សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ យោងទិន្នន័យនាំចេញកសិផលទៅក្រៅប្រទេស ដែលកត់ត្រាដោយអគ្គនាយកដ្ឋានកសិកម្ម ក្នុងឆ្នាំ ២០២១ កម្ពុជាបាននាំចេញកសិផលទៅចិនចំនួនជាង ៨៣ម៉ឺនតោន គិតជាប្រាក់ជិត ៧០០លានដុល្លារ។ គិតត្រឹមរយៈពេល៩ខែ ឆ្នាំ២០២២នេះ ការនាំចេញកសិផលពីកម្ពុជា ទៅប្រទេសចិនសម្រេចបានជាង ៥៨ ម៉ឺនតោនគិតជាប្រាក់ជាង ៤៩១ លានដុល្លារ។
របាយការណ៍របស់ស្ថានទូតចិនប្រចាំនៅកម្ពុជាបានឱ្យដឹងថា បរិមាណនៃការនាំចេញកសិផលរបស់កម្ពុជាទៅកាន់ទីផ្សារចិនគិតចាប់ពីឆ្នាំ២០១៨ ដល់ឆ្នាំ២០២១ មានទំហំត្រឹម ៤២,៣ម៉ឺនតោនប៉ុណ្ណោះ ប៉ុន្តែរហូតមកត្រឹមបំណាច់ខែមិថុនា ដែលជាចុងឆមាសដំបូងនៃឆ្នាំ២០២២ កម្ពុជាបាននាំចេញកសិផលសរុបចំនួនប្រមាណ ២,៤លានតោន ទៅកាន់ប្រទេសចិន ដែលមានតម្លៃនាំចេញសរុបប្រមាណ ១.៩៤២ លានដុល្លារ ។
ឯកឧត្តម វ៉ាង វិនធាន (Wang Wentian) ឯកអគ្គរដ្ឋទូតចិនប្រចាំនៅកម្ពុជាបានលើកឡើងថា កសិផលរបស់កម្ពុជាមានច្រើនប្រភេទ និងមានគុណភាពល្អប្រសើរ ខណៈដែលប្រទេសចិនមានតម្រូវការទីផ្សារយ៉ាងធំ និងបច្ចេកវិទ្យាផលិតកម្មដ៏ទំនើប ហើយក៏ជាទីផ្សារនាំចេញអង្ករពីប្រទេសកម្ពុជាដ៏ធំបំផុតក្នុងរយៈពេលជាច្រើនឆ្នាំជាប់ៗគ្នា។
ឯកឧត្តម បានគូសបញ្ជាក់ថា ៖
“កសិកម្ម គឺជាវិស័យសំខាន់នៃកិច្ចសហប្រតិបត្តិការរវាងចិន និងកម្ពុជា។ ជាមួយនឹងការខំប្រឹងប្រែងរួមគ្នារបស់ភាគីទាំង២ នឹងមានកសិផលកម្ពុជាគុណភាពល្អច្រើនប្រភេទទៀតត្រូវបាននាំទៅកាន់ប្រទេសចិន។ កិច្ចសហប្រតិបត្តិការលើវិស័យកសិកម្មរវាងចិន និងកម្ពុជាក៏នឹងឈានដល់កម្រិតថ្មីមួយទៀតដែលនឹងជួយដល់ការអភិវឌ្ឍនៃសហគមន៍ជោគវាសនារួមប្រកបដោយភាពគ្រប់ជ្រុងជ្រោយ”
ឯកអគ្គរដ្ឋទូតចិនប្រចាំកម្ពុជា ឯកឧត្តម Wang Wentian ក៏បានបញ្ជាក់ដែរថា បច្ចុប្បន្ននេះ កម្ពុជា និងចិនកំពុងខិតខំជំរុញការងារដែលនាំចេញ ម្រេច ផលិតផលវារីវប្បកម្ម សត្វព្រៃ សត្វក្នុងទឹក ដែលអាចបរិភោគបាន សំបុកត្រចៀកកាំ និងដូងជាដើមទៅកាន់ប្រទេសចិន។
ដោយសារកសិផលកម្ពុជាកាន់តែច្រើន ត្រូវបានអនុញ្ញាតឱ្យនាំចេញទៅកាន់ចិន វិស័យពាក់ព័ន្ធនានាជាច្រើននឹងផ្តល់ឱកាសការងារកាន់តែច្រើនដល់កសិករកម្ពុជា លើកកម្ពស់ប្រាក់ចំណូល និងជីវភាពរស់នៅរបស់កសិករ និងផ្តល់អត្ថប្រយោជន៍ដល់ប្រជាជននៃប្រទេសទាំងពីរ។
ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានលើកឡើងថា ៖
“ឆ្នាំ២០២២នេះ គឺជាឆ្នាំទី១២ហើយ ដែលទំនាក់ទំនងការទូតនៃប្រទេសទាំងពីរ កម្ពុជា-ចិន ត្រូវបានដំឡើងដល់កម្រិតកិច្ចសហប្រតិបត្តិការ ក្នុងភាពជាដៃគូយុទ្ធសាស្រ្តគ្រប់ជ្រុងជ្រោយ ជាមួយនឹងការពង្រឹង និងពង្រីកទំនាក់ទំនងលើគ្រប់វិស័យជាលំដាប់ រួមទាំងផ្នែកពាណិជ្ជកម្ម ធុរកិច្ច និងវិនិយោគ”
ជាមួយគ្នានេះ ឯកឧត្តមក៏បានបញ្ជាក់ផងដែរថា នៅពេលបន្ទាប់ កម្ពុជានឹងបើកការចរចា ដើម្បីបើកទីផ្សារបន្ថែមទៅកាន់ប្រទេសចិន សម្រាប់ការនាំចេញ កសិផលកម្ពុជាផ្សេងទៀត ដូចជា ម្រេច ដូងក្រអូប ទុរេន ម្នាស់ គ្រាប់ឈូក ខ្នុរ និងផលិតផលសម្បុកត្រចៀកកាំផងដែរ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន NextEd Canada រៀបចំទិវាគ្រួសារ (Family’s Day) ដើម្បីអបអរសិស្សកម្ពុជាដែលត្រៀមបន្តការសិក្សានៅប្រទេសកាណាដា
ព្រឹត្តិការណ៍, អត្ថបទពាណិជ្ជកម្ម
• 15/08/2026
NextEd Canada ដែលជាក្រុមហ៊ុនប្រឹក្សា និងរៀបចំផែនការសិក្សានៅប្រទេសកាណាដា សម្រាប់សិស្សានុសិស្សកម្ពុជាចាប់ពីកម្រិតវិទ្យាល័យឡើងទៅ បានរៀបចំទិវាគ្រួសារសម្រាប់សិស្ស និស្សិត និងក្រុមគ្រួសារកម្ពុជាប្រមាណ១០០ គ្រួសារដែលមានផែនការ និងចំណាប់អារម្មណ៍លើការសិក្សានៅកាណាដា
កម្មវិធី «នវានុវត្តន៍បញ្ច្រាស» ជួយធុរកិច្ចថ្មីដោះស្រាយបញ្ហាទីផ្សារ តាមរយៈការបង្កើតជាដំណោះស្រាយប្រកបដោយភាពច្នៃប្រឌិត និង នវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
កម្មវិធី «នវានុវត្តន៍បញ្ច្រាស» ជាទុនជួយធុរកិច្ចថ្មីដោះស្រាយបញ្ហាប្រឈមក្នុងទីផ្សារតាមរយៈការបង្កើតដំណោះស្រាយប្រកបដោយភាពច្នៃប្រឌិត នវានុវត្តន៍
ក្រសួងរៀបចំដែនដីទទួលបានគំនិតថ្មីៗបន្ថែម ក្នុងគោលដៅធ្វើឱ្យប្រជាពលរដ្ឋមានលំនៅឋានរស់នៅសមរម្យ
Top News, ព្រឹត្តិការណ៍, អចលនទ្រព្យ
• 14/08/2026
កិច្ចការស្រាវជ្រាវអំពីអចលនទ្រព្យ និងស្ថានភាពលំនៅឋាននេះមានសារៈសំខាន់ គឺផ្ដោតទៅលើការបង្កើតទំនៀមទម្លាប់ និងផ្នត់គំនិតការងារថ្មីមួយ ដែលមានភាពច្បាស់លាស់ និងមិនធ្វើការតាមអារម្មណ៍ដែលនាំឱ្យមានកំហុសឆ្គងច្រើន
ការស្ទង់មតិពី ៣៦ ប្រទេសបង្ហាញថា ចិន ទទួលបានប្រជាប្រិយភាពជាងអាមេរិកនៅលើឆាកអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/08/2026
ការស្ទង់មតិជាលក្ខណៈអន្តរជាតិដ៏ធំមួយនៅលើបណ្តាប្រទេសចំនួន ៣៦ បានបង្ហាញពីទស្សនៈជាសកល ដែលភាគច្រើនមានទំនោរទៅលើប្រទេសចិនក្នុងផ្លូវវិជ្ជមាន ច្រើនជាងសហរដ្ឋអាមេរិក
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content