សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ប្រព័ន្ធបញ្ជរតែមួយជាតិ គឺជាប្រព័ន្ធមួយដែលអាចផ្លាស់ប្ដូរទិន្នន័យរវាងក្រសួង ស្ថាប័ន ដើម្បីសម្រួលដល់ការរត់ឯកសារឱ្យកាន់តែងាយស្រួល និងឆាប់រហ័ស។
ដោយឡែក នាព្រឹកថ្ងៃទី ៧ ខែឧសភា ឆ្នាំ២០នេះ ជាថ្ងៃដែលកម្ពុជាបានប្រារព្ធពិធីដាក់ឱ្យអនុវត្តជាផ្លូវការនូវប្រព័ន្ធបញ្ជរតែមួយជាតិ ក្រោមអធិបតីភាពរបស់សម្ដេចធិបតី ហ៊ុន ម៉ាណែត ដែលជានាយករដ្ឋមន្ត្រីកម្ពុជា។
ក្នុងឱកាសនោះ សម្ដេចធិបតីបានថ្លែងអំពីសារៈសំខាន់នៃការអនុវត្តប្រព័ន្ធបញ្ជរតែមួយ ដោយក្រសួងស្ថាប័នរបស់រដ្ឋអាចផ្លាស់ប្ដូរទិន្នន័យរវាងគ្នា ដែលឈានទៅដល់ការកែសម្រួលដល់ការធ្វើលិខិត និងឯកសារផ្សេងៗដូចជា អាជ្ញាបណ្ណ លិខិតអនុញ្ញាត វិញ្ញាបនបត្រ និងឯកសារតម្រូវនានាពាក់ព័ន្ធនឹងការនាំចេញនាំចូលទំនិញ ដែលកន្លងមកពាណិជ្ជករត្រូវរត់ការឆ្លងកាត់ក្រសួងស្ថាប័នផ្សេងគ្នាជាច្រើនលើកមកជាការស្នើសុំតែមួយរួមគ្នាតាមទម្រង់អេឡិចត្រូនិច។
ប្រព័ន្ធនេះ រួមជាមួយប្រព័ន្ធស្វ័យប្រវត្តកម្មគយ នឹងជួយសម្រួលដល់ការធ្វើពាណិជ្ជកម្មនៅកម្ពុជា ដោយផ្លាស់ប្ដូររបៀបរបបការងារពីការពឹងផ្អែកលើក្រដាស់ទៅជាការមិនប្រើក្រដាស់។ ក្នុងន័យនេះ ប្រព័ន្ធបញ្ជរតែមួយជាតិក្លាយជាតួអង្គដ៏សំខាន់មួយនៃប្រព័ន្ធអេកូឡូស៊ីឌីជីថលសម្រាប់ធុរកិច្ច ដែលធ្វើឱ្យកិច្ចសម្រួលពាណិជ្ជកម្មរបស់យើងកាន់តែមានប្រសិទ្ធភាព និងមានលទ្ធផលតភ្ជាប់ទៅ នឹងប្រព័ន្ធអេកូឡូស៊ីឌីជីថលសម្រាប់ធុរកិច្ចផ្សេងទៀតក្នុងតំបន់ និងលើសកលលោក។
ទាក់ទងនឹងការកែទម្រង់ប្រព័ន្ធរដ្ឋបាលនេះដែរ អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជាបានឱ្យដឹងថា នេះគឺជាការអនុវត្តដ៏ល្អមួយដើម្បីពង្រឹងសេវារដ្ឋបាលឱ្យកាន់តែមានប្រសិទ្ធភាព។ តាមរយៈការអនុវត្តបែបនេះ អ្នកឧកញ៉ារំពឹងថា នឹងមានការវិនិយោគកាន់តែច្រើន ជាពិសេសការវិនិយោគពីក្រៅប្រទេសតែម្ដង។
អ្នកឧកញ៉ាបានមានប្រសាសន៍យ៉ាងដូច្នេះថា ៖
«កន្លងមកធុរជនតែងតែជួបបញ្ហាលើការរត់ឯកសារពីមួយកន្លែងទៅមួយកន្លែង ដោយត្រូវចាយពេលវេលាច្រើន ជាពិសេសវិនិយោគិនបរទេសដែលច្រើនតែត្អូញត្អែចំពោះផលវិបាកនៃការរៀបចំទម្រង់បែបបទនានា។ ដូច្នេះបើសិនឯកសារគ្រប់យ៉ាងអាចធ្វើបាននៅកន្លែងតែមួយ គឺពិតជាជួយសម្រួលបានច្រើនមែនទែន។»
អ្នកឧកញ៉ាបន្តថា ប្រព័ន្ធបញ្ជរតែមួយជាតិនេះ មិនត្រឹមតែជួយសម្រួលទៅដល់វិស័យឯកជន និងវិនិយោគិនបរទេសប៉ុណ្ណោះទេ ប៉ុន្តែវាគឺជាសេវាសេធារណៈរបស់រាជរដ្ឋាភិបាល ដែលជួយសម្រួលទៅដល់ប្រជាពលរដ្ឋតែម្ដង៕
Account
Security
Favourite Content