សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ យោងតាមរបាយការណ៍របស់ក្រសួងពាណិជ្ជកម្មបានឱ្យដឹងថា នៅក្នុងឆ្នាំ២០២៣នេះ មានសហគ្រាស និងក្រុមហ៊ុនសរុបចំនួន ១០ ៧៣២ ក្រុមហ៊ុនបានចុះបញ្ជីពាណិជ្ជកម្ម និងបញ្ជីម៉ាកនៅក្រសួងពាណិជ្ជកម្ម ហើយក្រសួងបានផ្តល់លិខិតអនុញ្ញាត ឬ អាជ្ញាបណ្ណធ្វើពាណិជ្ជកម្មតាមប្រព័ន្ធអេឡិចត្រូនិកបានចំនួន ១០៤ ក្រុមហ៊ុន ចុះបញ្ជីម៉ាកតាមប្រព័ន្ធជាតិបានចំនួន ៤ ១៤៥ ម៉ាក និងតាមប្រព័ន្ធអន្តរជាតិ ចំនួន ៣ ៧២៤ ម៉ាក។
របាយការណ៍ដដែលនេះបានឱ្យដឹងថា ឆ្នាំ២០២៣នេះ មានការចុះបញ្ជីម៉ាកសម្គាល់ភូមិសាស្ត្រទំនិញចំនួន ៣ម៉ាក គឺ អំបិលកំពតកែប, ទឹកត្រីកំពតកែប, និងបង្កងខេត្តតាកែវ ព្រមទាំងម៉ាកសម្គាល់ភូមិសាស្ត្រទំនិញអន្តរជាតិ ចំនួន ២៣ម៉ាក ចុះបញ្ជីម៉ាកសមូហភាព ចំនួន ៣ ម៉ាក គឺ ដូងខ្ទះបាត់ដំបង, នំបញ្ចុកសៀមរាប, និង ក្រូចថ្លុងកោះពីរ ។
បើតាមការក្រសួងពាណិជ្ជកម្ម ក្នុងឆ្នាំ២០២៣នេះ ដើម្បីទ្រទ្រង់វិស័យពាណិជ្ជកម្មក្នុងប្រទេស និងពាណិជ្ជកម្មអន្ដរជាតិ ព្រមទាំងទាក់ទាញវិនិយោគ តាមរយៈការបង្កើតបរិស្ថានធុរកិច្ចប្រកបដោយភាពជឿទុកចិត្ត និងតម្លាភាព ក្រសួងពាណិជ្ជកម្មបានកសាងលិខិតបទដ្ឋានគតិយុត្តមួយចំនួន។
ច្បាប់ទាំងអស់នោះមានជាអាទិ៍ ច្បាប់ស្តីពីវិធានដើមកំណើតទំនិញ, ច្បាប់ស្តីពីកិច្ចការពារអ្នកប្រើប្រាស់, ច្បាប់ស្តីពីការធ្វើពាណិជ្ជកម្មតាមប្រព័ន្ធអេឡិចត្រូនិក, ច្បាប់ស្តីពី ការប្រកួតប្រជែង,ច្បាប់ស្តីពីសុវត្ថិភាពម្ហូបអាហា ច្បាប់ស្តីពីឧបាស្រ័យពាណិជ្ជកម្ម ច្បាប់ស្តីពី វិសោធនកម្មច្បាប់ស្តីពីសហគ្រាសពាណិជ្ជកម្ម និងច្បាប់ស្តីពីវិសោធនកម្មច្បាប់ស្តីពីវិធានពាណិជ្ជកម្ម និងបញ្ជីពាណិជ្ជកម្ម ព្រមទាំងលិខិតបទដ្ឋានគតិយុត្តនានា៕
Account
Security
Favourite Content