សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ នាយកដ្ឋានកម្មសិទ្ធិបញ្ញានៃក្រសួងពាណិជ្ជកម្មកម្ពុជា បានស្នើសុំសាធារណរដ្ឋកូរ៉េ ជួយពិនិត្យ និងសិក្សាលម្អិតលើទំនិញសម្គាល់ភូមិសាស្រ្ត “ស្ករត្នោតកំពង់ស្ពឺ” និងការកែច្នៃទឹកត្នោតទៅជានំស្រួយ ភេសជ្ជៈ និងស្ករគ្រាប់ ដើម្បីលើកកម្ពស់ជីវភាព គុណភាព ព្រមទាំងកេរ្តិ៍ឈ្មោះរបស់ប្រទេសកម្ពុជាដែលមានដើមត្នោតគឺជានិមិត្តរូប។
ឯកឧត្តម សួន វិជ្ជា ទីប្រឹក្សាក្រសួងពាណិជ្ជកម្ម ប្រធានលេខាធិការដ្ឋាននៃគណៈកម្មាធិការជាតិគ្រប់គ្រងកម្មសិទ្ធិបញ្ញា និងជាប្រធាននាយកដ្ឋានកម្មសិទ្ធិបញ្ញា បានស្នើសុំដូច្នេះក្នុងពេលទទួលជួបប្រជុំពិភាក្សាជាមួយលោកស្រី យូន ហាយុង( Ms. Yoon Ha Young) អ្នកគ្រប់គ្រង នៃនាយកដ្ឋានកិច្ចសហប្រតិបត្តិការអន្តរជាតិរបស់សមាគមលើកកម្ពស់ការច្នៃប្រឌិតកូរ៉េ (KIPA) ជាអ្នកជំនាញអន្តរជាតិ ផ្នែកឃ្មុំ នៃក្រុមហ៊ុន Bee Happy និងជាមន្រ្តីជំនាញនៃការិយាល័យម៉ាកសម្គាល់ភូមិសាស្រ្ត ទំនិញ និងព័ត៌មានសម្ងាត់ពាណិជ្ជកម្ម។
ក្នុងកិច្ចប្រជុំនោះ ឯកឧត្តមបានស្វាគម និងថ្លែងអំណរគុណដល់អង្គភាពកម្មសិទ្ធិបញ្ញាកូរ៉េ (KIPO) និង KIPA ដែលបានកំណត់យកទំនិញសម្គាល់ភូមិសាស្រ្តចំនួន ០២ រួមមាន “ម្រេចកំពត” និង “ទឹកឃ្មុំព្រៃមណ្ឌលគិរី” ដើម្បីសិក្សាប្រមូលព័ត៌មានលម្អិតដើម្បីជំរុញការប្រើប្រាស់បច្ចេកវិទ្យាទំនើប និងជំរុញការកសាងកេរ្ត៍ឈ្មោះម៉ាកសម្គាល់ភូមិសាស្រ្តនេះឱ្យមានភាពល្បីល្បាញបន្ថែមទៀត។
ជាការឆ្លើយតបនឹងសំណើនេះ តំណាង KIPO នឹងចុះទៅសិក្សា និងវាយតម្លៃលម្អិតលើទំនិញសម្គាល់ភូមិសាស្រ្តចំនួន ៣ រួមមាន៖ “ម្រេចកំពត” “ទឹកឃ្មុំព្រៃមណ្ឌលគិរី” និង “ស្ករត្នោតកំពង់ស្ពឺ” ។ បន្ទាប់មក ភាគីកូរ៉េ នឹងធ្វើជារបាយការណ៍លម្អិតស្តីពីលទ្ធផលនៃការចុះសិក្សាស្រាវជ្រាវ និងប្រមូលព័ត៌មានលម្អិតនេះជូនដល់ KIPO ដើម្បីពិនិត្យ និងសម្រេច។ ហើយបន្ទាប់ពីការអនុម័តនៅឆ្នាំក្រោយគម្រោងនឹងអាចយកមកអនុវត្តបាននៅប្រទេសកម្ពុជាក្នុងឆ្នាំ២០២៥៕
Account
Security
Favourite Content