សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក រយៈពេល៣ថ្ងៃ (២៦-២៧-២៨ វិច្ឆិកា) បានប្រារព្ធធ្វើយ៉ាងអធិកអធម និងបិទបញ្ចប់ប្រកបដោយជោគជ័យ ដោយប្រជាពលរដ្ឋខ្មែរ និងភ្ញៀវទេសចរបរទេសជាច្រើនបានចូលរួមកម្សាន្តសប្បាយនៅរាជធានីភ្នំពេញ និងតាមបណ្តាខេត្តប្រកបដោយក្តីសប្បាយរីករាយក្រៃលែង ជាមួយនឹងការរក្សាបានសណ្តាប់ធ្នាប់យ៉ាងល្អប្រសើរ ក្រោមម្លប់សុខសន្តិភាព និងជាពិធីបុណ្យអុំទូកលើកដំបូងសម្រាប់រាជរដ្ឋាភិបាលបន្តវេនអាណត្តិទី៧ ដែលដឹកនាំដោយសម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។
ព្រឹត្តិការណ៍នៃពិធីបុណ្យអុំទូក ដែលប្រជាពលរដ្ឋបានចូលរួមកំសាន្ត ទាំងអ្នកចូលរួមអុំទូក ទាំងអ្នកមកទស្សនា ទាំងសកម្មភាពទិញលក់ដូរផ្សេងៗនៅក្នុងពិធីបុណ្យ គឺអាចបញ្ជាក់ពីសក្ខីភាព ដែលក្រៅពីសុខសន្តិភាព ក៏បានបញ្ជាក់ពីភាពរីកចម្រើននៃសេដ្ឋកិច្ចផងដែរ។
លោកបណ្ឌិត ហុង វណ្ណៈ ប្រធាននាយកដ្ឋានសេដ្ឋកិច្ចអន្តរជាតិនៃវិទ្យាស្ថានទំនាក់ទំនងអន្តរជាតិ នៃរាជបណ្ឌិត្យសភាកម្ពុជាបានកត់សម្គាល់ថា ទិដ្ឋភាពរយៈពេល៣ថ្ងៃនៃព្រះរាជពិធីបុណ្យអុំទូក គឺជាចរន្តសេដ្ឋកិច្ច ដែលហូរចេញពីបុគ្គលម្នាក់ទៅបុគ្គលម្នាក់តាមរយៈអាជីវកម្មខ្នាតតូច និងខ្នាតមធ្យម។ ពោលវាជាចរន្តសេដ្ឋកិច្ចសង្គម ដែលផ្តើមចេញពីមនុស្សម្នាក់ទៅមនុស្សម្នាក់ទៀត និងជាចលករជំរុញសេដ្ឋកិច្ចទាំងក្រៅប្រព័ន្ធ និងក្នុងប្រព័ន្ធឱ្យមានភាពរស់រវើក។
លោកបណ្ឌិត បានប្រាប់ AMS ថា ៖
ទិដ្ឋភាពមួយទៀត អាចនិយាយអំពីការចូលរួមរបស់ភ្ញៀវទេសចរបរទេស ដែលបានចូលរួមក្នុងព្រឹត្តិការណ៍បុណ្យជាតិនៃពិធីបុណ្យអុំទូក ក៏ជាសក្ខីភាពបង្ហាញនូវការរួមចំណែកសេដ្ឋកិច្ចពីសំណាក់ភ្ញៀវទេសចរបរទេស ហើយវាក៏ជាការរួមចំណែកខាងសេដ្ឋកិច្ចមួយផ្នែក និងចាក់បញ្ចូលថវិកាទៅក្នុងចរន្តសេដ្ឋកិច្ចរបស់យើងបានមួយចំណែកដែរ»។
លោកបណ្ឌិត បានគូសបញ្ជាក់ថា បើនិយាយពីកំណើននៃគ្រឹះសេដ្ឋកិច្ច លុះត្រាណាញែកប្រភេទចំណូល ដែលបានមកពីភ្ញៀវទេសចរបរទេសជាក់លាក់ ដែលមកទស្សនាក្នុងអំឡុងពេល និងក្រោយព្រឹត្តិការណ៍ ដែលអាចមើលឃើញពីការរួមចំណែកនៃការបង្កើតរូបិយប័ណ្ណចាក់ចូលក្នុងចរន្តសេដ្ឋកិច្ចនៃសកម្មភាពរបស់ផ្នែកទេសចរណ៍ តាមរយៈក្រុមមគ្គទេសក៏ អ្នកនាំភ្ញៀវទេសចរ ទើបអាចកំណត់បាន។
«សម្រាប់សកម្មភាពសេដ្ឋកិច្ចពលរដ្ឋ ដែលបានរួមចំណែកចាយប្រាក់ទៅលើការទិញរបស់របរ ដែលដាក់តាំងលក់ក្នុងពិធីបុណ្យ សមស្របតាមកម្រិតជីវភាពរបស់ពួកគេ ក៏ជាចរន្តសេដ្ឋកិច្ចក្នុងសង្គម ដែលមានចំនួនសមល្មមនៃសេដ្ឋកិច្ចផ្ទៃក្នុង ដែលចូលរួមចំណែកក្នុងរំហូរសេដ្ឋកិច្ចតាមរយៈលក់រាយ ព្រោះការចំណាយគឺជាការយកថវិកាទៅទិញ បើយើងទិញនៅក្នុងកម្រិតក្នុងស្រុក ដែលមានបងប្អូនខ្មែរប្រជាកសិករជាអ្នកផលិតផលកែឆ្នៃជាដើមនោះ គឺជាផលប្រយោជន៍សេដ្ឋកិច្ចក្នុងសង្គមដ៏សំខាន់ ព្រោះថវិកានេះមិនបានហូរចេញទៅក្រៅប្រទេសនោះទេ។ នេះជាការបញ្ជាក់របស់លោកបណ្ឌិត ហុង វណ្ណៈ ។
ដោយឡែកសម្រាប់អាជីវករដែលជាអ្នកលក់តាមស្តង់នីមួយៗ បានបង្ហាញភាពរីករាយសប្បាយចិត្តក្នុងការលក់ ដោយសារមានប្រជាពលរដ្ឋជួយគាំទ្រផលិតផលរបស់គាត់ ពិសេសនាពេលរាត្រី។ ពួកគាត់បានប្រាប់ថា មានអតិថិនជនគាំទ្រច្រើនជាងឆ្នាំមុនៗ៕
Account
Security
Favourite Content