សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ហ្វីលីពីន បានក្លាយជាទីផ្សារអង្ករធំបំផុតរបស់កម្ពុជានៅក្នុងតំបន់អាស៊ាន ខណៈដែលទីក្រុងម៉ានីលកំពុងស្វែងរកប្រភពនាំចូលអង្ករបន្ថែមទៀត ដោយសារតម្រូវការក្នុងស្រុកកំពុងកើនឡើង នេះបើយោងតាមសេចក្ដីរាយការណ៍ពី VN Express។
យោងតាមក្រសួងកសិកម្មអាម៉េរិក (USDA) បានឱ្យដឹងថា កម្ពុជា បាននាំចេញអង្ករចំនួន ១២២ ១០២ តោនទៅកាន់ហ្វីលីពីន គិតចាប់ពីខែមករា ដល់ខែសីហា ក្នុងឆ្នាំនេះ ដែលជាការកើនឡើងយ៉ាងខ្លាំងពីចំនួន ៣ ៥០០ តោនពេញមួយឆ្នាំ២០២៥ កន្លងទៅ។ ហ្វីលីពីន គឺជាប្រទេសនាំចូលអង្ករធំជាងគេបំផុតនៅលើពិភពលោក ហើយការបង្កើនការនាំចូលអង្ករដោយផ្ទាល់ពីកម្ពុជាគឺជាផ្នែកមួយនៃកិច្ចខិតខំប្រឹងប្រែងក្នុងការធ្វើពិពិធកម្មប្រភពផ្គត់ផ្គង់របស់ខ្លួន។ កាលពីមុន វៀតណាម គឺជាទីផ្សារដ៏ធំបំផុតសម្រាប់ស្រូវកម្ពុជា ដោយពាណិជ្ជករវៀតណាមទិញស្រូវយកទៅកិន និងកែច្នៃនៅក្នុងស្រុកមុននឹងនាំចេញអង្ករទៅកាន់ទីផ្សារផ្សេងទៀត រាប់បញ្ចូលទាំងហ្វីលីពីនផងដែរ។ យ៉ាងណាមិញ ការនាំចេញស្រូវពីកម្ពុជាទៅកាន់វៀតណាម បានធ្លាក់ចុះ ១៣ ភាគរយក្នុងរយៈពេល ៤ ខែដំបូងនៃឆ្នាំនេះ ខណៈដែលហ្វីលីពីនបានបង្កើនការទិញអង្ករដោយផ្ទាល់ពីកម្ពុជា ដែលឆ្លុះបញ្ចាំងពីការផ្លាស់ប្តូរខ្សែច្រវាក់ផ្គត់ផ្គង់មួយនេះ។
សម្រាប់កម្ពុជា ការនាំចេញអង្ករច្រើនជាងស្រូវបានជួយឱ្យរោងម៉ាស៊ីនកិនស្រូវក្នុងស្រុកទទួលបានប្រាក់ចំណេញខ្ពស់ជាងមុន ដោយសារដំណើរការកែច្នៃទាំងអស់ ដូចជា ការកិន និងការវេចខ្ចប់ត្រូវធ្វើឡើងនៅក្នុងស្រុក។ សកម្មភាពទាំងនេះបានបង្កើតការងារជូនពលរដ្ឋក្នុងស្រុក និងបង្កើនចំណូលពន្ធជូនរដ្ឋ ដែលជួយដល់សេដ្ឋកិច្ចកម្ពុជា។ មិនត្រឹមតែប៉ុណ្ណោះ កន្ទក់ និងចុងអង្ករ ដែលសល់ពីការកិន អាចយកទៅលក់ឱ្យរោងចក្រផលិតចំណីសត្វក្នុងស្រុកបន្តថែមទៀតផង ដែលបង្កើតជាចំណូលមួយផ្នែកទៀតសម្រាប់ម្ចាស់រោងម៉ាស៊ីន។
USDA បានលើកឡើងថា ការបញ្ជាទិញយ៉ាងច្រើនពីហ្វីលីពីនក៏បានជួយកាត់បន្ថយថ្លៃដើម ក៏ដូចជាកាត់បន្ថយពេលវេលាដឹកជញ្ជូន។ ទន្ទឹមនឹងនេះ កម្ពុជា បានចុះកិច្ចសន្យាផ្គត់ផ្គង់អង្ករចំនួន ៨៧ ៣៤៤ តោនបន្ថែមទៀតទៅឱ្យហ្វីលីពីនក្នុងចន្លោះពីខែកញ្ញា ដល់ខែធ្នូ ។ ប្រសិនបើការបញ្ជាទិញទាំងអស់ត្រូវបានបំពេញ នោះការនាំចេញអង្ករសរុបរបស់កម្ពុជាទៅកាន់ទីផ្សារហ្វីលីពីនអាចនឹងកើនឡើងដល់ប្រមាណ ២០៩ ០០០ តោនក្នុងឆ្នាំ២០២៦៕
Account
Security
Favourite Content