោកថែមទាំងបាន និងកំពុងជួយរៀបចំបច្ចេកទេសថ្មីៗផ្សេងទៀតដើម្បីធ្វើការសម្របខ្លួននឹងវិស័យកសិកម្មទៅតាមបញ្ហាអាកាសធាតុផងដែរ ដែលក្នុងនោះមានទាំងការកសាងអាងស្តុកទឹកធំៗនៅក្នុងតំបន់របស់គាត់រស់នៅផងដែរ៕
Account
Security
Favourite Content