បរិបថថ្មីនៃវិស័យធានារ៉ាប់រង៖ រួមចំណែកអភិវឌ្ឍន៍សេដ្ឋកិច្ចជាតិ ដោយការបង្កើនសមត្ថភាពម្ចាស់អាជីវកម្ម

លើសពីវិស័យធានារ៉ាប់រង ដែលផ្ដោតទៅលើតែការលក់សេវាកម្មធានារ៉ាប់រងដល់ប្រជាជន បច្ចុប្បន្នវិស័យនេះកំពុងឈានទៅមួយកម្រិតទៀត ក្នុងការរួមចំណែកអភិវឌ្ឍន៍សេដ្ឋកិច្ចជាតិឱ្យកាន់តែ​ប្រសើរ។

ការរួមចំណែកនៃវិស័យនេះចំពោះសេដ្ឋកិច្ចគឺធ្វើឡើងតាមរយៈ ការបង្កើនសមត្ថភាពម្ចាស់អាជីវកម្ម ដោយបង្វែរពីការធ្វើអាជីវកម្មដែលផ្ដោតតែទៅលើផលចំណេញផ្ទាល់ខ្លួន ទៅជាអាជីវកម្មដែលមាន ទំនួលខុសត្រូវក្នុងសង្គមវិញ។

ជាក់ស្ដែង សន្និសីទសម្រាប់ថ្នាក់ដឹកនាំ Agency Leadership Conference មួយត្រូវបានធ្វើឡើងក្នុង​គោល​បំណង​បង្កើនផ្នត់គំនិតវិជ្ជមាន និងបង្កើត ទម្លាប់ល្អក្នុងអាជីវកម្ម ដែលធានាបាននូវ​ប្រាក់ចំណូល ហើយបង្កើនគុណភាពផលិតផលដល់អតិថិជនគោលដៅក្នុងការរៀបចំប្រព័ន្ធ​ហិរញ្ញវត្ថុរបស់ខ្លួនដើម្បីអនាគតអ្នកជំនាន់ក្រោយរបស់កម្ពុជា។

លោក ឌឿ ឈុនឡាយ ប្រធានអាជីវកម្មប្រចាំតំបន់ និងជាអ្នកដឹកនាំម្នាក់ដែលបាន​ចូលរួមក្នុង​សន្និសីទ​ខាងលើឡើងថា ការអប់រំ ការបណ្តុះបណ្តាលគឺពិតជារឿងសំខាន់ណាស់សម្រាប់​មនុស្ស ទាំងអស់គ្នា ។

លោកបន្តថា៖

«កន្លងមកកាលណានិយាយដល់ការធ្វើអាជីវកម្ម យើងនឹងគិតទៅដល់តែប្រាក់​ចំណេញមួយមុខនោះទេ តែសម្រាប់បរិបថថ្មីនេះ ការធ្វើអាជីវកម្មគឺគួរតែផ្តោតលើការជួយ​ប្រជាពលរដ្ឋកម្ពុជាឱ្យមានសុវត្ថិភាពហិរញ្ញវត្ថុទៅវិញ ហើយលើសពីការលក់ វាគឺជាការជួយដល់​ប្រជាពលរដ្ឋ កម្ពុជាឱ្យពួកគាត់ទទួលបាននូវការធានាអាយុជីវិត និងបង្ការហានិភ័យនានា»។

ប្រធានអាជីវកម្មរូបនេះ បានបន្តឱ្យដឹងទៀតថា ចំណេះដឹងដែលលោកបានទទួលពីសន្និសីទនេះ គឺពាក់ព័ន្ធនឹងការគិតជាវិជ្ជមាន បើទោះជាអាជីវកម្មកំពុងស្ថិតក្នុងបរិយាកាសអវិជ្ជមាន ឬមានភាព​បត់បែន​យ៉ាងណាក្តី។

ចំពោះលោក លោកយល់ថាវាពិតជាមានសារៈសំខាន់ណាស់សម្រាប់ម្ចាស់អាជីវកម្មគ្រប់រូបក្នុងការ ចូលរួមលើកតម្លៃសង្គម តាមរយៈអាជីវកម្មរបស់ខ្លួន ហើយប្រសិនបើអាជីវកម្មកាន់តែច្រើនបានចូល រួមក្នុងទំនួលខុសត្រូវសង្គម សេដ្ឋកិច្ចកម្ពុជាជារួមក៏នឹងទទួលបានការរីកចម្រើនជាលំដាប់ផងដែរ។

គួររម្លឹកថា សន្និសីទខាងលើនេះបានធ្វើឡើង​កាលពី​ថ្ងៃទី ០៥ ខែសីហា ឆ្នាំ២០២៣ ក្រោមការរៀបចំ​ដោយក្រុមហ៊ុនហ្វតតេ ឡាយហ្វ៍។ នេះជាលើកទី២ហើយ ដែលក្រុមហ៊ុនធានារ៉ាប់រងមួយនេះ​ទទួលបានកិច្ចសហការណ៍ ពីអ្នកជំនាញបរទេស ក្នុងការការចែករំលែកចំណេះដឹង បទពិសោធន៍ ជាលក្ខណៈអន្តរជាតិ។

យ៉ាងណាមិញ ដើម្បីជំរុញវិស័យធានារ៉ាប់រងឱ្យកាន់តែមានប្រសិទ្ធភាពលើសេដ្ឋកិច្ចសង្គម ក្រុមហ៊ុនដដែលនេះ  ក៏បានបង្កើតជាវគ្គបណ្តុះបណ្តាលដើម្បី​បង្កើនសមត្ថភាពជាច្រើនវគ្គ​ទៀតនៅក្នុងតំបន់ ដល់ដៃគូអាជីវកម្ម និងភ្នាក់ងារធានារ៉ាប់រងប្រមាណជិត១ពាន់នាក់ នៅទូទាំងប្រទេសកម្ពុជាផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...