សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ដើម្បីទប់ស្កាត់បំណុលលើសលប់ លោកអ្នកត្រូវប្រើប្រាស់បំណុលឱ្យបានត្រឹមត្រូវ ព្រមទាំងគ្រប់គ្រងចំណូល/ចំណាយឱ្យបាន។ ការគ្រប់គ្រង និងការដោះស្រាយបញ្ហាបំណុលផ្ទាល់ខ្លួនទាមទារឱ្យមានការតាំងចិត្ត និងការអត់ធ្មត់ខ្ពស់។ ការគ្រប់គ្រងបំណុល គឺជាការទប់ស្កាត់កុំឱ្យកើតមានបំណុលលើសលប់។ ប្រសិនបើលោកអ្នកបានធ្លាក់ទៅក្នុងស្ថានភាពបំណុលលើសលប់ លោកអ្នកអាចដោះស្រាយបំណុលតាមវិធីសាស្ត្រមួយចំនួន ដូចខាងក្រោម៖
• រៀបចំបញ្ជីបំណុល ៖ លោកអ្នកត្រូវបង្កើតតារាងបញ្ជីបំណុលទាំងអស់ ដើម្បីកំណត់អាទិភាពនៃការដោះស្រាយបំណុលនីមួយៗ។ បញ្ជីបំណុលត្រូវមានព័ត៌មានសំខាន់ៗ ដូចជាបំណុលដែលនៅដក់សល់ អត្រាការប្រាក់ ការបង់សងប្រចាំខែ ការពិន័យ និងកាលបរិច្ឆេទផុតកំណត់ជាដើម
• កែសម្រួលផែនការថវិកា៖ លោកអ្នកត្រូវរៀបចំផែនការថវិកាឡើងវិញ ដើម្បីស្វែងរកលទ្ធភាពកាត់បន្ថយការចំណាយ និងបង្កើនចំណូល ព្រមទាំងអាចមានលទ្ធភាពបង្ករប្រាក់សម្រាប់ទូទាត់បំណុល
• កំណត់អាទិភាពលើការទូទាត់បំណុល ៖ លោកអ្នកត្រូវកំណត់អាទិភាពទូទាត់បំណុលដោយផ្អែកទៅលើអត្រាការប្រាក់ លក្ខខណ្ឌរបស់ម្ចាស់បំណុល និងទំហំបំណុលដក់សល់
• ចរចាជាមួយម្ចាស់បំណុល៖ លោកអ្នកត្រូវព្យាយាមចរចាប្រកបដោយឆន្ទៈគោរពគ្នា ដើម្បីអាចស្វែងរកដំណោះស្រាយរួមក្នុងការកែសម្រួលលក្ខខណ្ឌនៃការទូទាត់ថ្មីដែលភាគីទាំងពីរអាចទទួលយកបាន
• តាមដានវឌ្ឍនភាព៖ លោកអ្នកត្រូវមានវិន័យ ឆន្ទៈ និងការតស៊ូក្នុងការតាមដានវឌ្ឍនភាពនៃការដោះស្រាយបំណុលលើសលប់។ លោកអ្នកត្រូវមានតារាងតាមដាន និងកត់ត្រាវឌ្ឍនភាពនៃការដោះស្រាយបំណុលឱ្យបានទៀងទាត់
• ចំណុចគួរចងចាំ៖ ការគេចវេស ឬ ការធ្វើអត្តឃាត មិនមែនជាវិធីសាស្ត្រក្នុងការដោះស្រាយបំណុលនោះទេ និងវិធីសាស្ត្រដោះស្រាយបំណុលលើសលប់ដែលមានប្រសិទ្ធភាព គឺទាមទារឱ្យមានផែនការ ពេលវេលា វិន័យ ឆន្ទៈ ភាពអត់ធ្មត់ និងការខិតខំប្រឹងប្រែង៕
Account
Security
Favourite Content