សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ស្វាយរៀង៖ ស្រុករមាសហែក ខេត្តស្វាយរៀង នឹងមានតំបន់សេដ្ឋកិច្ចពិសេសជាលើកដំបូងនៅដើមឆ្នាំ២០២៧ លើផ្ទៃដី ៧៨ ហិកតា ស្ថិតនៅឃុំអណ្ដូងពោធិ៍ ភាគខាងត្បូងទីរួមស្រុកប្រមាណ ៤គីឡូម៉ែត្រ។
លោក ស៊ូ ម៉ុល អភិបាលស្រុករមាសហែក បានឱ្យដឹងថា បច្ចុប្បន្ន ក្រុមហ៊ុនពាក់ព័ន្ធកំពុងប្រមូលទិន្នន័យ និងសិក្សាលម្អិតលើទីតាំងគម្រោងផ្ទាល់។ ទោះជាយ៉ាងណា ព័ត៌មានអំពីប្រទេសដើមរបស់អ្នកវិនិយោគ និងទំហំទុនវិនិយោគ មិនទាន់អាចបញ្ចេញជាសាធារណៈនៅឡើយទេ។
លោករំពឹងថា តំបន់សេដ្ឋកិច្ចពិសេសថ្មីនេះនឹងជួយបង្កើតឱកាសការងារកាន់តែច្រើនសម្រាប់ប្រជាពលរដ្ឋក្នុងមូលដ្ឋាន ហើយអាចផ្តល់ឱកាសដល់អ្នកដែលធ្លាប់ធ្វើចំណាកស្រុកទៅក្រៅខេត្ត និងទៅក្រៅប្រទេសមួយចំនួន វិលមកធ្វើការនៅក្បែរផ្ទះវិញ។
ឯកឧត្តម ហ៊ាង សុទ្ធាយុត្តិ អគ្គលេខាធិការរង និងជាប្រធានក្រុមអ្នកនាំពាក្យនៃក្រុមប្រឹក្សាអភិវឌ្ឍន៍កម្ពុជា (CDC) បានបញ្ជាក់ថា ខេត្តស្វាយរៀងបច្ចុប្បន្នមានតំបន់សេដ្ឋកិច្ចពិសេសចំនួន ១៣ទីតាំង លើផ្ទៃដីជាង ២,៥០០ ហិកតា។
តំបន់ទាំងនេះមានរោងចក្រ និងសហគ្រាសជាង ៤០០ ដែលមានទុនវិនិយោគសរុបប្រមាណ ៥,០០០ លានដុល្លារ និងបានផ្តល់ការងារដល់កម្មករ-និយោជិតជាង ១២ម៉ឺននាក់។
តាមរបាយការណ៍របស់ CDC គិតត្រឹមដំណាច់ឆមាសទី១ ឆ្នាំ២០២៦ កម្ពុជាមានតំបន់សេដ្ឋកិច្ចពិសេសចំនួន ៦៥ តំបន់ ក្នុងនោះ ៣៩ តំបន់កំពុងមានសកម្មភាព និងបានទាក់ទាញគម្រោងវិនិយោគសរុបចំនួន ១,១២២ គម្រោង។
គម្រោងទាំងនេះមានទុនវិនិយោគសរុបប្រមាណ ១៤,៥៩ ពាន់លានដុល្លារអាម៉េរិក៕
Account
Security
Favourite Content