អ្នកជំនាញ ៖ ចៀសវាងការយល់ខុសចំពោះមន្ត្រីឥណទាន អតិថិជនគួរដោះស្រាយបញ្ហាដោយសន្តិវិធី

មន្ត្រីឥណទាន ឬ CO មួយចំនួនត្រូវបានអតិថិជនភាគច្រើនមើលឃើញមួយជ្រុងថា ជាតួនាទីដែលមិនល្អ និងជាអ្នកដែលបំពេញតួនាទីមិនត្រឹមត្រូវជាដើម។ ការយល់ឃើញរបស់អតិថិជនបែបនេះក៏ដោយសារតែរូបភាពមិនល្អមួយចំនួនតូចរបស់មន្ត្រីឥណទាន ត្រូវបានបង្ហោះចែកចាយតាមបណ្ដាញសង្គម។

រូបភាព និងវីដេអូនៃការឈ្លោះប្រកែកជាមួយអតិថិជន ការទាមទារយកប្រាក់សំណង និងការជេរប្រមាថពីអតិថិជនទៅលើមន្ត្រីឥណទានជាដើម ត្រូវបានគេប្រទះឃើញនៅលើបណ្ដាញសង្គម និងមានអ្នកចែករំលែកបន្តជាច្រើននាក់ផងដែរ។ ទង្វើទាំងនេះ វាបានប៉ះពាល់​ដល់កេរ្តិ៍ឈ្មោះ និងជំនឿទុកចិត្តទៅលើមន្ត្រីឥណទានជារួម។

ពាក់ព័ន្ធនឹងចំណុចនេះ លោក សុខ សុថា អគ្គនាយកប្រតិបត្តិនៃធនាគារអ៊ូរីបានគូសបញ្ជាក់ឱ្យដឹងថា មែនទែនទៅ តួនាទីរបស់មន្ត្រីឥណទានមានសារៈសំខាន់ណាស់ចំពោះវិស័យធនាគារ​ និងមីក្រូហិរញ្ញវត្ថុ។

លោកបន្តថា មន្ត្រីឥណទានជាតួនាទីដែលមិនអាចកាត់ផ្ដាច់ចេញពីវិស័យធនាគារឡើយ ព្រោះពួកគេជាអ្នកទៅរកអតិថិជនឱ្យប្រើប្រាស់កម្ចីធនាគារ។ ប៉ុន្តែរូបភាពរបស់មន្ត្រីមួយចំនួន ដែលបំពេញកិច្ចការងារមិនត្រឹមត្រូវ បែរជាត្រូវបានគេយកទៅវាយតម្លៃជារួម។

លោក សុខ សុថា បាន​បន្តមានប្រសាសន៍ថា៖

« ដើម្បីធានាដល់ការបំពេញការងារដោយប្រសិទ្ធភាព ​យើងតែងតែបណ្ដុះបណ្ដាលទៅដល់មន្ត្រីឥណទានយើងជាប្រចាំ​ ប៉ុន្តែវាក៏អាស្រ័យលើបុគ្គលម្នាក់ៗ​ក្នុងការគ្រប់គ្រងបញ្ហា»។

ត្រង់ចំណុចនេះ លោកបានពន្យល់ដោយសម្រាយថា មន្ត្រីឥណទានជាការងារមួយដែលស្មុគស្មាញ និងទាមទារឱ្យពួកគេមានស្មារតីក្នុងការដោះស្រាយបញ្ហាខ្ពស់។ ដូចជាពេលដែលមន្ត្រីឥណទានចុះ ទៅប្រមូលប្រាក់សងត្រឡប់ប្រចាំខែរបស់អតិថិជន ច្បាស់ណាស់ថា អតិថិជនខ្លះមិនមានប្រាក់គ្រប់គ្រាន់ក្នុងការសង ដូច្នេះតួនាទីរបស់ពួកគេគឺសម្របសម្រួល និងរកដំណោះស្រាយឱ្យអតិថិជន មិនមែនបង្កជាជម្លោះនោះទេ។

លោកបន្តថា៖

«សូមជៀសវាងបញ្ហាដែលចែកចាយទៅលើបណ្ដាញសង្គម ព្រោះពេលចែកចាយ យើងឃើញមានរឿងមិនល្អច្រើន ហើយថ្ងៃក្រោយគាត់អាចនឹងប៉ះពាល់ដល់ក្រេឌីតក្នុងការខ្ចីនៅថ្ងៃក្រោយដែរ ប៉ុន្តែក្នុងករណីថាមន្ត្រីយើងធ្វើការលើសពីតួនាទី ពលរដ្ឋ​អាចរាយការណ៍ទៅប្រធានសាខាដើម្បីដោះស្រាយទៅតាមច្បាប់»។

លោកបន្តឱ្យដឹងទៀតថា ករណីឈ្លោះប្រកែកជាមួយអតិថិជននេះមានមិនច្រើនទេ បើទោះជាបច្ចុប្បន្ននេះ ប្រជាពលរដ្ឋមានបញ្ហាក្នុងការសងត្រឡប់ក៏ដោយ។ ស្ថាប័នធនាគារ និងមីក្រូហិរញ្ញវត្ថុមានការយោគយល់ចំពោះវិបត្តសេដ្ឋកិច្ចដែលបានជះផលដល់សេដ្ឋកិច្ចពលរដ្ឋ ជារួម ដូច្នេះកន្លងមក តែងតែមានការពិភាក្សាគ្នាដើម្បីរកដំណោះស្រាយរួមមួយ។

យ៉ាងណាក៏ដោយ លោកនៅតែលើកទឹកចិត្តឱ្យមានការគោរពសិទ្ធិឯកជនភាពគ្នាទៅវិញទៅមក និងជ្រើសរើសយកការពិភាក្សាគ្នាក្នុងការដោះស្រាយបញ្ហា។ ម្យ៉ាងទៀត មន្ត្រីឥណទានខ្លួនឯងក៏ ត្រូវប្រកាន់ខ្ជាប់នូវសីលធម៌វិជ្ជាជីវៈ ចៀសវាងការធ្វើឱ្យប៉ះពាល់ដល់រូបភាពមន្ត្រីឥណទានជារួម៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល