សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានមានប្រសាសន៍ថា បច្ចុប្បន្ននេះគឺសម័យកាលក្នុងការប្រកួតប្រជែងផ្នែកសេដ្ឋកិច្ចក្នុងតំបន់ និងពិភពលោក ប៉ុន្ដែសូមកុំប្រកួតប្រជែងដើម្បីសម្លាប់គ្នា ប៉ុន្ដែសូមប្រកួតប្រជែងដើម្បីការលូតលាស់ទាំងអស់គ្នា។
សម្តេចតេជោ បានលើកឡើងដូច្នេះ អំឡុងពេលអញ្ជើញជាអធិបតីភាពដ៏ខ្ពង់ខ្ពស់ក្នុងពិធីប្រគល់សញ្ញាបត្រជូនដល់និស្សិតនៃវិទ្យាស្ថានវ៉ាន់ដាចំនួន ៤ ៧០៥ នាក់ នៅមជ្ឈមណ្ឌលសន្និបាត និងពិព័រណ៍កោះពេជ្រ នៅថ្ងៃទី២២ ខែមីនា ឆ្នាំ២០២៣។
សម្ដេចតេជោ ហ៊ុន សែន បញ្ជាក់ថា
“យើងកុំធ្វើអ្នកខ្លាំងក្នុងចំណោមអ្នកខ្សោយ គឺត្រូវធ្វើជាអ្នកខ្លាំងក្នុងចំណោមអ្នកខ្លាំង ស្របពេលដែលសម័យនេះ គឺជាសម័យកាលប្រកួតប្រជែង មិនមែនជាសម័យកាលផ្ដួលរំលំដៃគូនោះទេ”
ក្នុងន័យនេះ សម្តេចតេជោសំដៅទៅសេដ្ឋកិច្ចបំពេញឱ្យគ្នាដើម្បីរីកចម្រើនរួមគ្នា។
សម្តេចតេជោ បានលើកឡើងពីទីផ្សារចិន អឺរ៉ុប អាមេរិក និងប្រទេសជិតខាង ដូចជាថៃ និងវៀតណាម ដែលសុទ្ធសឹងតែជាទីផ្សារនាំចេញធំៗរបស់កម្ពុជា ដូច្នេះប្រសិនបើសេដ្ឋកិច្ចមួយចុះខ្សោយ នោះក៏អាចប៉ះពាល់សេដ្ឋកិច្ចកម្ពុជាផងដែរ។
សម្តេចតេជោ បានបញ្ជាក់ថា ៖
“ប្រទេសនីមួយៗត្រូវពឹងអាស្រ័យគ្នាទៅវិញ”
សម្ដេចតេជោ ហ៊ុន សែន មានប្រសាសន៍បន្តថា សម័យនេះ ក៏ជាសម័យកាលនៃការប្រកួតប្រជែងផ្នែកសេដ្ឋកិច្ចក្នុងតំបន់ និងភិពលោកក៏ដូចគ្នា។ ដូច្នេះដំណាក់កាលនេះ ជាដំណាក់កាលប្រកួតប្រជែង ប៉ុន្ដែសូមកុំប្រកួតប្រជែងដើម្បីសម្លាប់គ្នា ប៉ុន្ដែសូមប្រកួតប្រជែងដើម្បីការលូតលាស់ទាំងអស់គ្នា៕
Account
Security
Favourite Content