សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
គ្រាប់ស្វាយចន្ទីត្រូវបានចាត់ទុកថាជាផលិតផលនាំចេញដ៏មានសក្តានុពលបំផុតមួយរបស់កម្ពុជាក្រៅពីផលិតផលផ្សេងទៀតដូចជាអង្ករស្រូវ អង្ករ ដំឡូងមី គ្រាប់ពោត ចេកស្រស់ គ្រាប់សណ្តែកបាយ ក្រូចត្លុង ស្វាយស្រស់ ដំណាប់ស្វាយ ដូងប្រេង ម្រេចនិងកសិផលផ្សេងៗទៀត។
គ្រាប់ស្វាយចន្ទីមានអត្ថប្រយោជន៍យ៉ាងច្រើនសម្រាប់សុខភាព ដូច្នេះក្រៅតែពីការនាំចេញហើយ ដោយឡែកសម្រាប់ការផ្គត់ផ្គង់ក្នុងស្រុកសម្រាប់ពលរដ្ឋរបស់យើងក៏ជារឿងចាំបាច់ដូចគ្នាដែរដើម្បីបង្កើនសុខមាលភាពផង និងដើម្បីគាំទ្រផលិតផលក្នុងស្រុកផង ក៏ដូចជាជំរុញកំណើនសេដ្ឋកិច្ចផងដែរ។
សម្រាប់សុខភាពមនុស្សទូទៅគ្រាប់ស្វាយចន្ទី គឺជាប្រភពនៃប្រូតេអ៊ីន និងសារធាតុរ៉ែសំខាន់ៗរួមមានទង់ដែង កាល់ស្យូម ម៉ាញ៉េស្យូម ជាតិដែក ផូស្វ័រ ប៉ូតាស្យូម និងស័ង្កសី ឯសូដ្យូមក៏មានបរិមាណទ្រទ្រង់មួយចំនួនផងដែរ។
អ្នកជំនាញរបស់អាមេរិកធ្លាប់បានបញ្ជាក់ហើយថា គ្រាប់ស្វាយចន្ទីក៏មានផ្ទុកនូវវីតាមីនC វីតាមីនB, thiamin, riboflavin, niacin, folate និងវីតាមីន E (alpha-tocopherol) និងវីតាមីន K (phylloquinone) ។ វាជាប្រភពនៃ Oleic acid និងផ្តល់នូវបរិមាណល្អនៃជាតិខ្លាញ់រលាយ ដែលមិនមានបរិមាណកូឡេស្តេរ៉ុលនៅពេលទទួលទានក្នុងកម្រិតមធ្យម។
ក្រៅតែពីអត្ថប្រយោជន៍យ៉ាងច្រើនសម្រាប់ពលរដ្ឋក្នុងស្រុកដោយផ្ទាល់ហើយនោះកសិករជាអ្នកដាំដុះស្វាយចន្ទីក៏នឹងអាចទទួលបានឳកាសយ៉ាងច្រើនសម្រាប់ការនាំចេញផងដែរនាពេលអនាគតពីព្រោះថាទីផ្សារសកលសម្រាប់គ្រាប់ស្វាយចន្ទីនេះមានទំហំធំធេងណាស់់ដោយគិតត្រឹមឆ្នាំ២០២២ប៉ុណ្ណោះទំហំទីផ្សារគ្រាប់ស្វាយចន្ទីមានទៅដល់៧ពាន់លានដុល្លារនេះបើយោងតាមការស្រាវជ្រាវដោយ The Straits Research។ លើសពីនេះទីផ្សារគ្រាប់ស្វាយចន្ទីនឹងបន្តមានកំណើនយ៉ាងខ្លាំងបន្ថែមទៀតក្នុងចន្លោះពីឆ្នាំ២០២៣នេះទៅដល់ឆ្នាំ២០៣១ក្នុងអត្រាកំណើតជាប្រចាំឆ្នាំឬ CAGR ប្រមាណជា ៤,៦ភាគរយឬប្រមាណជា១០,៥ពាន់លានដុល្លារក្នុងមួយឆ្នាំគិតត្រឹមឆ្នាំ២០៣១។
គួរឲ្យដឹងដែរថា កំណើនទីផ្សារសកលដ៏ខ្លាំងក្លានេះក៏កើតឡើងដោយសារការយល់ដឹងនៃពលរដ្ឋពិភពលោកចំពោះអត្ថប្រយោជន៍នៃការទទួលទានគ្រាប់ស្វាយចន្ទីហើយទីផ្សារដែលនឹងនាំចូលផលិតផលនេះធំជាងបំផុតនោះគឺនៅទ្វីបអាមេរិកខាងជើងខណៈដែលទីផ្សារដែលមានតំរូវការគ្រាប់ស្វាយចន្ទីលឿនបំផុតបំផុតនោះគឺទ្វីបអាស៊ីរបស់យើងទាំងមូល៕
Account
Security
Favourite Content