សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពពី Aramex បានបង្ហាញថា ការឡើងថ្លៃតម្លៃប្រេងបានជះឥទ្ធិពលប៉ះពាល់ដល់គ្រប់វិស័យដែលពឹងផ្អែកលើប្រេង ជាពិសេស ការដឹកជញ្ជូន និងខ្សែសង្វាក់ផលិតកម្មនៃឧស្សាហកម្ម។
បញ្ហាទី១ គឺការដឹកជញ្ជូនថ្លៃធ្វើឲ្យមានអស្ថិរភាពក្នុងខ្សែសង្វាក់ផ្គត់ផ្គង់ និងប៉ះពាល់ដល់ការរីកចម្រើនរបស់ក្រុមហ៊ុន។ ជាក់ស្ដែងនាពេលបច្ចុប្បន្ននេះ មានក្រុមហ៊ុនជាច្រើនកំពុងព្រួយបារម្ភថា ការរំខាននៃខ្សែសង្វាក់ផ្គត់ផ្គង់ជាហានិភ័យដ៏ធំបំផុតចំពោះកំណើនសេដ្ឋកិច្ច និងសាជីវកម្មរបស់ពួកគេ។
បញ្ហាទី២ ការប្រែប្រួលតម្លៃប្រេងប៉ះពាល់ដល់ផែនការរបស់ក្រុមហ៊ុនទាំងរយៈពេលវែង និងរយៈពេលខ្លី។ ជាទូទៅ ក្រុមហ៊ុនទាំងនោះរៀបចំផែនការរយៈពេលវែងទាក់ទងនឹងបណ្តាញចែកចាយ និង ផែនការរយៈពេលខ្លីពាក់ព័ន្ធទៅនឹងអ្នកផ្គត់ផ្គង់ផ្នែកដឹកជញ្ជូន។ នៅពេលតម្លៃប្រេងទាបមានន័យថា ការដឹកជញ្ជូនក៏មានតម្លៃទាបដែរ ប៉ុន្តែការឡើងថ្លៃតម្លៃប្រេងបានបង្ខំឲ្យក្រុមហ៊ុនមួយផ្លាស់ប្តូរការដឹកជញ្ជូនតាមទឹកមកដីគោកវិញ ឬ ងាកទៅរកក្រុមហ៊ុនដឹកជញ្ជូនដែលប្រើប្រាស់យានជំនិះអគ្គិសនី ដើម្បីជៀសវាងការចំណាយលើការដឹកជញ្ជូនដែលប្រើប្រេងឥន្ធនៈមានតម្លៃថ្លៃ។
បញ្ហាទី៣ តម្លៃប្រេងថ្លៃធ្វើឲ្យការដឹកជញ្ជូនមានភាពពិបាកជាងមុន ដោយសារការឡើងតម្លៃប្រេងឆៅបានធ្វើឱ្យការចំណាយលើការដឹកជញ្ជូនមានតម្លៃថ្លៃជាងការផលិត ស្តុក និងគ្រឿងបរិក្ខារផ្សេងៗ ដោយបង្ខំឱ្យម្ចាស់ក្រុមហ៊ុនដែលចែកចាយមានភាពបត់បែនជាងមុន។ ការឡើងថ្លៃតម្លៃប្រេងមានន័យថា តម្លៃដឹកជញ្ជូនពីក្រៅប្រទេសក៏ថ្លៃផងដែរ ដែលធ្វើឱ្យកាន់តែមានគម្លាតរវាងមជ្ឈមណ្ឌលចែកចាយ និងអ្នកលក់បន្ត។ ដូច្នោះហើយ ម្ចាស់ក្រុមហ៊ុនចែកចាយអាចត្រូវចំណាយលុយបន្ថែម ដើម្បីបង្កើតឃ្លាំងបន្ថែមទៀតទៅតាមតំបន់ជាក់លាក់នីមួយៗ។
បញ្ហាទី៥ ការដឹកជញ្ជូនថ្លៃប៉ះពាល់ដល់ការផ្គត់ផ្គង់ដែលនៅឆ្ងាយពីមជ្ឈមណ្ឌលចែកចាយ។ ក្នុងអំឡុងពេលរាតត្បាតកូវីដ-១៩ គេរកឃើញថា ការផ្គត់ផ្គង់ជាញឹកញាប់នៅឆ្ងាយពីមជ្ឈមណ្ឌលចែកចាយ ដែលធ្វើឲ្យស្តុកខ្វះបរិមាណសម្រាប់បំពេញតម្រូវការ។ ដោយឡែក ក្នុងអំឡុងពេលតម្លៃប្រេងប្រែប្រួលឡើងចុះជាញឹកញាប់ បណ្តាញផ្គត់ផ្គង់មានភាពយឺតជាងមុន ដោយសារពួកគេចង់ទទួលបានអត្ថប្រយោជន៍ពីតម្លៃប្រេងទាប និងការពារពីផលប៉ះពាល់នៃតម្លៃប្រេងថ្លៃ៕
Account
Security
Favourite Content