សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពពី CNBC បានបង្ហាញថា តម្លៃមាសបានឡើងថ្លៃពីរខែជាប់ៗគ្នា ខណៈដែលជម្លោះអ៊ីស្រាអែល-ក្រុមហាម៉ាស បានជំរុញឱ្យមានតម្រូវការមាសកើនឡើង។
នៅថ្ងៃចន្ទ សប្ដាហ៍នេះ តម្លៃមាសបានឡើងថ្លៃដល់កម្រិតខ្ពស់ ២ ១០០ ដុល្លារក្នុងមួយអោន ហើយវាអាចនឹងបន្តឡើងថ្លៃបន្ថែមទៀត។ ទន្ទឹមនឹងនេះ អ្នកវិភាគបានលើកឡើងថា ភាពមិនប្រាកដប្រជានៃភូមិសាស្ត្រនយោបាយទំនងជាធ្វើឲ្យប្រាក់ដុល្លារអាមេរិកធ្លាក់ចុះ និងអាចកាត់បន្ថយអត្រាការប្រាក់។ លើសពីនេះ តម្លៃមាសបានឡើងថ្លៃពីរខែជាប់គ្នាជាមួយនឹងជម្លោះអ៊ីស្រាអែល-ប៉ាឡេស្ទីន បានជំរុញឱ្យមានតម្រូវការមាសកើនឡើង។ បន្ថែមពីនេះ និន្នាការមាសកើនឡើងខ្លាំងក្នុងអំឡុងពេលនៃភាពមិនច្បាស់លាស់ផ្នែកសេដ្ឋកិច្ច និងភូមិសាស្ត្រនយោបាយ ដោយសារវាជាគ្រឿងមានតម្លៃ និងសុវត្ថិភាព។
ប្រធានផ្នែកយុទ្ធសាស្រ្តទីផ្សាររបស់ UOB លោក Heng Koon How បានការរំពឹងទុកថា ការធ្លាក់ចុះនៃតម្លៃប្រាក់ដុល្លារអាម៉េរិក និងអត្រាការប្រាក់ គឺជាកត្តាជំរុញតម្លៃមាសឡើងថ្លៃ។ លើសពីនេះ តម្លៃមាសអាចឡើងថ្លៃដល់ ២ ២០០ ដុល្លារនៅចុងឆ្នាំ២០២៤។ ដូចគ្នានេះដែរ លោក Bart Melek ប្រធានយុទ្ធសាស្រ្តមកពីក្រុមហ៊ុន TD Securities រំពឹងថា មាសនឹងមានតម្លៃជាមធ្យម ២ ១០០ ដុល្លារក្នុងមួយអោននៅត្រីមាសទី២ ឆ្នាំ២០២៤ ជាមួយនឹងការទិញពីធនាគារកណ្តាល ដែលនឹងជំរុញឲ្យតម្លៃកើនឡើង។
យោងតាមការស្ទង់មតិថ្មីៗនេះដោយក្រុមប្រឹក្សាមាសពិភពលោកបានបង្ហាញថា ២៤ ភាគរយនៃធនាគារកណ្តាលទាំងអស់មានបំណងបង្កើនទុនបំរុងមាសរបស់ពួកគេក្នុងរយៈពេល ១២ ខែខាងមុខ ដោយសារពួកគេកាន់តែមានអារម្មណ៍អវិជ្ជមានកាន់តែខ្លាំងឡើងអំពីប្រាក់ដុល្លារអាមេរិកដែលជាទ្រព្យសម្បត្តិបម្រុង។ មិនត្រឹមតែប៉ុណ្ណោះ គោលនយោបាយដែលអាចធ្វើទៅបានដោយធនាគារកណ្តាលអាម៉េរិកក្នុងឆ្នាំ២០២៤ ក៏អាចប៉ះពាល់ដល់តម្លៃមាសផងដែរ ដោយអត្រាការប្រាក់ទាបធ្វើឱ្យប្រាក់ដុល្លារធ្លាក់ចុះ ដែលធ្វើឱ្យមាសមានតម្លៃថោកសម្រាប់អ្នកទិញអន្តរជាតិ ដូច្នេះជំរុញឱ្យមានតម្រូវការកើនឡើង។
ធនាគារកណ្តាលបានចាប់ផ្តើមការដំឡើងអត្រាការប្រាក់ជាបន្តបន្ទាប់របស់ខ្លួននៅក្នុងខែមីនា ឆ្នាំ២០២២ ខណៈដែលអតិផរណាបានកើនឡើងដល់កម្រិតខ្ពស់បំផុតក្នុងរយៈពេល ៤០ ឆ្នាំ ដោយបានកាត់បន្ថយភាពទាក់ទាញនៃតម្លៃមាស។ បន្ថែមពីនេះ អត្រាការប្រាក់ខ្ពស់ធ្វើឱ្យប៉ះពាល់ដល់តម្រូវការមាស ដោយសារទ្រព្យសកម្មដូចជាមូលបត្របំណុលកាន់តែទទួលបានផលចំណេញដោយសារទិន្នផលខ្ពស់របស់ពួកវា។
ទន្ទឹមនឹងនេះ BMI ដែលជាអង្គភាពស្រាវជ្រាវរបស់ Fitch Solutions បានរំពឹងថា តម្លៃមាសនឹងឡើងថ្លៃដោយសារការកាត់បន្ថយអត្រាការប្រាក់ដោយធនាគារកណ្តាលអាម៉េរិក ការធ្លាក់ចុះនៃតម្លៃប្រាក់ដុល្លារអាម៉េរិក និងភាពតានតឹងភូមិសាស្ត្រនយោបាយមានកម្រិតខ្ពស់។ យ៉ាងណាមិញ កាលពីថ្ងៃសុក្រកន្លងទៅនេះ ប្រធានធនាគារកណ្តាលអាម៉េរិកលោក Jerome Powell បានរុញច្រានពីការរំពឹងទុកសម្រាប់ការកាត់បន្ថយអត្រាការប្រាក់ដ៏ខ្លាំងក្លានាពេលខាងមុខនេះ៕
Account
Security
Favourite Content