ការដំឡើងអត្រាការប្រាក់របស់ធនាគារកណ្តាលអាមេរិកកំពុងជះឥទ្ធិពលអាក្រក់ដល់ប្រទេសមានចំណូលទាប

បរទេស ៖ យោងតាមប្រភពី The Conversation លើកឡើងថា វិធានការប្រយុទ្ធប្រឆាំងនឹងអតិផរណារបស់សហរដ្ឋអាមេរិកដោយការដំឡើងអត្រាការប្រាក់បានបន្តអស់រយៈពេលជាងមួយឆ្នាំ ហើយវាកំពុងប៉ះពាល់ដល់សេដ្ឋកិច្ចពិភពលោក។

បច្ចុប្បន្ននេះ អត្រាការប្រាក់របស់សហរដ្ឋអាមេរិកបានកើនឡើងដល់ ៥,២៥ ភាគរយក្នុងរយៈពេល ១៨ ខែកន្លងមកនេះ។ ទន្ទឹមនឹងនេះ វាអាចនឹងមានផលប៉ះពាល់រយៈពេលវែងយ៉ាងខ្លាំងទៅលើប្រទេសនានាជុំវិញពិភពលោក ជាពិសេសនៅក្នុងប្រទេសកំពុងអភិវឌ្ឍន៍ និង​ប្រទេស​មាន​ចំណូល​ទាប​ ខណៈដែលបណ្តាប្រទេសដែលមានដំណើរការសេដ្ឋកិច្ចភាគច្រើនខ្ចីជាប្រាក់ដុល្លារអាមេរិកសម្រាប់ធ្វើពាណិជ្ជកម្ម។ មិនត្រឹមតែប៉ុណ្ណោះ ការតំឡើងអត្រាការប្រាក់នេះកើតឡើងដោយសារ​ការធ្លាក់ចុះនៃតម្លៃ​រូបិយប័ណ្ណដុល្លារ​នៅ​ក្នុង​លក្ខខណ្ឌ​នៃ​អត្រា​ប្តូរ​ប្រាក់​ផងដែរ។ លើសពីនេះ ការបង្កើនអត្រាការប្រាក់របស់សហរដ្ឋអាមេរិកមានឥទ្ធិពលលើមូលបត្របំណុលសាជីវកម្ម ឬប្រាក់កម្ចីមានភាពទាក់ទាញជាងមុនសម្រាប់អ្នកវិនិយោគ។

ប្រទេសដែលមានបំណុលច្រើននឹងរងផលប៉ះពាល់ពីការដំឡើងអត្រាការប្រាក់នៅរបស់សហរដ្ឋអាមេរិក។ កំឡុងពេលដែលអត្រាការប្រាក់ទាប បណ្តាប្រទេសដែលមានចំណូលទាបជាច្រើនបានខ្ចីបំណុលអន្តរជាតិដើម្បីទូទាត់ផលប៉ះពាល់ផ្នែកហិរញ្ញវត្ថុនៃការរាតត្បាតកូវីដ-១៩ ហើយបន្ទាប់មកឥទ្ធិពលនៃតម្លៃទំនិញកាន់តែខ្ពស់ដែលបណ្តាលមកពីសង្គ្រាមនៅអ៊ុយក្រែន។ ការកើនឡើងនៃថ្លៃដើមកម្ចីធ្វើឱ្យរដ្ឋាភិបាលពិបាកទូទាត់សងជាងមុន ហើយស្ថានភាពនេះហៅថា «វិបត្តិបំណុល» កំពុងប៉ះពាល់ដល់ប្រទេសជាច្រើន។ ជាទូទៅ ដើម្បីកាត់បន្ថយអតិផរណានៅក្នុងសហរដ្ឋអាមេរិក ធនាគារកណ្តាល Federal Reserve មានគោលបំណងចង់ដំឡើងអត្រាការប្រាក់ ហើយវានឹងមានផលប៉ះពាល់អវិជ្ជមានលើសេដ្ឋកិច្ចនៃប្រទេសតូចៗ។

ជាក់ស្តែង នៅក្នុងប្រវត្តិសាស្ត្រក៏បានបង្ហាញដែរថា ការដំឡើងអត្រាការប្រាក់ធ្វើឱ្យប្រទេសផ្សេងទៀតងាយរងគ្រោះ។ នៅពេលដែលប្រធានធនាគារកណ្តាលលោក Paul Volcker បានប្រយុទ្ធប្រឆាំងនឹងអតិផរណាក្នុងស្រុកនៅចុងទសវត្សរ៍ឆ្នាំ១៩៧០ និងដើមទសវត្សរ៍ឆ្នាំ១៩៨០ បានអនុម័តការដំឡើងអត្រាការប្រាក់យ៉ាងខ្លាំងក្លាដែលជំរុញឱ្យមានការខ្ចីប្រាក់នៅជុំវិញពិភពលោកកើនឡើង។ បញ្ហានេះមានរួមចំណែកដល់វិបត្តិបំណុលនៃប្រទេសអាមេរិកឡាទីនចំនួន ១៦ ហើយទសវត្សរ៍នោះជារយៈពេលនៃការជាប់គាំងសេដ្ឋកិច្ច និងការកើនឡើងនៃភាពក្រីក្រ។ យ៉ាងណាក៏ដោយ បើទោះបីជាការកើនឡើងអត្រាការប្រាក់នាពេលបច្ចុប្បន្នមិនខ្លាំងដូចដើមទសវត្សរ៍ឆ្នាំ១៩៨០ ក៏ពិតមែន ប៉ុន្តែ​វានៅតែជាហានិភ័យដែល​ជំរុញ​ឱ្យបណ្តាប្រទេសមានចំណូលទាបជាច្រើនកំពុងព្រួយបារម្ភ​។

លើសពីនេះទៅទៀត ពិភពលោកមានគម្លាតរវាងប្រទេសអ្នកមាន និងប្រទេសកំពុងអភិវឌ្ឍន៍ ដោយសាររឿងប្រាក់ចំណូល។ របាយការណ៍វិសមភាពពិភពលោកឆ្នាំ២០២២ បានកត់សម្គាល់ថា អ្នកមានបំផុត ១០ ភាគរយនៃប្រជាជនពិភពលោកសព្វថ្ងៃនេះទទួលបានប្រាក់ចំណូលសកលសរុប ៥២ ភាគរយ បើធៀបនឹង ៥០ ភាគរយនៃប្រជាជនមានចំណូលទាបទទួលបាន ៨,៥ ភាគរយប៉ុណ្ណោះ។ គម្លាត​ទ្រព្យសម្បត្តិ​បែបនេះ​ធ្វើឱ្យ​ប៉ះពាល់​យ៉ាងខ្លាំង​ដល់​សង្គម ដោយសារវាត្រូវបានបង្ហាញថាប៉ះពាល់ដល់លទ្ធិប្រជាធិបតេយ្យ កាត់បន្ថយការគាំទ្រស្ថាប័នប្រជាធិបតេយ្យ និងអស្ថិរភាពផ្នែកនយោបាយ។

អ្វីដែលគួរឲ្យព្រួយបារម្ភនោះ ធនាគារពិភពលោកក៏បានលើកឡើងថា ប្រទេសកំពុងអភិវឌ្ឍន៍ប្រឈមមុខនឹងកំណើនយឺតក្នុងរយៈពេលជាច្រើនឆ្នាំ ដែលនឹងបង្កើនអត្រានៃភាពក្រីក្រ។ លើសពីនេះ ផលប៉ះពាល់ទាំងនេះត្រូវបានគួបផ្សំឡើងពីកត្តាក្នុងប្រទេសពួកគេផងដែរ ដូចជា គោលនយោបាយរបស់រដ្ឋាភិបាល ការកាត់បន្ថយការចំណាយ និងសេវាកម្មផ្សេងៗរបស់រដ្ឋាភិបាល ដែលប៉ះពាល់ដល់ប្រជាជនមានចំណូលទាប។ ដូច្នេះ ក្នុងន័យជាក់ស្តែង រយៈពេលយូរនៃអត្រាការប្រាក់ខ្ពស់នៅក្នុងសហរដ្ឋអាមេរិកអាចជះឥទ្ធិពលអាក្រក់ដល់ស្ថានភាពសេដ្ឋកិច្ច នយោបាយ និងសង្គមនៃប្រទេសកំពុងអភិវឌ្ឍន៍។ អត្រាការប្រាក់ខ្ពស់មានឥទ្ធិពលខ្លាំងក្លាលើប្រទេសក្រីក្រ ហើយពួកគេងាយនឹងធ្លាក់ចូលក្នុងវិបត្តិសេដ្ឋកិច្ច៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ