សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
វិមានសន្តិភាព ៖ នៅព្រឹកថ្ងៃទី៣០ ខែកញ្ញា ឆ្នាំ២០២៤នេះ ថ្នាក់ដឹកនាំក្រុមហ៊ុន ជីបម៉ុង បាននាំយកថវិកាចំនួន ៤៥ម៉ឺនដុល្លារ ជូនសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ដើម្បីបន្តជួយទៅដល់មន្ទីរពេទ្យកុមារអង្គរ។
ថវិកាចំនួន ៤៥ ម៉ឺនដុល្លារនេះ បានមកពីការរៃអង្គាសចេញពីព្រឹត្តិការណ៍ Gumball 3000 ដែលជាព្រឹត្តិការណ៍លំដាប់ពិភពលោក ធ្វើឡើងកាលពីថ្ងៃទី១៥ ដល់ថ្ងៃទី១៧ ខែកញ្ញា ឆ្នាំ២០២៤ កន្លងទៅ នៅទីក្រុងភ្នំពេញ និងខេត្តសៀមរាប។
យ៉ាងណាមិញ ព្រឹត្តិការណ៍ Gumball 3000 នេះត្រូវបានរៀបចំឡើងដោយ ក្រុមហ៊ុន ជីប ម៉ុង សហការជាមួយក្រសួងទេសចរណ៍ ស្ថាបនិក Gumball 3000 និងក្រុមហ៊ុនដៃគូជាច្រើនទៀតនៅកម្ពុជា។
ក្នុងរយៈពេល ៣ថ្ងៃកន្លងទៅនោះ ក្បួន និងការបង្ហាញកំពូលរថយន្តទំនើបៗជាង១០០គ្រឿងមកពីបណ្តាប្រទេសនានា បានធ្វើដំណើរចូលមកកម្ពុជា តាមប្រទេសវៀតណាម ច្រកទ្វារព្រំដែនអន្តរជាតិ បាវិត និងបានមកដល់រាជធានីភ្នំពេញនាល្ងាចថ្ងៃទី១៥ ខែកញ្ញា ខណៈអ្នកបើករថយន្តទំនើបៗនៅក្នុងស្រុកជាង៣០០គ្រឿងផ្សេងទៀតបានមកជួបជុំគ្នានៅវិមានឯករាជ្យ និងមុខវត្តបុទុមវត្តី ដើម្បីចូលរួមការប្រគំតន្ត្រីដ៍ធំសម្បើម ក្រោមការអបអរសាទរពីសំណាក់ប្រជាពលរដ្ឋកម្ពុជា ក៏ដូចជាជនបរទេសជាច្រើនកុះករ ជាពិសេសបណ្តាយុវជន។
គួរបញ្ជាក់ថា ព្រឹត្តិការណ៍ Gumball 3000 រៀបចំឡើងក្នុងគោលបំណងសំខាន់ៗចំនួន៤ គឺ៖ ទី១-ជំរុញវិស័យទេសចរណ៍នៅកម្ពុជា និងកេរ្តិ៍ឈ្មោះរបស់ប្រទេសទៅកាន់ពិភពលោក, ទី២-ចូលរួមចំណែកក្នុងសប្បុរសធម៌ដ៏ធំជូនទៅដល់មន្ទីរពេទ្យ កុមារអង្គរខេត្តសៀមរាប, ទី៣- បើកឱកាសរវាងវិនិយោគគិនឯកជនបរទេស និងនៅក្នុងស្រុកបានជួបគ្នា និងទី៤- បង្កើតកំណត់ត្រាពិភពលោក ហ្គីណេស ”ការចូលរួមចតរថយន្តទំនើបច្រើនជាងគេនៅមុខប្រាសាទអង្គរវត្ត៕
Account
Security
Favourite Content