សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កម្ពុជា ក្នុងនាមជាប្រធានអាស៊ានប្ដូរវេនជុំទី៣ និងជាម្ចាស់ផ្ទះរៀបចំកិច្ចប្រជុំកំពូលអាស៊ានលើកទី៤០ និង៤១ ផងនោះ បានត្រៀមខ្លួនរួចរាល់ដើម្បីបំពេញកិច្ចការងារដ៏ធំជាប្រវត្តិសាស្ត្រមួយនៅក្នុងអំឡុងពេលដែលពិភពលោកកំពុងជួបវិបត្តិផ្ទួនៗចាប់រាប់ពីវិបត្តិកូវីដមកដល់វិបត្តិសេដ្ឋកិច្ចដែលបណ្តាលមកពីជម្លោះរវាងប្រទេសរុស្ស៊ី និងអ៊ុយក្រែន ព្រមទាំងបញ្ហាសំខាន់ៗផ្សេងទៀតនៅតាមតំបន់ជាច្រើនផងដែរ។
កិច្ចប្រជុំសំខាន់ៗដែលកម្ពុជានឹងត្រូវរៀបចំនោះរួមមានដូចជា កិច្ចប្រជុំកំពូលអាស៊ាន-ចិន លើកទី២៥, កិច្ចប្រជុំកំពូលអាស៊ាន-ជប៉ុន លើកទី២៥, កិច្ចប្រជុំកំពូលអាស៊ាន-កូរ៉េខាងត្បូង លើកទី២៣, កិច្ចប្រជុំកំពូលអាស៊ានបូកបី (APT) លើកទី២៥, កិច្ចប្រជុំកំពូលរំលឹកខួបអនុស្សាវរីយ៍អាស៊ាន-ឥណ្ឌា ដើម្បីរំលឹកខួប ៣០ឆ្នាំនៃទំនាក់ទំនងការសន្ទនា, កិច្ចប្រជុំកំពូលអាស៊ាន-អាមេរិក លើកទី១០, កិច្ចប្រជុំកំពូលអាស៊ាន-អូស្ត្រាលី លើកទី២, កិច្ចប្រជុំកំពូលរំលឹកខួបអាស៊ាន-កាណាដា, កិច្ចប្រជុំកំពូលអាស៊ាន-អង្គការសហប្រជាជាតិ (UN), និងកិច្ចប្រជុំកំពូលអាស៊ីបូព៌ាលើកទី១៧ (EAS)។
ដៃគូទាំងអស់របស់អាស៊ានសុទ្ធតែមានសារៈសំខាន់ និងការផ្តល់អត្ថប្រយោជន៍ឲ្យគ្នាទៅវិញទៅមក ប៉ុន្តែក្នុងចំណោមនោះ អាស៊ានបានក្លាយទៅជាដៃគូពាណិជ្ជកម្មដ៏ធំបំផុតរបស់ប្រទេសអូស្ត្រាលីដោយតួលេខកាលពីឆ្នាំ២០២០ ការធ្វើពាណិជ្ជកម្មជាមួយគ្នាមានទំហំរហូតទៅដល់១០០,៦ពាន់លានដុល្លារ ពោលគឺច្រើនជាងទំហំនៃការធ្វើពាណិជ្ជកម្មរបស់អូស្ត្រាលីជាមួយនឹងមហាយក្សអាមេរិក ឬជប៉ុនទៀតផង។
នៅក្នុងឆ្នាំ២០២០ដដែលនេះ ទំហំវិនិយោគរវាងគ្នាអាស៊ាន-អូស្ត្រាលី ក៏មានចំនួនច្រើនដល់ទៅជាង ២៤២ពាន់លានដុល្លារផងដែរ ដែលវាបានមកពីការគាំទ្រគ្នាយ៉ាងខ្លាំងក្លាតាមរយៈកិច្ចព្រមព្រៀងពាណិជ្ជកម្មសេរីសំខាន់ៗរវាងភាគីទាំងពីរនាពេលកន្លងមក។
អូស្ត្រាលី គឺជាអ្នកគាំទ្រ និងលើកសរសើរយ៉ាងខ្លាំងចំពោះភាពរឹងម៉ាំ និងភាពស្អិតរមួតនៃប្រជាជាតិក្នុងតំបន់អាស៊ីអាគ្នេយ៍ចាប់តាំងតែពីពេលដែលបានក្លាយទៅជាដៃគូពិភាក្សាដំបូងជាមួយនឹងតំបន់អាស៊ានតាំងតែពីឆ្នាំ១៩៧៤មកម្ល៉េះ។
អស់រយៈពេលជាច្រើនទសវត្សរ៍ អូស្ត្រាលី និងអាស៊ាន បានបន្តកាន់ដៃគ្នាធ្វើពាណិជ្ជកម្ម និងទទួលបានភាពរីកចម្រើនលើគ្រប់វិស័យ ហើយចុងក្រោយនេះកាលពីឆ្នាំ២០២១ អាស៊ាន និងអូស្ត្រាលីទើបតែបានឈានទោដល់ការបង្កើតបានជាកិច្ចព្រមពៀងភាពជាដៃគូយុទ្ធសាស្ត្រគ្រប់ជ្រុងជ្រោយ (CSP) Comprehensive Strategic Partnership (CSP)រវាងគ្នាដែលក្នុងនោះអូស្ត្រាលីនឹងអនុវត្តកញ្ចប់សម្រាប់គាំទ្រ CSP ទៅដល់៣ចំណុចធំៗដែលរួមទាំងកញ្ចប់ជំនួយ១២៤លានដុល្លារផង ការផ្តល់អាហាររូបករណ៍ដល់ធនធានមនុស្សក្នុងតំបន់អាស៊ានផង និងការគាំទ្រអាស៊ានក្នុងការប្រែខ្លួនទៅជាសង្គមឌីជីថល និងការផ្តល់ជំនាញសម្រាប់អនាគតផងដែរ។
ប្រទេសអូស្ត្រាលី តែងតែបានសរសើរប្រជាជាតិអាស៊ីអាគ្នេយ៍ថាគឺជាបេះដូងនៃសន្តិភាព ស្ថិរភាព និងមានភាពរឹងម៉ាំជាងគេបំផុតក្នុងតំបន់ឥណ្ឌូប៉ាស៊ីហ្វិកដែលវាបានដើរតួយ៉ាងមានសារៈសំខាន់ និងជ្រាលជ្រៅសម្រាប់អនាគតរបស់យើងទាំងអស់គ្នាទាំងទៅលើយុទ្ធសាស្ត្រ សេដ្ឋកិច្ច និងការទូត។ អូស្ត្រាលីបានលើកឡើងទៀតដែរថា ភាពជោគជ័យរបស់អាស៊ានបានជួយគាំទ្រដល់សន្តិសុខ និងវិបុលភាពក្នុងតំបន់អស់រយៈពេលជាង ៥០ឆ្នាំមកហើយ ហើយអាស៊ានបានដើរតួនាទីជាអ្នកដឹកនាំដ៏ល្អជាពិសេសដើម្បីដោះស្រាយបញ្ហាក្នុងសំខាន់ៗក្នុងតំបន់៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
លោក Trump ទំនងពិចារណាបណ្ដេញរដ្ឋមន្ត្រីសង្គ្រាម ដើម្បីគេចពីការទទួលខុសត្រូវលើសង្គ្រាមអ៊ីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 16/10/2026
ប្រធានាធិបតីអាម៉េរិក លោក Donald Trump ទំនងជាកំពុងពិចារណាលើលទ្ធភាពបណ្តេញរដ្ឋមន្ត្រីក្រសួងសង្គ្រាម លោក Pete Hegseth ចេញពីតំណែង បន្ទាប់ពីការបោះឆ្នោតសភាពាក់កណ្តាលអាណត្តិខាងមុខនេះ ដើម្បីជួយដកខ្លួនចេញពីការទទួលខុសត្រូវចំពោះសង្គ្រាមជាមួយប្រទេសអ៊ីរ៉ង់
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
រុស្ស៊ី ដំណើរការសេវាទូទាត់លុយគ្រីបតូជាសាច់ប្រាក់លើកដំបូងបំផុតរបស់ពិភពលោកក្នុងតម្លៃសេវាត្រឹមតែ ០,៣ភាគរយ
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
បរទេស ៖ ក្រុមហ៊ុនបច្ចេកវិទ្យាហិរញ្ញវត្ថុរុស្ស៊ី A7 បានប្រកាសដាក់ឱ្យប្រើប្រាស់សេវាកម្មទូទាត់ប្រាក់លើកដំបូងបំផុតរបស់ពិភពលោក ដែលអនុញ្ញាតឱ្យអតិថិជនផ្ទេរប្រាក់ឆ្លងប្រទេសដោយប្រើប្រាស់រូបិយប័ណ្ណគ្រីបតូ(Cryptocurrency)ជាមួយតម្លៃសេវាត្រឹមតែ ០,៣ភាគរយ។ យោងតាមការចេញផ្សាយរបស់កាសែត RT បានឲ្យដឹងថា ការបើកដំណើរការសេវាកម្មថ្មីដែលមានឈ្មោះថា A7 International នេះ បានជួយឱ្យក្រុមហ៊ុនអាចពង្រីកវិសាលភាពរបស់ខ្លួនទៅកាន់អន្តរជាតិបើទោះបីជាកំពុងរងទណ្ឌកម្មសេដ្ឋកិច្ចពីបណ្តាប្រទេសលោកខាងលិចក៏ដោយ។ តាមរយៈប្រព័ន្ធថ្មីនេះ អតិថិជនអាចទូទាត់ការផ្ទេរប្រាក់ជាប្រភេទរូបិយប័ណ្ណឌីជីថល USDT(ដែលជាប្រាក់គ្រីបតូមានតម្លៃថេរស្មើប្រាក់ដុល្លារអាមេរិក) ហើយអ្នកទទួលប្រាក់នឹងទទួលបានជាសាច់ប្រាក់តាមប្រព័ន្ធ SWIFT
ខ្សែភាពយន្តឯកសារ «LOOT: ការវិលត្រឡប់មកវិញនូវរតនសម្បត្តិវត្ថុកម្ពុជា» ត្រៀមចាក់បញ្ចាំងនៅតាមរោងភាពយន្តទូទាំងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦
ព្រឹត្តិការណ៍, អត្ថបទពាណិជ្ជកម្ម
• 13/10/2026
ភ្នំពេញ ៖ ខ្សែភាពយន្តឯកសារកម្រិតអន្តរជាតិ “LOOT” ដែលលាតត្រដាងពីបណ្តាញឧក្រិដ្ឋកម្មជួញដូរវត្ថុបុរាណខ្មែរជាសកល ដោយខុសច្បាប់ពីសំណាក់ជនបរទេស ត្រូវបានក្រុមហ៊ុន AMS (Apsara Media Services) សហការជាមួយក្រុមហ៊ុន New Theory Picture ចាក់បញ្ចាំងនៅតាមរោងភាពយន្តក្នុងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦ តទៅ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content