ដំណាំ២ប្រភេទ ដែលចំណាយពេលដាំរយៈពេលខ្លី ប៉ុន្តែទទួលបានផលច្រើន និងមានទីផ្សារល្អ

ភ្នំពេញ ៖ ប្រជាកសិករខ្មែរ ពិសេសអ្នកដែលរស់នៅនៅតាមតំបន់ស្រុកស្រែចំការ និងមានដីទំនេរធំទូលាយ អាចសាកល្បងងាកមកដាំដំណាំពីរប្រភេទនេះ ដែលមានភាពងាយស្រួលទាំងការថែទាំ និងមានតម្រូវការទីផ្សារខ្ពស់ ជាពិសេស ទទួលបានតម្លៃថ្លៃនៅពេលលក់ចេញ ហើយមិនបារម្ភពីការខាតបង់ច្រើន។

ដំណាំប្រទាលកន្ទុយក្រពើ ៖ ប្រទាលកន្ទុយក្រពើ ឬគេនិយមហៅថា អាឡូវិរ៉ា ជារុក្ខជាតិម្យ៉ាងដែលងាយស្រួលដាំ មានតម្រូវការទីផ្សារល្អ និងផ្ដល់ផលបានយូរអង្វែង និងមានតម្លៃថ្លៃគួរសមនៅពេលលក់ចេញ ដោយអាចលក់ទាំងផលដែលទទួលបានពីការដាំដុះ លក់បានទាំងកូនតូចដែលបានបណ្តុះពូជ។

លោក អៀន អ៊ីន ម្ចាស់កសិដ្ឋានដាំដំណាំប្រទាលកន្ទុយក្រពើ រស់នៅខេត្តសៀមរាប បានបញ្ជាក់ AMS ថា បច្ចុប្បន្ននេះ ប្រទាលកន្ទុយក្រពើបានក្លាយជាផលិតផលកសិកម្មមួយប្រភេទដែលមានតម្រូវការទីផ្សារខ្ពស់ និងមានតម្លៃថ្លៃ ផ្តល់ផលចំណេញច្រើនគួរសមដល់អ្នកដាំដុះ ក៏ដូចជាពាណិជ្ជករដែលទទួលយកទៅលក់បន្ត រួមទាំងអ្នកទទួលយកមកកែច្នៃជាផលិតផលថ្មីចុងក្រោយសម្រាប់នាំទៅដាក់លក់នៅលើទីផ្សារផងដែរ។

លោកបន្តថា​ ភាពទាក់ទាញ និងមានតម្រូវការទីផ្សារពិតប្រាកដ គឺដោយសារតែប្រទាលកន្ទុយក្រពើមានប្រយោជន៍ច្រើនយ៉ាងក្នុងការប្រើប្រាស់ ដែលអាចជួយថែបំប៉នសុខភាព ជួយសម្រួលប្រព័ន្ធរំលាយអាហារ រក្សាសម្រស់ស្បែក សក់​ និងមានរសជាតិឆ្ងាញ់(កែច្នៃជាភេសជ្ជៈ) ហើយអាចលើកកម្ពស់សេដ្ឋកិច្ចជីវភាពគ្រួសារអ្នកដាំដុះ ខណៈដែលវាមានងាយស្រួលក្នុងការថែទាំ អាចដាំ​ដុះស្ទើរគ្រប់ទីកន្លែង ហើយអាចផ្តល់ផលស្ទើរពេញមួយឆ្នាំក្នុងករណីមើលថែទាំមានល្អ។

សម្រាប់ប្រទាលកន្ទុយក្រពើ ដែលកំពុងធ្វើការដាំដុះនៅក្នុងកសិដ្ឋានរបស់លោក ត្រូវបាននាំយកពូជមកពីប្រទេសជប៉ុន ខណៈដែលប្រទាលកន្ទុយក្រពើប្រភេទនេះមានលក្ខណៈពិសេសខុសពីប្រភេទដទៃទៀត វាមានធាងធំ ហើយវែង សាច់ច្រើន បែកកូនច្រើន និងងាយស្រួលដាំដុះ អាចដាំបានគ្រប់កន្លែងមិនសូវរើសប្រភេទដីនោះទេ ហើយរហូតមកដល់ពេលនេះ កសិដ្ឋានរបស់លោកបានពង្រីកទំហំផ្ទៃដីដាំដុះជាបន្តបន្ទាប់ ដើម្បីអាចឆ្លើយតបទៅនឹងតម្រូវការទីផ្សារដែលកើនឡើងឥតឈប់ឈរ។

គួរបញ្ជាក់ថា បច្ចុប្បន្ន នៅក្នុងកសិដ្ឋានរបស់លោក អៀន អ៊ីន មានដំណាំប្រទាលកន្ទុយប្រពើប្រមាណ ២ ០០០គុម្ព ដែលអាចផ្គត់ផ្គង់ជាកូន ២០០ដើម និងលក់ជាសាច់ជាង ២០០គីឡូក្រាមក្នុងមួយថ្ងៃ។ ដោយឡែកចំពោះតម្លៃលក់វិញ សម្រាប់កូនប្រទាលកន្ទុយក្រពើ១ដើមមានតម្លៃ ៤ ០០០រៀល ឯធាងសាច់មានតម្លៃ ៥ ០០០រៀលក្នុង១គីឡូក្រាម។ ក្រៅពីនេះ កសិដ្ឋានខាងលើនេះក៏មានលក់ជាកូនផ្សាំដាក់ដាំក្នុងផើងរួចជាស្រេច ដែលមានតម្លៃចាប់ពី ២ដុល្លារឡើងទៅរហូតដល់ ២៥ដុល្លារ អាស្រ័យតាមទំហំដើម។

ដំណាំឪឡឹកសម្បកមាស ៖ ដំណាំឪឡឹកដែលមានផ្ទៃសម្បកពណ៌មាស ឯសាច់មានពណ៌ក្រហមឆ្អៅ និងមានរសជាតិផ្អែមឆ្ងាញ់ ជាឪឡឹកមួយប្រភេទដែលត្រូវបានកសិកររស់នៅខេត្តត្បូងឃ្មុំធ្វើការដាំដុះនៅលើផ្ទៃដីជាច្រើនហិកតា ដោយសារវាឆាប់ទទួលបានផល និងមានតម្លៃខ្ពស់នៅលើទីផ្សារ។

លោក បូ ម៉ាន ជាម្ចាស់ចំការឪឡឹកសម្បកមាសបានឱ្យដឹងថា លោកបានជ្រើសរើសយកពូជឪឡឹកមកធ្វើការដាំដុះចំនួន៣ប្រភេទ រួមមានពូជឪឡឹកពណ៌លឿង ពូជឪឡឹកពណ៌ការ៉ុត និងពូជឪឡឹកពណ៌មាស ដោយសារវាឆាប់ប្រមូលផលបានលឿន ទទួលទិន្នផលច្រើន ចំណាយពេលតិចក្នុងការដាំ និងងាយថែទាំ ហើយអ្វីដែលរឹតតែពិសេសនោះ គឺអាចលក់បានតម្លៃថ្លៃនៅលើទីផ្សារ ដែលអាចជួយសម្រាលជីវភាពគ្រួសារបានល្អប្រសើរ និងផ្ដល់ការងារដល់បងប្អូនក្នុងភូមិថែមទៀតផង។

លោក បូ មាន បានមានប្រសាសន៍បញ្ជាក់ឲ្យដឹងថា ឪឡឹកសម្បកមាស ជាប្រភេទដំណាំឆាប់ឱ្យផលលឿន ប្រើរយៈពេលដាំតែ ៥០-៦០ ថ្ងៃប៉ុណ្ណោះ គឺអាចប្រមូលផលបានជាបណ្តើរៗហើយ ជាក់ស្ដែងត្រឹមតែការដាំដុះនៅលើផ្ទៃដីមួយហិកតា គឺអាចប្រមូលផលបានពី ១៥-២៥ តោន ឬច្រើនជាងនេះ ប្រសិនបើឪឡឹកល្អខ្លាំង។

ចំពោះតម្លៃឪឡឹកប្រភេទនេះគេអាចលក់រាយក្នុងតម្លៃ ៥ ០០០រៀលក្នុង១គីឡូក្រាម ហើយទិញចាប់ពី ៥០គីឡូក្រាមឡើងទៅគេគិតតម្លៃបោះដុំ  ៣ ០០០រៀលក្នុង១គីឡូក្រាម។ ដោយឡែកសម្រាប់ទីផ្សារឪឡឹកសម្បកមាសគឺល្អខ្លាំងណាស់ មានការពេញនិយមច្រើនពីបងប្អូនប្រជាជនខ្មែរស្ទើរគ្រប់មជ្ឈដ្ឋាន ជាពិសេស ទីប្រជុំជន ឬផ្សារទំនើបនៅរាជធានីភ្នំពេញក៏ពេញនិយមខ្លាំងផងដែរ។

គួរបញ្ជាក់ដែរថា ដំណាំដែលបានរៀបរាប់ខាងលើនេះជាដំណាំដែលងាយស្រួលដាំដុះ ងាយថែទាំ និងឆាប់ទទួលបានផល ហើយមានតម្រូវការទីផ្សារខ្ពស់។ ដូច្នេះ បងប្អូនដែលជាប្រជាកសិករអាស្រ័យផលដោយការដាំដុះ អាចសាកល្បងដាំនៅលើដីចំការ ឬដីជុំវិញផ្ទះបានដើម្បីអាចដឹងពីភាពល្អប្រសើរនៃការដាំដុះដំណាំទាំង២ប្រភេទនេះ៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 20/11/2026

ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង

LOLC KHQR ផ្តល់ជូននូវភាពងាយស្រួល និងឱកាសឈ្នះរង្វាន់ទឹកប្រាក់ ១៦៨ ០០០ រៀល ដល់អាជីវករក្នុងឱកាសពិធីបុណ្យអុំទូកខាងមុខ!

ព្រឹត្តិការណ៍, អត្ថបទពាណិជ្ជកម្ម

• 20/11/2026

ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាន់តែខិតជិតមកដល់ហើយ ដែលជាពេលវេលាដ៏មមាញឹកសម្រាប់អាជីវករនៅតាមតំបន់ដែលមានអ្នកធ្វើដំណើរច្រើន ជាពិសេសភោជនីយដ្ឋាន ឬអាហារដ្ឋានដែលលក់ម្ហូបអាហារ ហាងលក់ទំនិញ ឬសេវាកម្មនានា។ ជាមួយនឹងការកើនឡើងនៃចំនួនអតិថិជន អាជីវករក៏អាចប្រឈមនឹងបញ្ហាមួយចំនួនក្នុងការគ្រប់គ្រងការទូទាត់ ដូចជា ការទទួលសាច់ប្រាក់ ការរាប់ប្រាក់ ការរៀបចំប្រាក់អាប់ និងការកត់ត្រាប្រតិបត្តិការលក់ប្រចាំថ្ងៃ។ ដើម្បីជួយសម្រួលដល់បញ្ហាប្រឈមទាំងនេះ អិលអូអិលស៊ី សូមផ្តល់ជូននូវដំណោះស្រាយទូទាត់ឌីជីថលតាមរយៈ

១៨ខែ ខេត្ត​​ភាគឦសានទទួលបានគម្រោង​វិនិយោគចំនួន ៧៦គម្រោង​ បង្កើតឱកាស​ការងារ​បានជាង​ ៨,៣ម៉ឺនកន្លែង​

ព្រឹត្តិការណ៍, សេដ្ឋកិច្ច

• 20/11/2026

ក្នុងរយៈពេលត្រឹមតែ១៨ខែ ឬ១ឆ្នាំកន្លះ តំបន់ភូមិភាគឦសាន​បានទទួល​គម្រោង​វិនិយោគ៧៦គម្រោង​ជាមួយនឹងទុនវិនិយោគ ២,៦៥ពាន់​លានដុល្លារអាម៉េរិក​បង្កើតការងារបានជា​ង៨ម៉ឺននាក់​

ក្រោយកិច្ចប្រជុំកំពូលអាស៊ាន លោក ដូណាល់ ត្រាំ ប្រមូលកិច្ចព្រមព្រៀង និងគម្រោងវិនិយោគជាង ១៧ ពាន់លានដុល្លារនៅអាស៊ីអាគ្នេយ៍

ព្រឹត្តិការណ៍, សេដ្ឋកិច្ច

• 20/11/2026

បរទេស៖ ប្រធានាធិបតីអាម៉េរិកលោក ដូណាល់ ត្រាំ បានប្រកាសពីកិច្ចព្រមព្រៀងពាណិជ្ជកម្ម និងការវិនិយោគជាយុទ្ធសាស្ត្រដែលមានទំហំទឹកប្រាក់សរុបជាង ១៧ ពាន់លានដុល្លារសម្រាប់ក្រុមហ៊ុនអាម៉េរិកនៅក្នុងតំបន់អាស៊ីអាគ្នេយ៍ បន្ទាប់ពីបញ្ចប់ដំណើរទស្សនកិច្ចនៅប្រទេសហ្វីលីពីន នេះបើយោងតាមសេចក្ដីរាយការណ៍ពី CNA។ សេតវិមានបានបញ្ជាក់នៅក្នុងសេចក្តីថ្លែងការណ៍មួយថា កិច្ចព្រមព្រៀងទាំងនោះរួមមាន ការសម្រេចជាស្ថាពររបស់ក្រុមហ៊ុន Boeing និង GE Aerospace ក្នុងការលក់យន្តហោះប្រភេទ Boeing

អ្នកជំនាញអាមេរិក កោតសរសើរសន្ទុះនៃភាពរីកចម្រើនផ្នែក Fintech និងបរិយាកាសវិនិយោគនៅកម្ពុជា

ជំនួញ, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ ក្រោយពេលបានមកទស្សនាប្រទេសកម្ពុជាចំនួន ៨ ដង ចាប់តាំងពីឆ្នាំ២០១២ លោក Mitch Pettit ភ្ញៀវទេសចរក៏ដូចជាអ្នកជំនួញជនជាតិអាមេរិក បានកោតសរសើរចំពោះភាពរីកចម្រើនឥតឈប់ឈររបស់កម្ពុជា ដោយសង្កត់ធ្ងន់ថា ក្រុមហ៊ុនបច្ចេកវិទ្យាហិរញ្ញវត្ថុថ្មីៗ (Fintech startups) សហគ្រិន ត្រួសត្រាយផ្លូវ និងការអភិវឌ្ឍហេដ្ឋារចនាសម្ព័ន្ធយ៉ាងឆាប់រហ័ស បានលេចចេញជារូបរាងឡើងជារៀងរាល់ឆ្នាំ។ ថ្លែងប្រាប់សារព័ត៌មាន

ក្រសួង​កសិកម្ម​​ និង​ FAO ​ផ្តល់​គ្រឿងយន្ត​ ​៣​១​គ្រឿង​ ​ជំរុញ​ផលិតកម្ម​ស្រូវ​សរីរាង្គ​នៅ​ព្រះវិហារ​

ព្រឹត្តិការណ៍, សេដ្ឋកិច្ច

• 20/11/2026

ក្រសួង​កសិកម្ម​ ​រុក្ខា​ប្រមាញ់​ និង​នេសាទ​ ​សហការ​ជាមួយ​អង្គការ​ស្បៀង ​និង​កសិកម្ម​នៃ​សហ​ប្រជា​ជាតិ​ ​(​FA​O​)​ ​តាមរយៈ​គម្រោង​គជ់ ​បាន​ផ្តល់​គ្រឿងយន្ត​កសិកម្ម​ចំនួន​ ៣១​គ្រឿង​ ដល់​សហគមន៍​កសិកម្ម​ក្នុង​ខេត្ត​ព្រះវិហារ ​ដើម្បី​ជំរុញ​ផលិតកម្ម​ស្រូវ​សរីរាង្គ ​បង្កើន​ផលិតភាព​ ​និង​កាត់បន្ថយ​ថ្លៃ​ដើម​ផលិតកម្ម​

ទូតអាមេរិកថ្មី បន្តពូនជ្រំ និងជំរុញកិច្ចសហប្រតិបត្តិការទ្វេភាគី ខណៈពាណិជ្ជកម្មកម្ពុជា-អាមេ​រិក ១០ខែ ឆ្នាំ២០២៦ ហក់ឡើងដល់ជិត ១៤ពាន់លានដុល្លារ

ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ៖ ឯកអគ្គរដ្ឋទូតសហរដ្ឋអាមេរិកថ្មីប្រចាំកម្ពុជា ឯកឧត្តម Christopher Anderson បានបង្ហាញពីការប្តេជ្ញាបន្តពូនជ្រុំទំនាក់ទំនង និងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីឱ្យកាន់តែរឹងមាំ ខណៈដែលពាណិជ្ជកម្មរវាងប្រទេសទាំងពីរក្នុងរយៈពេល ១០ខែ ឆ្នាំ២០២៦ សម្រេចបានទំហំទឹកប្រាក់រហូតដល់ ១៣,៨២ពាន់លានដុល្លារ ដែលជាសញ្ញាវិជ្ជមានគួរជាទីមោទន។ ក្នុងឱកាសទទួលបានការអនុញ្ញាតចូលជួបសម្តែងការគួរសមជាមួយសម្តេចធិបតី ហ៊ុន ម៉ាណែត នាព្រឹកថ្ងៃទី១៨ ខែវិច្ឆិកា

ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈពេលប៉ុន្មានឆ្នាំចុងក្រោយ

Top News, ព្រឹត្តិការណ៍, សេដ្ឋកិច្ច

• 19/11/2026

ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។  យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា

ប្រទេសសមាជិកសហភាពអឺរ៉ុប បើកភ្លើងខៀវឲ្យមានចុះហត្ថលេខាលើកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី

ព្រឹត្តិការណ៍, សេដ្ឋកិច្ច

• 19/11/2026

បរទេស៖ រដ្ឋាភិបាលនៃបណ្តាប្រទេសសមាជិកសហភាពអឺរ៉ុប (EU) អនុម័តលើការចុះហត្ថលេខាស្ដីពីកិច្ចព្រមព្រៀងពាណិជ្ជកម្មជាមួយឥណ្ឌូណេស៊ី ដែលធ្លាប់បានឯកភាពគ្នាកាលពីគ្រាមុន ដើម្បីទប់ទល់ផលប៉ះពាល់ពីការដំឡើងពន្ធគយរបស់អាម៉េរិក នេះបើយោងតាមសេចក្ដីរាយការណ៍ពី Al Jazeera ។ កាលពីថ្ងៃពុធកន្លងទៅនេះ ក្រុមប្រឹក្សាសហភាពអឺរ៉ុបបានចេញសេចក្តីសម្រេចអនុញ្ញាតឱ្យអនុវត្តកិច្ចព្រមព្រៀងពាណិជ្ជកម្មជាមួយឥណ្ឌូណេស៊ីជាបណ្តោះអាសន្ន ដោយភាគីទាំងពីរនឹងលុបចោលពន្ធនាំចូលលើមុខទំនិញជាង ៩០ ភាគរយ ហើយពន្ធនាំចូលចំនួន ៥០ ភាគរយរបស់ឥណ្ឌូណេស៊ីលើការនាំចូលរថយន្តពីសហភាពអឺរ៉ុប នឹងត្រូវលុបបំបាត់ចោលក្នុងរយៈពេល ៥

កាណាឌីយ៉ា អ៊ីមផេក ហ្វាន់ ចាប់ដៃគូជាមួយ Plug and Play APAC ដើម្បីតភ្ជាប់ក្រុមហ៊ុនធុរកិច្ចថ្មី របស់កម្ពុជា ទៅកាន់ឱកាសនានានៅលើឆាកអន្តរជាតិ

ព្រឹត្តិការណ៍, អត្ថបទពាណិជ្ជកម្ម

• 19/11/2026

ភ្នំពេញ ៖ កាណាឌីយ៉ា អ៊ីមផេក ហ្វាន់ (Canadia Impact Fund) បានចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រុមហ៊ុន Plug and Play APAC នៅក្នុងព្រឹត្តិការណ៍ហ្រ្វង់កូតិច (FrancoTech) 2026 ដែលបានរៀបចំឡើងនៅមជ្ឈមណ្ឌលតាំងពិព័រណ៍កោះពេជ្រ ក្នុងឱកាសនៃកិច្ចប្រជុំកំពូលហ្វ្រង់កូហ្វូនី