សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ផ្ទះ ជាប្រភេទអចលនទ្រព្យដែលមានតម្លៃថ្លៃ ដូច្នេះហើយនៅពេលមានបំណងចង់ទិញត្រូវទាមទារឱ្យមានការរៀបចំផែនការសន្សំឱ្យច្បាស់លាស់ទើបអាចសម្រេចគោលដៅនេះបាន ខណៈដែលអ្នកជំនាញបានបង្ហាញពីគន្លឹះ និងវិធីសាស្ត្រងាយៗ និងសាមញ្ញចំនួន៦ ដែលមានប្រសិទ្ធភាព។
គន្លឹះសំខាន់ៗទាំង៦យ៉ាងក្នុងការគ្រប់គ្រងការចាយវាយ និងសន្សំប្រាក់សម្រាប់សម្រេចក្ដីប្រាថ្នារួមមាន ៖
១. កំណត់ប្រភពចំណូលឱ្យបានច្បាស់លាស់ ៖ ការកំណត់ប្រភពចំណូល គឺជាជំហានដ៏សំខាន់បំផុតមួយនៅពេលកំណត់គោលដៅហិរញ្ញវត្ថុវាជួយអ្នកឱ្យដឹងថាលុយរបស់អ្នកមកពីណា និងចំណាយទៅលើអ្វីខ្លះ ដូច្នេះ អ្នកអាចបែងចែកលុយរបស់អ្នកបានកាន់តែល្អ។ សំខាន់បំផុត ការដឹងច្បាស់ពីចំណូល គឺមានភាពងាយស្រួលសម្រាប់អ្នកក្នុងការកាត់បន្ថយការចំណាយដែលមិនចាំបាច់។
២. សន្សំពីចំណុចតូចៗ ៖ អ្វីក៏ដោយ គឺកើតចេញពីចំណុចតូចៗបូកបញ្ចូលគ្នាជាប្រចាំទើបអាចកកើតបានជាសមិទ្ធផលធំមួយបាន ដោយក្នុងនោះវិធីដែលអ្នកអាចកាត់បន្ថយការចំណាយបានគឺការទិញទំនិញដោយបញ្ចុះតម្លៃ ឬជាដុំ និងការកាត់បន្ថយការចំណាយទៅលើការកម្សាន្ដជាដើម។ ការកាត់បន្ថយការចំណាយទៅលើរបស់ទាំងនេះ ច្បាស់ណាស់ថាវាមិនមែនជារឿងដែលងាយស្រួលនោះទេ ប៉ុន្តែវាអាចជួយអ្នកសន្សំបានរាប់រយដុល្លារក្នុងមួយខែប្រសិនបើធ្វើបានត្រឹមត្រូវ។
៣. សងបំណុល ៖ បំណុលអាចរារាំងដំណើរនៃការសន្សំរបស់អ្នក ដូច្នេះហើយ រឿងដែលត្រូវធ្វើមុននឹងចាប់ផ្ដើមសន្សំ គឺអ្នកត្រូវសងបំណុលឱ្យរួចរាល់។
៤. បង្កើនប្រាក់ចំណូលពីការងារចម្បងរបស់អ្នក ៖ ពេលខ្លះ ការកាត់បន្ថយការចំណាយក្នុងគ្រួសាររបស់អ្នកមិនគ្រប់គ្រាន់ទេ ការស្វែងរកវិធីដើម្បីរកលុយបានច្រើនក៏មានប្រយោជន៍ផងដែរ។ ត្រង់ចំណុចនេះ អ្នកអាចពិចារណាក្នុងការចចារឱ្យមានការតម្លើងប្រាក់ឈ្នួល ឬស្វែងរកការងារធ្វើបន្ថែមដើម្បីបង្កើនចំណូល។
៥. រកមើលវិធីផ្សេងទៀតដើម្បីរកប្រាក់ចំណូល ៖ ក្រៅពីការងារប្រចាំថ្ងៃរបស់អ្នកក៏មានវិធីដើម្បីបង្កើនប្រាក់ចំណូលរបស់អ្នកផ្សេងទៀតដែរ។ ស្របទៅនឹងសម័យកាលអ៊ីនធឺណេតដូចបច្ចុប្បន្ននេះទៀត អ្នកអាចរកកម្រៃបានពីវាដោយមិនប៉ះពាល់ដល់ការងារស្នូលរបស់អ្នក។៦. រៀបចំផែនការបន្ថែម ៖ ក្រៅពីការកាត់បន្ថយការចំណាយទាំងអស់នេះហើយ អ្នកនឹងត្រូវរៀបចំផែនការសម្រាប់ការចំណាយផ្សេងទៀតមួយចំនួនដែលពាក់ព័ន្ធនឹងការទិញផ្ទះ។ ជាក់ស្ដែង អ្នកមិនត្រឹមតែត្រូវចំណាយលើការទិញផ្ទះតែមួយមុខនោះទេ អ្នកនឹងត្រូវការធ្វើឯកសារ ប្លង់នានា ជួសជុលបន្ថែម ឬទិញគ្រឿងសង្ហារឹមដាក់ផ្ទះជាដើម៕
Account
Security
Favourite Content