សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមតួលេខដែលត្រូវបានសិក្សាដោយកោះតៃវ៉ាន់សម្រាប់ឆ្នាំ២០២៣កន្លងមកនេះបានបង្ហាញថា រដ្ឋាភិបាលទីក្រុងប៉េកាំងទំនងជាបានចំណាយទឹកប្រាក់រហូតទៅដល់ ១៥,៣ពាន់លានដុល្លារសម្រាប់តែការរៀបចំធ្វើសមយុទ្ធយោធានៅក្នុងតំបន់ឈូងសមុទ្រប៉ាស៊ីហ្វិកភាគខាងលិច ដែលជាតំបន់ក្បែរៗ និងព័ទ្ធជុំវិញដែនកោះតៃវ៉ាន់។
របាយការណ៍ស្រាវជ្រាវផ្ទៃក្នុងដែលធ្វើឡើងដោយកងកម្លាំងយោធារបស់កោះតៃវ៉ាន់ និងត្រូវបានយកមកពិនិត្យ វាយតម្លៃបន្ថែមដោយក្រុមអ្នកជំនាញរបស់កាសែត រ៉យទ័រ បានរកឃើញទៀតថា ខ្ទង់ចំណាយនេះមានទំហំដល់ទៅ ៧ភាគរយនៃថវិកាជាតិប្រចាំឆ្នាំចំណាយសម្រាប់យោធាទាំងអស់របស់ចិន ហើយក្នុងគោលបំណងធ្វើឲ្យមានភាពតានតឹងបន្ថែមទៀតនៅក្នុងតំបន់ជុំវិញដែនកោះដែលក្រុងប៉េកាំងតែងតែទាមទារថាជាទឹកដីចិនតែមួយនោះ។
មន្ត្រីជាន់ខ្ពស់របស់តែវ៉ាន់បានលើកឡើងថា កន្លងមក ចិន តែងតែបានអះអាងថា កោះតៃវ៉ាន់ជាកម្មសិទ្ធិរបស់ខ្លួន ហើយមិនដែលបោះបង់ចោលការប្រើកម្លាំងដើម្បីយកកោះដែលគ្រប់គ្រងតាមបែបប្រជាធិបតេយ្យមកក្រោមការគ្រប់គ្រងរបស់ខ្លួនវិញនោះឡើយ បើទោះបី តៃវ៉ាន់ មានការជំទាស់ និងស្វែងរកការគាំទ្រគ្រប់មធ្យោបាយយ៉ាងខ្លាំងក្លាបែបណាក៏ដោយ។ មិនត្រឹមតែប៉ុណ្ណោះ ចិន ក៏កំពុងជាប់គាំងនៅក្នុងជម្លោះជាមួយប្រទេសមួយចំនួនផ្សេងទៀតជុំវិញអធិបតេយ្យភាពមួយផ្នែកធំនៃសមុទ្រចិនខាងត្បូង និងសមុទ្រចិនខាងកើតដែលរួមមានទាំងហ្វីលីពីន វៀតណាម និងជប៉ុនផងដែរនោះ។
មន្ត្រីជាន់ខ្ពស់មួយរូបរបស់កោះតៃវ៉ាន់ ដែលសុំមិនបញ្ចេញឈ្មោះបានលើកឡើងបែបនេះថា៖ តួលេខដែលបានបង្ហាញវាបានឆ្លុះបញ្ចាំងអំពីការពិត និងរបៀបដែលចិនបានប្រើប្រាស់ធនធានរបស់ពួកគេ។ ចិន កំពុងចំណាយលុយយ៉ាងសន្ធឹកសន្ធាប់ក្នុងការប៉ុនប៉ងដើម្បីក្តោបក្តាប់ទីតាំងជាច្រើនទៀតនៅប៉ែកខាងកើតនៃតំបន់ប្រជុំកោះ First Island Chain ដែលកំពុងគ្រប់គ្រងដោយប្រទេសជាភាគីជម្លោះផ្សេងទៀត។
គួរឲ្យដឹងដែរថា ក្រសួងការពារជាតិរបស់កោះតៃវ៉ាន់បានចងក្រងរបាយការណ៍នេះតាំងតែពីខែឧសភាមកម្ល៉េះ ដោយផ្អែកលើការឃ្លាំមើល និងការស៊ើបការណ៍ទៅលើសកម្មភាពយោធារបស់ចិននៅសមុទ្រ Bohai ភាគឦសានប្រទេសចិន សមុទ្រចិនខាងកើត ច្រកសមុទ្រកោះតៃវ៉ាន់ សមុទ្រចិនខាងត្បូង និងមហាសមុទ្រប៉ាស៊ីហ្វិកខាងលិច៕
Account
Security
Favourite Content