កាន់តែប្លែក ជាមួយម៉ាកសម្លៀកបំពាក់ក្នុងស្រុកច្នៃម៉ូដពីក្រមា និងអាចជួយដល់ជីវភាពសហគមន៍ទៀតផង

តាមការកត់សម្គាល់ សម្លៀកបំពាក់ដែលកំពុងចរាចរណ៍នៅលើទីផ្សារក្នុងស្រុកនាពេលបច្ចុប្បន្នមានច្រើនប្រភេទ ច្រើនយីហោណាស់ ដែលខ្លះជាផលិតផលនាំចូលពីប្រទេសជិតខាង ឯខ្លះទៀតជាផលិតផលដែលផលិតឡើងនៅក្នុងស្រុក។ ជាក់ស្ដែង សំណាងហ្វេស្សិនប្រេន ​(Samnang Fashion Brand) ជាម៉ាកយីហោផលិតផលសម្លៀកបំពាក់ក្នុងស្រុកមួយដែលកំពុងច្នៃម៉ូដ និងផលិតសម្លៀកបំពាក់នារី និងបានចេញម៉ូដសម្លៀកបំពាក់បែបថ្មី ច្នៃពីក្រមា ស្អាតប្លែក ហើយថែមទាំងជាផ្នែកមួយដែលចូលរួមលើកស្ទួយសេដ្ឋកិច្ចនៅក្នុងសហគមន៍តាមរយៈការបង្កើតការងារឱ្យក្រុមអ្នកផលិត។

អ្នកស្រី ខុន សំណាង ជាស្ថាបនិករបស់សំណាងហ្វេស្សិនប្រេនបានមានប្រសាសន៍ថា ៖

«សំណាងហ្វេស្សិនប្រេន បានចេញម៉ូដសម្លៀកបំពាក់ថ្មីមួយដែលច្នៃពីក្រមា មានទាំងសម្រាប់បុរស នារី និងកុមារ ដែលបងប្អូនអ្នកត្បាញរបស់យើងផលិតនៅក្នុងខេត្តកំពង់ចាម ហើយពីមួយដំណាល់កាលទៅមួយដំណាក់កាលយើងត្រូវការផលិតយ៉ាងស្វិតស្វាញ ធ្វើយ៉ាងណាទទួលបានផលិតផលមួយដែលមានគុណភាព និងជួយផ្ដល់ការងារបន្ថែមសម្រាប់ក្រុមអ្នកផលិតផ្ទាល់តែម្ដង»។

អ្នកស្រីបន្តថា ៖

សម្រាប់ការផលិតក្រមារបស់យើង ពណ៌ដើម្បីជ្រលក់ក្រមាយើងផលិតចេញពីស្លឹកត្រុំ ដែលអាចផ្ដល់នូវពណ៌ធម្មជាតិ ស្អាតប្លែក ដើម្បីត្រាំអំបោះឱ្យចេញជាពណ៌ខៀវស្រាល ឬខៀវដិតតាមការកម្ម៉ង់ ហើយការត្បាញក្រមាទៀតសោត ជាស្នាដៃរបស់បងប្អូនស្ត្រីក្នុងតំបន់នៅខេត្តកំពង់ចាម បន្ទាប់មកទើបយើងយកមកច្នៃម៉ូដបន្ថែម ចេញជាសម្លៀកបំពាក់ស្អាត អាចពាក់ប្រចាំថ្ងៃក៏បាន ទៅធ្វើការក៏បាន ពោលគឺអាចពាក់បានច្រើនកម្មវិធី»។

នៅក្នុងឱកាសជាមួយគ្នានេះ អ្នកស្រីក៏បានប្រាប់ឱ្យដឹងផងដែរថា តាមរយៈផលិតកម្មសម្លៀកបំពាក់នេះបានផ្ដល់ឱកាសការងារដល់កម្មករ និងកម្មការនីសរុបប្រមាណ ៣០នាក់ ហើយថែមទាំងផ្ដល់នូវការបណ្ដុះបណ្ដាលជំនាញទាំងក្នុងក្រុម និងវគ្គបណ្ដុះបណ្ដាលពីអ្នកជំនាញផ្សេងៗ ដើម្បីឱ្យពួកគាត់បានដុះខាត់សមត្ថភាព ទេពកោសល្យឱ្យកាន់តែពូកែបន្ថែមទៀត។ ចំពោះតម្លៃនៃសម្លៀកបំពាក់វិញមានចាប់ពី ៧-៣០ដុល្លារ អាស្រ័យទៅតាមម៉ូដ ហើយអាជីវកម្មនេះក៏មានផ្គត់ផ្គង់បោះដុំតាមរយៈដៃគូអាជីវកម្មប្រមាណជិត១០០នាក់ ទាំងនៅរាជធានីភ្នំពេញ និងតាមបណ្ដាខេត្តធំៗ ដូចជា សៀមរាប ព្រះសីហនុ កំពង់ចាម និងបាត់ដំបងជាដើម។

គួរបញ្ជាក់ដែរថា អាជីវកម្មមួយនេះត្រូវបានបង្កើតឡើងនៅឆ្នាំ២០២០ ដោយក្រុមស្ថាបនិកមួយក្រុមធ្វើការរួមគ្នាក្រោមការផ្ដួចផ្ដើមរបស់អ្នកស្រី ខុន សំណាង ដែលធ្លាប់លក់សម្លៀកបំពាក់ក្បាលគីប ហើយក៏បានវិវត្តខ្លួនមកបង្កើតម៉ាកក្នុងស្រុកដូចបច្ចុប្បន្ន។ ដោយឡែក សម្រាប់ថ្ងៃអនាគត អ្នកស្រី និងក្រុមការងារមានចក្ខុវិស័យចង់ឱ្យសំណាងហ្វេស្សិនប្រេន ក្លាយជាក្រុមហ៊ុនមួយដែលអាចផ្គត់ផ្គង់សម្លៀកបំពាក់ក្នុងស្រុកទៅកាន់ទីផ្សារកាន់តែធំ ផ្ដល់ការងារដល់ប្រជាជនកាន់តែច្រើន និងឈានដល់ការលក់ហ្វ្រេនឆាយថែមទៀតផង៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ