អាជីវកម្មលក់ចំបើងដុំ សម្រាប់ផ្គត់ផ្គង់ដល់កសិដ្ឋានចិញ្ចឹមគោធំៗនៅតែមានតម្រូវការ

បន្ទាប់ពីប្រមូលផលស្រូវរួចហើយ ចំបើងក៏នៅតែជាធនធានមួយដែលគេអាចប្រមូលទុកសម្រាប់ធ្វើជាសំណីគោ ឬលក់យកកម្រៃបន្ថែមបាន។ បច្ចុប្បន្ននេះ ក៏មានអាជីវកម្មប្រមូលទិញចំបើង និងមូរទៅជាចំបើងដុំងាយស្រួលរក្សាទុក និងផ្គត់ផ្គង់ឱ្យកសិដ្ឋានចិញ្ចឹមគោធំៗ។

លោក ធុក ធីម ជាម្ចាស់អាជីវកម្មលក់ចំបើងដុំស្ថិតនៅស្រុកកម្ចាយមារ ខេត្តព្រៃវែងបានប្រាប់ AMS Economy ឱ្យដឹងថា៖

«សម្រាប់ចំបើងដុំនេះយើងប្រមូលទិញពីបងប្អូនកសិករនៅខេត្តព្រៃវែងផ្ទាល់ ទើបយកម៉ាស៊ីនមកមូរឱ្យទៅជាដុំចំបើង ដែលងាយស្រួលលើក ស្រួលទុកដាក់ និងស្រួលដឹកជញ្ជូនឱ្យខាងកសិដ្ឋានចិញ្ចឹមគោនានា ជាពិសេសកសិដ្ឋានធំៗដែលមានតម្រូវការច្រើន»។

លោកបន្តថា៖

«សម្រាប់ចំបើងយើងទិញគិតជាហិកតា ដោយក្នុងមួយហិកតាយើងទិញក្នុងតម្លៃ ៣៥០០០រៀល លុះមូរទៅជាដុំហើយឆ្នាំនេះយើងអាចលក់បាន ៤០០០រៀលក្នុងមួយដុំ។ ដោយឡែកការប្រមូលចំបើងនេះដែរ ក្នុងមួយឆ្នាំអាចប្រមូលទិញបានចំនួន៣ដង ដោយម្ដងអាចបានប្រមាណ ១ម៉ឺនដុំ តួយ៉ាងខែនេះជារដូវចុងក្រោយដែលយើងធ្វើការប្រមូលទិញទុកដើម្បីផ្គត់ផ្គង់ដល់ម៉ូយរហូតដល់រដូវថ្មីមកដល់»។

សម្រាប់ចំបើងនេះដែរ លោកបញ្ជាក់ថា គេត្រូវការហាលឱ្យស្ងួតដោយទុករយៈពេល៣ថ្ងៃសិនទើបគេមូរជាដុំៗ ដោយមួយដុំអាចមានទម្ងន់ប្រហែល ១៥គីឡូក្រាម ហើយចំបើងនេះដែរងាយស្រួលទុកដាក់ និងដឹងជញ្ជូនជាងចំបើងរាយ។

គួរបញ្ជាក់ដែរថា លោក ធុក ធីម បានចាប់ផ្ដើមអាជីវកម្មនេះនៅឆ្នាំ២០១៩ ដោយទិញម៉ាស៊ីនមូរពីប្រទេសជិតខាង និងប្រកបរបរលក់ចំបើងមូរនេះរហូតដល់បច្ចុប្បន្ន ចំណែកឯផលលំបាកភាគច្រើនទាក់ទងនឹងទីផ្សារដោយសារតម្រូវការក៏ដូចជាទីផ្សារគោមានការប្រែប្រួល ធ្វើឱ្យតម្លៃចំបើងក៏អាចប្រែប្រួលតាមនោះដែរ៕    


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ