សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំពត ៖ វិនិយោគិនកូរ៉េ កាលពីឆ្នាំ២០២៣ បានសម្រេចចិត្តជ្រើសរើសយកទីតាំងនៅលើភ្នំបូកគោដើម្បីដាំដំណាំស្ត្រប៊ើរី (Strawberry) សម្រាប់ចែកចាយនៅទីផ្សារក្នុងប្រទេសកម្ពុជា។
ចម្ការស្ត្រប៊ើរី ជាកន្លែងទេសចរណ៍មួយក្នុងចំណោមតំបន់ទេសចរណ៍នានានៅលើឧទ្យានជាតិព្រះមុនីវង្ស «បូកគោ»។ អ្នកទេចរជាតិ និងអន្តរជាតិជាច្រើន បានទៅទស្សនាចម្ការស្ត្រប៊ើរី និងថតរូបអនុស្សាវរីយ ក៏ដូចជាជួយគាំទ្រដោយការទិញផ្លែស្រស់ៗផងដែរ។
ជនជាតិកូរ៉េ លោក ឈី ចូ Chi Cho (ឈ្មោះខ្មែរ ដារ៉ា) អ្នកកាន់ផ្នែកទីផ្សាររបស់ចំការស្រ្តប៊ើរី បានបង្ហើបអំពីសក្តានុពលនៅលើភ្នំបូកគោ ដែលធ្វើឱ្យអ្នកវិនិយោគសម្រេចយកទីតាំងនេះដាំផ្លែស្រ្តប៊ើរី។ ភ្នំបូកគោ មានទីតាំងល្អជាងគេ ដោយសាអាកាសធាតុល្អ ត្រជាក់ និងជាកន្លែងទេសចរណ៍។ ចំការស្រ្តប៊ើរីនេះ បានបង្កើតឡើងនៅក្នុងអំឡុងខែមេសា ឆ្នាំ២០២៣។
លោក Chi Cho បានបញ្ជាក់ថា៖
«មុនពេលសម្រេចដាំស្ត្រប៊ើរី នៅលើភ្នំបូកគោនេះ ខ្ញុំបានសិក្សាកន្លែងជាច្រើននៅក្នុងប្រទេសកម្ពុជាឃើញថាតំបន់លើភ្នំបូកគោមានអាកាសធាតុល្អ ជាពិសេសទៅទៀតនោះតំបន់ភ្នំបូកគោជាតំបន់ទេសចរណ៍មួយដែលមានទាក់ទាញផងដែរ។ យើងដាំនៅទីនេះព្រោះមានអាកាសធាតុល្អ ហើយពូជស្ត្រប៊ើរីនេះ យើងយកមកពីប្រទេសកូរ៉េ។ ស្ត្រប៊ើរីមានច្រើនប្រភេទតែយើងបានជ្រើសរើសពូជស្ត្រប៊ើរីណាដែលអាចដាំនៅខ្មែរបាន»។
តាមការអះអាងរបស់លោក Chi Cho មូលហេតុដែលម្ចាស់កសិដ្ឋានសម្រេចចិត្តដាំស្ត្រប៊ើរីនៅកម្ពុជានោះដោយសារតែឃើញថានៅលើទីផ្សារកម្ពុជាមានលក់ស្ត្រប៊ើរីនេះដោយនាំចូលពីប្រទេសកូរ៉េ ក៏ដូចជាប្រទេសជាតិខាងផ្សេងៗទៀតដោយតម្លៃថ្លៃ ព្រោះស្ត្រប៊ើរីប្រភេទនេះមិនងាយដឹកយកមកនោះទេ។
លោក Chi Cho បានឲ្យដឹងថា ចំការស្ត្រប៊ើរីដែលកំពុងដាំនេះមានទំហំ១ហិកតា ប៉ុន្តែមិនទាន់បានដាំអស់នោះទេ គឺបានដាំលើផ្ទៃដីបានប្រហែលជា៤០ភាគ រយប៉ុណ្ណោះ។ តែម្ចាស់ចម្ការរបស់លោកមានគម្រោងដាំបន្ថែមទៀតនៅចុងឆ្នាំនេះ ។
លោកបានលើកឡើងថា ៖
«បច្ចុប្បន្ននេះ ស្ត្រប៊ើរីមិនទាន់មានច្រើននៅឡើយទេ តែយើងកំពុងតែសិក្សាស្រាវជ្រាវបន្ថែម ហើយមួយថ្ងៃយើងអាចផលិត ឬបេះបានចំនួន១៥ ឬ២០គីឡូក្រាម ដោយក្នុងមួយគីឡូក្រាម២៥ដុល្លារ។ ពេលនេះយើងមានបុគ្គលិកត្រឹមតែ ៣ ឬ ៤នាក់ប៉ុណ្ណោះ ដោយសារយើងមានប្រព័ន្ធបច្ចេកវិទ្យាទំនើប តែនៅពេលដាំច្រើននឹងតម្រូវឱ្យប្រើកម្លាំងពលកម្មច្រើនជាងនេះ»។
លោកChi Cho បានឲ្យដឹងថា ផ្លែស្ត្រប៊ើរីនេះត្រូវបានលក់នៅចម្ការផ្ទាល់ និងនៅលើទីផ្សាទំនើបនានា ដូចជាផ្សាឡាក់គី ផ្សាជីបម៉ុង កន្លែងផ្សេងៗជាច្រើនទៀត៕
Account
Security
Favourite Content