ទីផ្សារខេមបូឌាត្រេដជំរុញការលក់របស់សហគ្រាសធុនតូច និងមធ្យមកាន់តែទូលំទូលាយតាមរយៈផ្សារពាណិជ្ជកម្មបែបអេឡិចត្រូនិក

សហគ្រាសធុនតូច និងធម្យម (SMEs) នៅកម្ពុជាទទួលបានការរីកចម្រើន និងពង្រីកទីផ្សាររបស់ខ្លួនកាន់តែទូលំទូលាយថែមមួយកម្រិតទៀត ដោយមានការចូលរួមសហការជាមួយផ្សារពាណិជ្ជកម្មខេមបូឌាត្រេដ តាមរយៈការដាក់លក់មុខទំនិញ និងផលិតផលខ្មែរតាមប្រព័ន្ធអនឡាញឌីជីថល។

កន្លងមក មុនពេលផ្សារខេមបូឌាត្រេដមិនទាន់បានបង្កើតឡើង អាជីវកម្មខ្នាតតូច និងមធ្យមនៅក្នុងស្រុកខ្មែរមួយចំនួនធំច្រើនតែធ្វើអាជីវកម្មលក្ខណៈគ្រួសារឬតាមបែបប្រពៃណី និងមានគោលដៅអតិថិជនក្នុងស្រុកតែប៉ុណ្ណោះ ព្រោះថាការនាំចេញទំនិញនិងដឹកជញ្ជូនទៅក្រៅប្រទេស ត្រូវគោរពតាមច្រើនដំណាក់កាល ដែលមានភាពស្មុគស្មាញវាសម្រាប់ម្ចាស់អាជីវកម្មខ្នាតតូច និងមធ្យមក្នុងការចាប់ផ្តើមតែម្នាក់ឯង។

ប៉ុន្តែចាប់តាំងពីការបង្កើតខេមបូឌាត្រេដមក ដែលជាផ្សារពាណិជ្ជកម្មថ្នាក់ជាតិដំបូងគេបង្អស់ក្នុងប្រទេសកម្ពុជា ក៏ដូចជាស្ថិតក្រោមការគ្រប់គ្រងរបស់ក្រសួងពាណិជ្ជកម្មផ្ទាល់បានបើកឱកាសកាន់តែទូលំទូលាយជាងមុនដល់ អាជីវកម្មខ្នាតតូច និងមធ្យមក្នុងការអភិវឌ្ឍកម្រិតចំណេះដឹង ជំនាញក្នុងសម័យឌីជីថល និងបច្ចេកវិទ្យាលើប្រព័ន្ធអេឡិចត្រូនិកមួយចំនួន ដើម្បីពង្រឹងសមត្ថភាពក្នុងការត្រៀមខ្លួននាំំចេញ។

ជាពិសេស សហគ្រាសធុនតូច និងមធ្យមក្នុងស្រុកទទួលបានគោលដៅអតិថិជនក្រៅប្រទេសបន្ថែម ដែលជួយផ្សព្វផ្សាយម៉ាកយីហោទំនិញរបស់ខ្មែរកាន់តែល្បីល្បាញ ដោយសារពីសំណាក់ភាគី និងក្រុមការងាររបស់ខេមបូឌាត្រេដជួយសម្រួលដល់ការដឹកជញ្ជូនទូទាំងរាជធានីភ្នំពេញ ២៥ខេត្តក្រុង និងទៅបណ្តាប្រទេសក្រៅស្រុកផ្សេងៗ។

មិនត្រឹមតែអ្នកលក់ទេដែលអាចពង្រឹងវិសាលភាពទំនិញរបស់ខ្លួនបាន ប៉ុន្តែអតិថិជនក៏ទទួលបានបទពិសោធន៍ថ្មីៗក្នុងការទិញទំនិញពីខេមបូឌាត្រេដផងដែរ ដោយកញ្ញា ចិន្តា ដែលជាអតិថិជនម្នាក់ធ្លាប់បានទិញទំនិញជាប្រភេទសាច់ផាត់ពីអាជីវករម្នាក់ក្នុងផ្សារខេមបូឌាត្រេដ បានចែករំលែកថា ពីដំបូងកញ្ញាមិនចង់ទិញទេ ព្រោះគិតថាវាលំបាកក្នុងការទិញតាមវេបសាយ ហើយណាមួយខ្លាចថា ការដឹកជញ្ជូនមានរយៈពេលយូរទៀត។

កញ្ញាបន្តរៀបរាប់ថា ប៉ុន្តែកញ្ញាសម្រេចចិត្តសាកល្បងទិញកាលពីខែសីហាកន្លងទៅដោយសារមានការណែនាំពីសំណាក់មិត្តភក្តិដទៃទៀតដែល ធ្លាប់មានបទពិសោធន៍ពីមុនមក ទើបដឹងថាការទិញមិនសូវជាលំបាក និងស្មុគស្មាញទេ ហើយការដឹកជញ្ជូនប្រើរយៈពេលប្រហែលជិត ២ ថ្ងៃប៉ុណ្ណោះ។ 

ចំណែកឯអតិថិជនរបស់ខេមបូឌាត្រេដមួយផ្សេងទៀត លោក សីហរាជ បាននិយាយថា លោកតែងតែទិញសាប៊ូកក់សក់ សាប៊ូបោកខោអាវ និងអាហារកែច្នៃមួយចំនួននៅលើខេមបូឌាត្រេដ ពីព្រោះតម្លៃស្មើតម្លៃទីផ្សារទូទៅ ហើយពេលខ្លះមានការបញ្ចុះតម្លៃផ្សេងៗថែមទៀតផង។

លោក សីហរាជបន្តថា លោកនឹងបន្តទិញទំនិញនៅលើខេមបូឌាត្រេដ ព្រោះគេដឹកដល់ផ្ទះ ចំណេញពេលវេលា ហើយជាពិសេសរូបលោកចង់ចូលរួមគាំទ្រផលិតផលខ្មែរដោយការបញ្ជាទិញតាមរយៈប្រព័ន្ធអេឡិចត្រូនិកបែបនេះ ដោយចំណេញទាំងអ្នកលក់ខ្មែរគ្នាឯង និងអ្នកទិញទទួលបានផលិតផលខ្មែរសុទ្ធមានគុណភាព។ 

សម្រាប់ប្រជាជនក្នុងស្រុក ក៏ដូចជាក្រៅស្រុកដែលមានបំណងចង់បញ្ជាទិញផលិតផលខ្មែរនៅលើខេមបូឌាត្រេដ លោកអ្នកគ្រាន់តែចូលទៅតំណភ្ជាប់នេះ៖ www.cambodiatrade.comឬក៏ចូលទៅកាន់ Facebook Page របស់ខេមបូឌាត្រេដ៖ CambodiaTrade B2B Marketplace ដើម្បីទទួលបានព័ត៌មាន និងស្វែងរកទំនិញជាច្រើនប្រភេទតាមតម្រូវការ។ 


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...