អាជីវករលក់បន្លែ ត្រី សាច់ ក្នុងផ្សារបោះដុំឃ្លាំងរំសេវថ្មីសែនសុខ កំពុងរីករាយ និងទទួលចំណូលយ៉ាងច្រើន

ភ្នំពេញ ៖ ជាអាជីវករលក់បន្លែ ត្រី សាច់ និងគ្រឿងទេសខ្នាតមធ្យមនៅក្នុងផ្សារបោះដុំឃ្លាំងរំសេវថ្មីសែនសុខ កំពុងមានភាពរីករាយនៅក្នុងការប្រកបអាជីវកម្មរបស់ខ្លួនជាមួយនឹងការទទលបានចំណូលប្រចាំថ្ងៃច្រើនគួរសមធៀបទៅនឹងការលក់ដូរនៅទីតាំងចាស់។

អ្នកស្រី ឈាង ផារី អាជីវករលក់បន្លែ ត្រី សាច់ និងគ្រឿងទេសយីហោ ម៉ាក់ស្រីធាន នៅក្នុងផ្សារបោះដុំឃ្លាំងរំសេវថ្មីសែនសុខបានប្រាប់ឱ្យដឹងថា ការលក់ដូរនៅក្នុងផ្សារបោះដុំថ្មីដែលទើបដំណើរការនៅក្នុងតំបន់ទីប្រជុំជនក្នុងខណ្ឌសែនសុខមួយនេះបានផ្តល់នូវភាពល្អប្រសើរ ខុសប្លែកកាលពីពេលដែលអ្នកស្រីធ្លាប់លក់នៅទីតាំងចាស់។

អ្នកស្រីបានបន្តថា ៖

“ចាប់តាំងពីខ្ញុំបានប្ដូរមកលក់នៅក្នុងផ្សារបោះដុំឃ្លាំងរំសេវថ្មីសែនសុខ ចំណូលរបស់ខ្ញុំពីមួយថ្ងៃទៅមួយថ្ងៃមានការកើនឡើងជាបន្តបន្ទាប់។ ជាក់ស្ដែងបច្ចុប្បន្ននេះ ក្នុងមួយថ្ងៃយ៉ាងហោចណាស់ខ្ញុំលក់បានមិនក្រោម២លានរៀលនោះទេ ហើយប្រសិនក្នុងឱកាសមានពិធីបុណ្យទានវិញគឺលក់បានច្រើនជាងនេះទៅទៀត”

ជាមួយនឹងការបង្ហើបប្រាប់ពីប្រាក់ចំណូលដែលទទួលបានពីការលក់ប្រចាំថ្ងៃខាងលើនេះ អ្នកស្រី ឈាង ផារី បានបញ្ជាក់ប្រាប់ឱ្យដឹងថា នៅស្តង់ដែលមានយីហោ «ម៉ាក់ស្រីធាន»មានលក់បន្លែ សាច់គោ សាច់ជ្រូក សាច់មាន់ និងគ្រឿងទេសផ្សេងៗដែលជាតម្រូវការក្នុងការចម្អិនដាំស្លរប្រចាំថ្ងៃ ដោយក្នុងមួយថ្ងៃអ្នកស្រីអាចលក់រាយនូវសាច់មាន់បានប្រមាណ៣០ក្បាល សាច់ជ្រូកជាង២៥គីឡូក្រាម ហើយសាច់គោអាចលក់អស់ចាប់ពី២៥-៣០គីឡូក្រាមជារៀងរាល់ថ្ងៃ ហើយនៅស្តង់របស់អ្នកស្រីក៏មានការលក់បោះដុំផងដែរ។

អ្នកស្រីបានបញ្ជាក់ថា ៖

“ចំពោះបន្លែ ខ្ញុំទទួលយកពីម្ចាស់ចម្ការមកពីខាងស្រុកស្អាង ស្រុកកោះធំខេត្តកណ្តាល និងខេត្តកំពង់ស្ពឺ ដែលជាប្រភេទបន្លែស្រស់ធម្មជាតិ គ្មានការប្រើជីគីមីដូចបន្លែដែលនាំចូលពីប្រទេសជិតខាងនោះទេ។ ដោយឡែកចំពោះសាច់ជ្រូក និងសាច់មាន់គឺខ្ញុំទទួលយកមកពីក្រុមហ៊ុន CP ដែលធានាបានពីគុណភាព”

គួរកត់សម្គាល់ផងដែរថា ក្រៅពីស្តង់របស់អ្នកស្រី ឈាង ផារី ដែលមានយីហោ «ម៉ាក់ស្រីធាន» ដែលកំពុងរីករាយនឹងការលក់ប្រចាំថ្ងៃនោះ នៅស្ដងដទៃទៀតក៏ឃើញមានលក់នូវប្រភេទផ្លែឈើ បន្លែស្រស់ ត្រី សាច់ ផ្សេងៗទៀត ជាមួយនឹងការរៀបចំយ៉ាងមានរបៀប ប្រកបដោយអនាម័យត្រឹមត្រូវ ដែលខុសប្លែកពីការលក់ដូរនៅតាមបណ្តាទីផ្សារទូទៅមួយចំនួន។

សម្រាប់ប្រជាពលរដ្ឋក្នុងតំបន់ ជាពិសេសបងប្អូនដែលជាស្ត្រីមេផ្ទះ ក៏ដូចជាចុងភៅអ្នកជំនាញផ្នែកដាំស្លរដែលមានតម្រូវការលើមុខទំនិញផ្នែកអាហារប្រចាំថ្ងៃអាចទៅកាន់ផ្សារបោះដុំឃ្លាំងរំសេវថ្មីសែនសុខ នឹងទទួលបានគ្រប់យ៉ាងដែលខ្លួនចង់បាន៕


ជំនួញ, ព្រឹត្តិការណ៍

អាល្លឺម៉ង់ ចាយលុយជិត ៩០លានដុល្លារសម្រាប់ទិញសាច់កង្កែបក្នុងមួយឆ្នាំ

បរទេស ៖ បណ្តាញផ្សព្វផ្សាយ The Gravitas និងសារព័ត៌មាន The WION បានស្រាវជ្រាវរកឃើញថា នៅប៉ុន្មានឆ្នាំចុងក្រោយនេះ ជនជាតិអាល្លឺម៉ង់មានទំនោរ និងការពេញនិយមក្នុងការទទួលទាន…
ព្រឹត្តិការណ៍, សេដ្ឋកិច្ច

វត្តមានត្រីបបែលយក្ស សបញ្ជាក់ពីទន្លេមេគង្គក្រោមជាតំបន់ទឹកទន្លេដែលគ្មានការបំពុល

ភ្នំពេញ ៖ ត្រីបបែលយក្ស គឺជាប្រភេទត្រីទឹកសាបម្យ៉ាងដែលចូលចិត្តរស់នៅតំបន់ទឹកទន្លេស្អាតដែលមិនមានការបំពុលនោះទេ និងស្ថិតក្នុងចំណោមប្រភេទពូជត្រីទឹកសាបទំហំធំៗបំផុតលើពិភពលោក…
ព្រឹត្តិការណ៍, ហិរញ្ញវត្ថុ

អាជីវកម្មតូចៗ គួរឈ្វេងយល់ពីការគ្រប់គ្រងលើបញ្ហារំហូរសាច់ប្រាក់ ជារឿងសំខាន់បំផុត

ភ្នំពេញ ៖ ជាធម្មតា ការបង្កើតអាជីវកម្មថ្មីៗរបស់សហគ្រិន រមែងតែចង់បានភាពជោគជ័យ ប៉ុន្តែវាមិនងាយស្រួលនោះទេដើម្បីសម្រេចគោលដៅជោគជ័យក្នុងអាជីវកម្មរបស់ខ្លួន ព្រោះបញ្ហាតែងតែកើត…
ព្រឹត្តិការណ៍, អចលនទ្រព្យ

លោក ង៉ែត ជូ ​បង្ហាញពីគន្លងថ្មីៗនៃការ​វិនិយោគ​អចលនទ្រព្យ​នៅកម្ពុជា

ភ្នំពេញ៖ លោក ង៉ែត ជូ ជាអ្នកវិនិយោគ និងជាអ្នកជំនាញនៃវិស័យហិរញ្ញវត្ថុមួយរូបនៅក្នុងប្រទេសកម្ពុជា ហើយលោកតែងតែផ្ដល់នូវដំបូន្មានសម្រាប់ប្រជាពលរដ្ឋកម្ពុជា អ្នកវិនិយោគថ្មីដែលទើបប្រឡូកក្នុងការ…
ព្រឹត្តិការណ៍, សេដ្ឋកិច្ច

កម្ពុជាជំរុញរដ្ឋាភិបាលចិន ពន្លឿនការចរចាលើពិធីសារភូតគាមអនាម័យ លើការនាំចេញផលិតផលកសិកម្ម

ភ្នំពេញ ៖ មន្ត្រីជាន់ខ្ពស់នៃក្រសួងពាណិជ្ជកម្ម បានស្នើដល់រដ្ឋាភិបាលចិនឱ្យពន្លឿនការចរចាលើពិធីសារអនាម័យ និងភូតគាមអនាម័យ លើការនាំចេញនូវផលិតផលកសិកម្មមួយចំនួនក្រោយពី…
ព្រឹត្តិការណ៍, អាជីវកម្មថ្មី និងនវានុវត្ត

Car-Free ក្លាយជាយុទ្ធសាស្ត្រដ៏ពេញនិយមសម្រាប់បណ្តាទីក្រុងនៅអឺរ៉ុប ក្នុងការកាត់បន្ថយបំពុលអាកាសធាតុ

នៅពេលបច្ចុប្បន្ននេះ Car-Free បានក្លាយទៅជាឧបករណ៍ និងច្បាប់ថ្មីគួរឲ្យទាក់ទាញបំផុតសម្រាប់បណ្តាទីក្រុងធំៗនៅក្នុងប្លុកអឺរ៉ុបដោយត្រូវបានគេអនុវត្ត និងទទួលបានលទ្ធផលគួរជាទីគាប់ចិត្តនៅក្នុងទីក្រុងដ៏…
ជំនួញ, ព្រឹត្តិការណ៍

អាស៊ីទិញប្រេងបញ្ចុះតម្លៃពីរុស្ស៊ី បន្ទាប់ពីអឺរ៉ុបដែលបានដកខ្លួនចេញ

អន្តរជាតិ ៖ កំណើននៃតម្រូវការប្រេងបញ្ចុះតម្លៃរបស់រុស្ស៊ីនៅលើទីផ្សារអាស៊ី កំពុងជំនួសឱ្យទីផ្សារអឺរ៉ុបដែលដកខ្លួនចេញ និងធ្វើឱ្យជះឥទ្ធិពលដល់កិច្ចខិតខំប្រឹងប្រែងរបស់បស្ចិមលោកក្នុងការទណ្ឌកម្មក្រុង…
ព្រឹត្តិការណ៍, សេដ្ឋកិច្ច

ពូជស្រូវសែនក្រអូបក្លាយជាជម្រើសមួយថ្មីសម្រាប់កសិករ និងអ្នកនាំចេញកម្ពុជាក្នុងទីផ្សារអន្តរជាតិ

ភ្នំពេញ ៖ ពូជស្រូវសែនក្រអូបបានក្លាយជាជម្រើសមួយថ្មីសម្រាប់កសិករ និងអ្នកនាំចេញកម្ពុជាក្នុងទីផ្សារអន្តរជាតិ ដែលប្រជាកសិករកម្ពុជាគប្បីពង្រឹង និងពង្រីកការបង្ករបង្កើនផល ស្របពេលដែលតម្រូវការ…
ព្រឹត្តិការណ៍, ហិរញ្ញវត្ថុ

ការសិក្សា ៖ ស្ថានភាពសេដ្ឋកិច្ចកម្ពុជាបន្តងើបឡើងក្នុងត្រីមាសទី១ ដើមឆ្នាំ២០២២

ភ្នំពេញ ៖ បន្ទាប់ពីតម្រូវការទីផ្សារធំៗរបស់កម្ពុជា ព្រមទាំងសកម្មភាពធុរកិច្ច និងខ្សែច្រវាក់ផ្គត់ផ្គង់ផលិតកម្មក្នុងស្រុក បាន និងកំពុងងើបឡើងជាបណ្តើរៗ គេសង្កេតឃើញថា ស្ថានភាពសេដ្ឋកិច្ចកម្ពុជា…
ព្រឹត្តិការណ៍, អចលនទ្រព្យ

អ្នកជំនាញអចលនទ្រព្យ ៖ ការកើនឡើងនៃវិស័យសំណង់ និងអចលនទ្រព្យគ្មានផែនការ ធ្វើឱ្យការវិនិយោគវិស័យលើកសិកម្មត្រូវរំលង

ភ្នំពេញ ៖ វិស័យសំណង់ និងអចលនទ្រព្យត្រូវបានគេមើលឃើញថាមានការរីកចម្រើន និងទទួលបានការវិនិយោគយ៉ាងច្រើនពីសំណាក់វិនិយោគិនជាតិ និងអន្តរជាតិ ជាពិសេសនៅក្នុងរយៈពេល…