សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កាលពីអំឡុងខែវិច្ឆិកាកន្លងទៅនេះនេះ កម្ពុជាទទួលបានគម្រោងវិនិយោគចំនួន២០បន្ថែមទៀត ក្នុងទំហំទឹកប្រាក់សរុបប្រមាណ ៦០០លានដុល្លារអាមេរិក។ ក្នុងនោះ មានគម្រោងចំនួន២ ដែលវិនិយោគលើវិស័យថាមពលអគ្គិសនី។
គម្រោងវិនិយោគរបស់ក្រុមហ៊ុនទាំងពីរនេះរួមមានគម្រោងវិនិយោគអភិវឌ្ឍន៍ស្ថានីយ៍ផលិតអគ្គិសនីដើរដោយថាមពលពន្លឺព្រះអាទិត្យ របស់ក្រុមហ៊ុន “SCHNEITEC VIBRANT CO., LTD” ស្ថិតនៅខេត្តស្វាយរៀង ក្នុងទុនវិនិយោគប្រមាណ ៦៥,៥លានដុល្លារអាម៉េរិក និងគម្រោងសាងសង់វារីអគ្គិសនីស្ទឹងឫស្សីជ្រុំកណ្តាល អានុភាព ៧០មេហ្កាវាត់ នៅស្រុកមណ្ឌលសីមា ព្រមគ្នាជាមួយនឹងគម្រោងសាងសង់វារីអគ្គិសនីវាលថ្មកំបុត អានុភាព ១០០មេហ្កាវាត់ នៅស្រុកថ្មបាំង ខេត្តកោះកុង របស់ក្រុមហ៊ុន “KHMER ELECTRICAL POWER CO., LTD” ក្នុងទុនវិនិយោគប្រមាណ ៤៤៧,៥លានដុល្លារអាម៉េរិក។
តាមរយៈគម្រោងវិនិយោគរបស់ក្រុមហ៊ុនធំៗទាំងពីរនេះ អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជាបានសម្ដែងនូវការសាទរ និងមានសុទិដ្ឋិនិយមខ្ពស់ចំពោះវិស័យថាមពលនៅក្នុងប្រទេសកម្ពុជា។
អ្នកឧកញ៉ាបានមានប្រសាសន៍ថា ការកើនឡើងនៃគម្រោងវិនិយោគនានាក្នុងប្រទេស គឺជារឿងល្អសម្រាប់សេដ្ឋកិច្ចជាតិ។ ម្យ៉ាងដោយសារ កម្ពុជាកំពុងអនុវត្តកិច្ចព្រមព្រៀងពាណិជ្ជកម្មសេរីទ្វេភាគីជាមួយចិន កូរ៉េ និងអេមីរ៉ាត់អារ៉ាប់រួម ក៏ដូចជាកិច្ចព្រមព្រៀងផ្សេងទៀតផងដែរនោះ ការវិនិយោគហាក់ត្រូវបានសម្រួលកាន់តែច្រើន។
អ្នកឧកញ៉ាបានបន្តមានប្រសាសន៍ថា ៖
«ចំពោះគម្រោងបង្កើតរោងចក្រថាមពលអគ្គិសនីទាំងនេះ គឺជាចក្ខុវិស័យវែងឆ្ងាយដែលមិនមែនមានតែកម្ពុជានោះទេ ពោលគឺពិភពលោកកំពុងតែជំរុញនូវថាមពលបៃតង។ ប្រសិនបើលទ្ធភាពយើងផលិតបានកាន់តែច្រើន កម្ពុជានឹងអាចនាំចេញថាមពលអគ្គិសនីរបស់យើងទៅកាន់ប្រទេសជិតខាង និងក្នុងតំបន់អាស៊ីរបស់យើង»។
យ៉ាងណាក៏ដោយ អ្នកឧកញ៉ាបានលើកឡើងផងដែរថា មុននឹងឈានទៅដល់ការនាំចេញនូវថាមពលអគ្គិសនីទៅកាន់ទីផ្សារក្រៅប្រទេស លុះត្រាតែការផ្គត់ផ្គង់ក្នុងស្រុកមានភាពគ្រប់គ្រាន់ ព្រោះនេះជាការរក្សាសន្តិសុខផ្នែកថាមពល ដែលល្អប្រសើរសម្រាប់ការអភិវឌ្ឍសេដ្ឋកិច្ចជាតិ៕
Account
Security
Favourite Content