ឧស្សាហកម្មហិរញ្ញវត្ថុកម្ពុជារួមចំណែកសំខាន់ក្នុងការជួយជំរុញកំណើនសេដ្ឋកិច្ចជាតិ

ភ្នំពេញ ៖ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន បានលើកឡើងថា ឧស្សាហកម្មហិរញ្ញវត្ថុកម្ពុជាសម្រេចបានសន្ទុះកំណើន និងបានចូលរួមកាន់តែខ្លាំងក្លាក្នុងការជំរុញកំណើនសេដ្ឋកិច្ចជាតិ តាមរយៈការលើកកម្ពស់បរិយាប័ន្នហិរញ្ញវត្ថុ ទាំងនៅទីប្រជុំជន និងជនបទ ដែលជារួមឆ្លុះបញ្ចាំងពីការរីកចម្រើននៃគ្រឹះស្ថានធនាគារ និងមីក្រូហិរញ្ញវត្ថុ។

ការលើកឡើងរបស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ត្រូវបានធ្វើឡើងក្នុងសិក្ខាសាលាពិគ្រោះយោបល់ថ្នាក់ជាតិស្ដីពីគោលនយោបាយ និងទិសដៅនៃវិស័យបច្ចេកវិទ្យាហិរញ្ញវត្ថុកម្ពុជានៅថ្ងៃទី២៦ ខែមេសា ឆ្នាំ២០២២។

ឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន បានថ្លែងថា ឧស្សាហកម្មហិរញ្ញវត្ថុនៅកម្ពុជា ត្រូវបានចែកចេញជា ២ ធំៗ រួមមាន៖ (ទី១) វិស័យហិរញ្ញវត្ថុធនាគារស្ថិតក្រោមការគ្រប់គ្រង, ការត្រួតពិនិត្យ, និងបញ្ញត្តិកម្មរបស់ធនាគារជាតិនៃកម្ពុជា និង(២), វិស័យហិរញ្ញវត្ថុមិនមែនធនាគារ ដែលគ្រប់ដណ្តប់វិស័យធានារ៉ាប់រង និងសោធនឯកជន, មូលបត្រសន្តិសុខសង្គមបរធនបាលកិច្ច, គណនេយ្យ និងសវនកម្ម, និងអចលនទ្រព្យ បញ្ចាំ និងប្រាតិភោគ ដោយអនុប្បទាន ស្ថិតក្រោមការគ្រប់គ្រង, ត្រួតពិនិត្យ និង បញ្ញត្តិកម្មរបស់អាជ្ញាធរសេវាហិរញ្ញវត្ថុមិនមែនធនាគារ ដែលមាននិយ័តករក្រោមឱវាទជាសេនាធិការធ្វើនិយ័តកម្មតាមអនុវិស័យនីមួយៗនៃសេវាហិរញ្ញវត្ថុមិនមែនធនាគារ។ តាមបែបប្រពៃណីនេះ, ការគ្រប់គ្រង, ការត្រួតពិនិត្យ និងបញ្ញត្តិកម្មសុទ្ធតែធ្វើឡើងដោយប្រតិបត្តិករកណ្ដាល ឬអន្តរការីដើម្បីធានាបាននូវការ គ្រប់គ្រងហានីភ័យផ្សេងៗ និងធានាការទុកចិត្ត។

ឯកឧត្តមឧបនាយករដ្ឋមន្ត្រី បានថ្លែងបន្តថា យ៉ាងណាមិញ ការងើបឡើងនូវបច្ចេកវិទ្យាថ្មីៗដូចជា blockchain ឬ distributed ledger ដែលបាន និងកំពុងប្រើប្រាស់ក្នុងវិស័យហិរញ្ញវត្ថុ បានធ្វើឱ្យមានការផ្លាស់ប្ដូររបៀបនៃការគ្រប់គ្រង និងធ្វើបញ្ញត្តិកម្មនេះ លែងត្រូវការប្រតិបត្តិករកណ្ដាល ឬអន្តរការី ហើយដែលត្រូវបានហៅថា វិមជ្ឈការហិរញ្ញវត្ថុ (Decentralized France) ដូចជាទីផ្សាររូបិយវត្ថុគ្រីបតូ (Cryptocurrency market) ដែលកំពុងមានការទាក់ទាញ និងចាប់អារម្មណ៍ក្នុងរយៈពេលប៉ុន្មានឆ្នាំចុងក្រោយនេះ ។

ឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន បានថ្លែងដូច្នេះថា ៖

“ក្នុងរយៈពេលជាងមួយទស្សវត្សចុងក្រោយនេះ ឧស្សាហកម្មហិរញ្ញវត្ថុកម្ពុជាសម្រេចបានសន្ទុះកំណើន និងបានចូលរួមកាន់តែខ្លាំងក្លាក្នុងការជំរុញកំណើនសេដ្ឋកិច្ចជាតិ ជាពិសេស តាមរយៈការលើកកម្ពស់បរិយាប័ន្នហិរញ្ញវត្ថុ ទាំងនៅទីប្រជុំជន និងជនបទ ដែលជារួមឆ្លុះបញ្ចាំងតាមរយៈការកើនឡើងយ៉ាងខ្លាំងនូវគ្រឹះស្ថានធនាគារ មីក្រូហិរញ្ញវត្ថុ និងគ្រឹះស្ថានផ្តល់សេវាទូទាត់សងប្រាក់ជាដើម ក្នុងវិសាលភាពវិស័យហិរញ្ញវត្ថុធនាគារ។ ទន្ទឹមនឹងនេះ, អនុវិស័យផ្សេងៗនៃវិស័យហិរញ្ញវត្ថុមិនមែនធនាគារក៏បាន និងកំពុងចាប់ផ្ដើមដុះលូតលាស់ជាបណ្តើរៗ ដែលនឹងមានសក្តានុពលខ្ពស់ក្នុងការទាញប្រយោជន៍សម្រាប់ជំរុញកំណើនសេដ្ឋកិច្ចជាតិផងដែរ”

ក្នុងន័យនេះ ការបង្កើតអាជ្ញាធរសេវាហិរញ្ញវត្ថុមិនមែនធនាគារ ក៏មានគោលដៅដើម្បីបង្កើតយន្តការសា្ថប័នច្បាស់លាស់ និងមុតស្រួច ក្នុងការដឹកនាំអភិវឌ្ឍវិស័យនេះឱ្យបានខ្លាំងក្លាថែមទៀត។ ការរីកចម្រើននៃវិស័យនេះបានជំរុញឱ្យមានការទាក់ទាញក្នុងការបន្តវិនិយោគកាន់តែច្រើន លើបច្ចេកវិទ្យាហិរញ្ញវត្ថុ ជាពិសេសក្នុងការបង្កើនសេវាកម្ម ឬផលិតផលនវានុវត្តន៍ និងចាប់យកឱកាសថ្មីៗ ដើម្បីបំពេញតម្រូវការជាក់ស្តែងរបស់អតិថិជន ឬអ្នកប្រើប្រាស់ ជាពិសេសក្នុងចំណោមក្រុមអ្នកប្រើប្រាស់វ័យក្មេង។ ជាក់ស្ដែង, នៅក្នុងវិបត្តិនៃជំងឺកូវីដ-១៩, ស្ថាប័នហិរញ្ញវត្ថុណាដែលបានចាប់យក និងប្រើប្រាស់បច្ចេកវិទ្យាបានលឿន និងមុនគេ បានប្រែក្លាយវិបត្តិឱ្យទៅជាឱកាសថ្មីក្នុងការពង្រីកសេវារបស់ខ្លួនកាន់តែខ្លាំង និងមានភាពធន់ខ្ពស់ក្នុងការឆ្លើយតបទៅនឹងវិបត្តិនេះ។

ទន្ទឹមនេះ, បច្ចេកវិទ្យាហិរញ្ញវត្ថុបាន និងកំពុងប្រែក្លាយឧស្សាហកម្មហិរញ្ញវត្ថុទាំងមូលក្នុងការផ្តល់ និងទទួលបានសេវាកម្មហិរញ្ញវត្ថុ ដែលបានចូលរួមយ៉ាងសកម្ម និងខ្លាំងក្លា ក្នុងការគាំទ្រ និងជំរុញកំណើនសេដ្ឋកិច្ចតាមរយៈទិដ្ឋភាពចំនួន ៤ ធំៗ ។

ទី១. បច្ចេកវិទ្យាហិរញ្ញវត្ថុអាចបង្កើនការប្រកួតប្រជែងដោយស្មើភាព និងបង្កើនប្រសិទ្ធភាពនៃការផ្តល់សេវាហិរញ្ញវត្ថុ ដោយសារការកាត់បន្ថយថ្លៃប្រតិបត្តិការសន្សំពេលវេលា និងធ្វើឱ្យប្រសើរឡើងនូវការទទួលបានបទពិសោធន៍ថ្មី និងប្លែកពីសំណាក់អ្នកប្រើប្រាស់ ។ ទី២. បច្ចេកវិទ្យាហិរញ្ញវត្ថុមានសក្តានុពលក្នុងការបង្កើតទីផ្សារថ្មី (new market segments) ដែលពង្រឹងទីផ្សារដែលមានស្រាប់ ជាពិសេសបង្កើតឱ្យមានអន្តរទំនាក់ទំនង និងការផ្សាភ្ជាប់គ្នាកាន់តែជិតស្និទ្ធរវាងសកម្មភាពហិរញ្ញវត្ថុ និងសកម្មភាពមិនមែនហិរញ្ញវត្ថុ (non-financial sectors) ដែលមានសក្តានុពល ដើម្បីពន្លឿនប្រតិបត្តិការពិតប្រាកដ និងប្រតិបត្តិការអនឡាញ (real and online transactions) ។ ការណ៍នេះមិនត្រឹមតែអាចបង្កើតឱកាសទីផ្សារថ្មីប៉ុណ្ណោះទេ ថែមទាំងអាចផ្ដល់លទ្ធភាពក្នុងការបង្កើតប្រភពនៃកំណើនសេដ្ឋកិច្ចថ្មីផងដែរ។ ទី ៣. បច្ចេកវិទ្យាហិរញ្ញវត្ថុអាចពង្រីកបរិយាប័ន្នកម្មហិរញ្ញវត្ថុ (financial inclusion) ក្នុងទិដ្ឋភាពជាចលករសម្រាប់ការកាត់បន្ថយភាពក្រីក្រ តាមរយៈការផ្ដល់ថា្នលឌីជីថលដើម្បីទទួលបាន និងប្រើប្រាស់សេវាហិរញ្ញវត្ថុផ្លូវការដល់ប្រជាជនក្រីក្រ និងពុំមានលទ្ធភាពទទួលបានសេវាកម្មហិរញ្ញវត្ថុគ្រប់គ្រាន់។ ទី៤. បច្ចេកវិទ្យាហិរញ្ញវត្ថុក៏មានតួនាទីសំខាន់ក្នុងការពង្រឹង និងពង្រីកសហគ្រាសធុនតូច និងមធ្យម (SMEs) ដែលជាប្រភពសំខាន់សម្រាប់បង្កើត និងលើកកម្ពស់លក្ខខណ្ឌការងារ និងជំរុញកំណើនប្រកបដោយបរិយាប័ន្ន និងចីរភាព។

ចំណែកឯវិស័យហិរញ្ញវត្ថុវិមជ្ឈការជាប្រព័ន្ធហិរញ្ញវត្ថុថ្មីមួយសម្រាប់បំពេញបន្ថែមទៅលើប្រព័ន្ធហិរញ្ញវត្ថុបែបប្រពៃណី ហើយភាគច្រើន ប្រតិបត្តិការលើហេដ្ឋារចនាសម្ព័ន្ធកិច្ចសន្យាឆ្លាតវៃ (Smart Contract) ដោយប្រើបច្ចេកវិទ្យាប្លុកឆេន (Blockchain) និងមិនមានគ្រឹះស្ថានហិរញ្ញវត្ថុជាអន្តរការីនោះឡើយ ។ មកដល់ពេលនេះ, ការប្រើប្រាស់បច្ចេកវិទ្យាប្លុកឆេន (Blockchain ) សម្រាប់ទីផ្សាររូបិយវត្ថុគ្រីបតូ (Cryptocurrency market) ទោះបីជាមានភាពពុះកញ្ជ្រោលពីវិស័យឯកជន រូបិយវត្ថុគ្រីបតូមិនបានទទួលស្គាល់ជាផ្លូវការ ដោយប្រទេសស្ទើរតែទាំងអស់នៅលើពិភពលោក។

ឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន បានថ្លែងបញ្ជាក់ថា ៖

“ត្រង់ចំណុចនេះ ខ្ញុំសូមគូសបញ្ជាក់ថា កន្លងមក, ធនាគារជាតិនៃកម្ពុជា រួមជាមួយនឹងគណៈកម្មការមូលបត្រកម្ពុជា និងអគ្គស្នងការដ្ឋាននគរបាលជាតិ បានចេញសេចក្តីថ្លែងការណ៍រួមមួយដោយបានបញ្ជាក់ថា ការផ្សព្វផ្សាយចរាចរទិញលក់ ជួញដូរ កាសអេឡិចត្រូនិក ដោយមិនមានអាជ្ញាប័ណ្ណពីអាជ្ញាធរមានសមត្ថកិច្ច គឺជាសកម្មភាពខុសច្បាប់។ ការហាមឃាត់នេះសំដៅតែលើការជួញដូរកាសអេឡិចត្រូនិកប៉ុណ្ណោះ ប៉ុន្តែមិនមែនមានន័យថា មិនអនុញ្ញាតឱ្យប្រើប្រាស់បច្ចេកវិទ្យាប្លុកឆនសម្រាប់គោលដៅផ្សេងឡើយ”

ត្បិតថា វិស័យហិរញ្ញវត្ថុវិមជ្ឈការស្ថិតក្នុងភាពថ្មីស្រឡាង និងមិនទាន់មានការប្រើប្រាស់ទូលំទូលាយនៅឡើយនៅកម្ពុជា យើងត្រូវធ្វើការពិសោធន៍ដោយផ្ទាល់ និងសិក្សាស្វែងយល់ឱ្យបានកាន់តែច្បាស់លាស់ និងស៊ីជម្រៅ ដើម្បីទាញយកអត្ថប្រយោជន៍ជាអតិបរិមា និងកាត់បន្ថយហានិភ័យឱ្យស្ថិតក្នុងកម្រិតអប្បបរមាពីបច្ចេកវិទ្យាបែបនេះ ហើយដែលខ្ញុំរំពឹងថា គោលនយោបាយអភិវឌ្ឍន៍បច្ចេកវិទ្យាហិរញ្ញវត្ថុនេះនឹងជួយកំណត់ទិសដៅ និងក្របខណ្ឌនៃការគ្រប់គ្រងបច្ចេកវិទ្យាបែបនេះបាននៅកម្ពុជា៕

លោក អ៊ា សុវណ្ណារ៉ា | Mr. Ea Sovannara

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

បទយកការណ៍, ហិរញ្ញវត្ថុ

• 09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

ព័ត៌មានទូទៅ

មើលទាំងអស់ ➧

ហ្វីលីពីន -កម្ពុជា រួមដៃគ្នាលើកកម្ពស់វិស័យការងារ និងកិច្ចគាំពារជនទេសន្តរប្រវេសន៍

ព្រឹត្តិការណ៍, សេដ្ឋកិច្ច

• 14/07/2026

ពិភាក្សាអំពីការពង្រឹងកិច្ចសហប្រតិបត្តិការទ្វេភាគីលើវិស័យការងារ និងកិច្ចគាំពារជនទេសន្តរប្រវេសន៍ ព្រមទាំងផ្លាស់ប្តូរទស្សនៈលើការធ្វើជាប្រធានអាស៊ានរបស់សាធារណរដ្ឋហ្វីលីពីនក្នុងឆ្នាំ២០២៦

មន្ទីរសុរិយោដីខេត្តស្ទឹងត្រែង ជូនដំណឹងពីការចែកវិញ្ញាបនបត្រសម្គាល់ម្ចាស់អចលនវត្ថុដល់ពលរដ្ឋក្នុងស្រុកបុរីអូរស្វាយសែនជ័យ

ព្រឹត្តិការណ៍, អចលនទ្រព្យ

• 14/07/2026

មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តស្ទឹងត្រែង ប្រកាសប្រគល់វិញ្ញាបនបត្រជូនម្ចាស់កម្មសិទ្ធិដីធ្លីនៅស្រុកបុរីអូរស្វាយសែនជ័យ នៅថ្ងៃទី១៥ ខែកក្កដា ឆ្នាំ២០២៦

អាម៉េរិកបង្វិលសងប្រាក់ ៨១ ពាន់លានដុល្លារ ក្រោយតុលាការកំពូលសម្រេចថា ពន្ធបដិការរបស់ ត្រាំ ខុសច្បាប់

ព្រឹត្តិការណ៍, សេដ្ឋកិច្ច

• 14/07/2026

រដ្ឋាភិបាលអាម៉េរិកសងប្រាក់ពន្ធគយ ៨១ ពាន់លានដុល្លារត្រឡប់ទៅវិញ បន្ទាប់ពីតុលាការកំពូលសម្រេចថា ការប្រមូលពន្ធគយបដិការ ដែលដាក់ចេញដោយលោកប្រធានាធិបតី Donald Trump (ដូណាល់ ត្រាំ) ទាំងនោះ គឺខុសច្បាប់

ក្រុមប្រឹក្សាស្តង់ដារជាតិ អនុម័តស្តង់ដារកម្ពុជាចំនួន ៤៥ ដើម្បីលើកកម្ពស់ភាពប្រកួតប្រជែងផ្នែកឧស្សាហកម្ម និងការធ្វើពាណិជ្ជកម្មអន្តរជាតិ

ព្រឹត្តិការណ៍, អាជីវកម្មថ្មី និងនវានុវត្ត

• 14/07/2026

ក្រុមប្រឹក្សាស្តង់ដារជាតិ អនុម័តស្តង់ដារកម្ពុជាចំនួន ៤៥ ដើម្បីលើកកម្ពស់ភាពប្រកួតប្រជែងនៃឧស្សាហកម្ម និងការធ្វើពាណិជ្ជកម្មអន្តរជាតិ

ប៊ុលហ្ការី-អាល្លឺម៉ង់ ពង្រឹងកិច្ចសហប្រតិបត្តិការលើវិស័យបញ្ញាសិប្បនិម្មិត និងមនុស្សយន្ត

ព្រឹត្តិការណ៍, អាជីវកម្មថ្មី និងនវានុវត្ត

• 14/07/2026

លោកនាយករដ្ឋមន្ត្រីប៊ុលហ្ការី លោក Rumen Radev នៅសប្តាហ៍នេះ បានជួបពិភាក្សាការងារជាមួយតំណាងវិទ្យាស្ថានស្រាវជ្រាវ និងគ្រឹះស្ថានបោះពុម្ពផ្សាយធំៗរបស់ប្រទេសអាល្លឺម៉ង់ នៅទីស្ដីការគណៈរដ្ឋមន្ត្រី ដើម្បីពិភាក្សាអំពីការបន្តពង្រីកកិច្ចសហប្រតិបត្តិការទ្វេភាគីលើវិស័យឧស្សាហកម្មបច្ចេកវិទ្យាជាន់ខ្ពស់ នវានុវត្តន៍ និងការស្រាវជ្រាវវិទ្យាសាស្ត្រ

ជប៉ុន ផ្តល់ឥណទានសម្បទាន ១១៩លានដុល្លារដល់កម្ពុជា សម្រាប់គម្រោងអភិវឌ្ឍន៍ចំណតផែកុងតឺន័រថ្មី កំពង់ផែស្វយ័ត ក្រុងព្រះសីហនុ

ព្រឹត្តិការណ៍, សេដ្ឋកិច្ច

• 14/07/2026

កសិករ សេល រក្សា អាចរកចំណូលបានដល់ ៣០០០ ដុល្លារ/មួយខែ ពីរបរចិញ្ចឹមកង្កែប

ជំនួញ, ព្រឹត្តិការណ៍

• 14/07/2026

ការការចិញ្ចឹមកង្កែបលក្ខណៈគ្រួសារ គឺជាមុខរបរមួយជួយលើកកម្ពស់ជីវភាពបានយ៉ាងល្អ ដោយសារកង្កែបមានតម្រូវការទីផ្សារខ្ពស់ ជាក់ស្តែង កសិករចិញ្ចឹមកង្កែបមួយរូប នៅស្រុកសង្កែ ខេត្តបាត់ដំបង កំពុងទទួលបានជោគជ័យយ៉ាងខ្លាំង។

ឥណ្ឌូណេស៊ីជាប្រទេសដំបូងគេលើពិភពលោក ប្រើប្រាស់ម៉ាស៊ូតផ្ទុកកម្រិតល្បាយឥន្ធនៈពីដូងប្រេងដល់ ៥០ ភាគរយ

ព្រឹត្តិការណ៍, សេដ្ឋកិច្ច

• 14/07/2026

ឥណ្ឌូណេស៊ីក្លាយជាប្រទេសដំបូងគេបង្អស់នៅលើពិភពលោក ប្រើប្រាស់ប្រេងឥន្ធនៈម៉ាស៊ូតដែលមានផ្ទុកកម្រិតល្បាយជីវឥន្ធនៈខ្ពស់ពីដូងប្រេង (ប្រេងដូងឆៅ) រហូតទៅដល់ ៥០ ភាគរយ