សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បន្ទាយមានជ័យ៖ សម្តេចតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា នាព្រឹកថ្ងៃទី០៩ ខែមិថុនា ឆ្នាំ២០២៦ បានអញ្ជើញសំណេះសំណាល សួរសុខទុក្ខ និងចែកអំណោយជូនជនភៀសសឹក ៣ ៣១៨នាក់ នៅភូមិ/ឃុំ ស្លក្រាម ស្រុកស្វាយចេក ខេត្តបន្ទាយមានជ័យ ជាមួយនឹងការលើកទឹកចិត្តឱ្យឧស្សាហកម្មក្នុងស្រុកបង្កើនការផលិតឱ្យបានច្រើនដើម្បីផ្គត់ផ្គង់តម្រូវការជាក់ស្ដែង ខណៈដែលបច្ចុប្បន្ននេះ ជាឱកាសមាសសម្រាប់ការពង្រឹងលទ្ធភាពផលិតក្នុងស្រុក ហើយក៏ជាពេលវេលាដែលពង្រឹងសេដ្ឋកិច្ចជាតិផងដែរ។
សម្តេចតេជោបានមានប្រសាសន៍ថា ៖ ខុសពីការលើកឡើងរបស់គេ(សៀម)ដែលថា កម្ពុជាកំពុងខ្វះទំនិញ និងផលិតផលប្រើប្រាស់ ប៉ុន្តែផ្ទុយទៅវិញ កម្ពុជាមានលទ្ធភាពគ្រប់គ្រាន់ទាំងការផលិត និងការផ្គត់ផ្គង់តម្រូវការ ហើយប្រសិនបើកកម្ពុជាខ្វះខាតមែន ក៏ត្រូវនាំចូលពីខាងប្រទេសផ្សេងបានដូចជា ប្រទេសវៀតណាម ម៉ាឡេស៊ី សិង្ហបុរី ចិន ជាដើម ។
សម្ដេចបានបញ្ជាក់ថា ៖
«ខាងណោះគេថាយើងខ្វះទំនិញ ហើយយើងខ្វះទំនិញពីអង្កាល់? ត្រូវដឹងថា មួយឆ្នាំជាងហើយ ខ្មែរមានលទ្ធភាពគ្រប់គ្រាន់ក្នុងការគ្រប់គ្រងទំនិញខ្លួនឯង។ អ៊ីចឹងទេ តម្លៃ ១០ពាន់ដុល្លាររៀងរាល់ឆ្នាំ ត្រូវឱ្យខាងថៃទុកប្រើខ្លួនឯងចុះ ឯយើងជំនួសដោយទំនិញផលិតក្នុងស្រុក។ យើងត្រូវប្រើទំនិញផលិតក្នុងស្រុក ព្រោះយើងមានទឹកសុទ្ធ មានមី ជារបស់យើងអស់ហើយ ។ បើខ្វះទំនិញក្នុងស្រុកយើងអាចនាំទំនិញពីម៉ាឡេស៊ី វៀតណាម សិង្ហបុរី ចិន មកលក់ស្រុកខ្មែរទៅ តែសំខាន់គឺរុញទំនិញរបស់យើងទៅកាន់ទីផ្សារ»។
សម្ដេចតេជោក៏បានលើកឧទាហរណ៍ដែរថា កាលពីមុនពេលបិទព្រំដែនកម្ពុជា-ថៃ ក្រុមហ៊ុនសាប៊ូក្នុងស្រុកមួយឱកាសធ្វើពាណិជ្ជកម្មរបស់ខ្លួនបានត្រឹមតែប្រមាណ ៣០ ម៉ឺដុល្លារប៉ុណ្ណោះក្នុ១ខែ ប៉ុន្តែក្រោយពេលបិទព្រំដែន ពាណិជ្ជកម្មរបស់ក្រុមហ៊ុនសាប៊ូមួយនេះបានកើនតម្លៃរហូតដល់ជាង ៣លានដុល្លារ។
សម្តេចតេជោ ក៏បានយកឱកាសនេះបញ្ជាក់ជូនប្រជាពលរដ្ឋដែរថា សេដ្ឋកិច្ច សង្គមជាតិ នៅតែដំណើរការធម្មតា ការផលិតនៅតែធម្មតា ការនាំចេញនៅតែធម្មតា ដោយ៣ខែដើមឆ្នាំ២០២៦ កម្ពុជាបាននាំចេញស្មើនឹងតម្លៃប្រមាណ ១៨ពាន់លានដុល្លារ កើនឡើង២០%។
ជាមួយនឹងការជំរុញ និងលើកទឹកចិត្តឱ្យមានការបង្កើនការផលិត និងបន្តគាំទ្រផលិតផលជាតិ សម្តេចតេជោ ហ៊ុន សែន ក៏បានអំពាវនាវឱ្យអាជ្ញាធរនៅតំបន់ព្រំដែនជួយទិញកសិផល ដែលប្រជាជនផលិតដើម្បីផ្គត់ផ្គង់ជួយដល់កងទ័ពរាប់ម៉ឺននាក់នៅតាមព្រំដែន ក្នុងខេត្តព្រះវិហារ ឧត្តរមានជ័យ បន្ទាយមានជ័យ បាត់ដំបង ពោធិសាត់ ដែលរាល់ការទិញទំនិញ បន្លែ បង្ការ និងសត្វរបស់ប្រជាពលរដ្ឋចិញ្ចឹមទាំងនេះក៏ជាទីផ្សារមួយដ៏ល្អផងដែរ៕
Account
Security
Favourite Content