សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ នាយករដ្ឋមន្ត្រីប្រទេស ប៊ុលហ្ការី លោក Rumen Radev បានបង្កើតឱ្យមានការជជែកដេញដោលគ្នាយ៉ាងក្តៅគគុកនៅក្នុងកិច្ចប្រជុំសភា បន្ទាប់ពីរូបលោកបាននិយាយថា បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី។
កាសែតប៊ុលហ្គារី Novinata បានចេញផ្សាយកាលពីថ្ងៃចុងសប្តាហ៍កន្លងទៅថា ក្រោយពីមានការលើកឡើងពីសំណាក់លោកប្រធានាធិបតីខាងលើនេះ សមាជិកសភាបក្សប្រឆាំង លោក Georg Georgiev បានចោទប្រកាន់លោកនាយករដ្ឋមន្ត្រីថា មានចិត្តស្ទាក់ស្ទើរ និងមិនព្រមបង្ហាញពីគោលជំហរជាអឺរ៉ុបឱ្យបានពេញលេញ។
សូមជម្រាបថា ការប៉ះទង្គិចពាក្យសម្ដីគ្នាខាងលើនេះគឺកើតឡើងក្រោយមានហេតុការណ៍ករណីដ្រូនមួយបានវាយប្រហារទៅលើទីតាំងព្រលានយន្តហោះក្នុងទីក្រុង Leipzig នៃប្រទេសអាល្លឺម៉ង់។ ហេតុការណ៍នេះត្រូវបានសមាជិកសភាមកពីគណបក្សប្រឆាំងចោទថាជាការរៀបចំផែនការរបស់រដ្ឋាភិបាលរុស្ស៊ី ខណៈដែលក្រសួងការបរទេសហ្គារី បានបង្ហាញពីការសោកស្តាយចំពោះការខាតបង់របស់អាល្លឺម៉ង់ និងជំរុញឱ្យមានការស៊ើបអង្កេត ប៉ុន្តែមិនបានដាក់ការចោទប្រកាន់ទៅលើរុស្ស៊ីនោះទេ ជាមួយហេតុផលថា រកភស្តុតាងដាក់បន្ទុកមិនឃើញតម្រុយនោះឡើយ។
លើសពីនេះ លោក នាយករដ្ឋមន្ត្រីប្រទេស ប៊ុលហ្ការី Radev បានចោទសួរទៅវិញពីការដែលប្រទេសអឺរ៉ុបអនុញ្ញាតឱ្យអ៊ុយក្រែនប្រើប្រាស់អាវុធរយៈចម្ងាយឆ្ងាយ និងព័ត៌មានស៊ើបការណ៍សម្ងាត់របស់លោកខាងលិចដើម្បីវាយប្រហារចូលជ្រៅក្នុងទឹកដីរុស្ស៊ីនោះវាត្រឹមត្រូវច្បាប់ឬទេ? ជាមួយគ្នានេះ លោកក៏បានព្រមានដែរថា វាជារឿងមិនឆ្លាតវៃនោះឡើយដែលរំពឹងថា រុស្ស៊ី នឹងនៅអង្គុយមើលស្ងៀមមិនតបនោះ ហើយកុំភ្លេចថា រុស្ស៊ី ជាប្រទេសដែលមានអាវុធនុយក្លេអ៊ែរធំបំផុត និងមានមីស៊ីលល្បឿនលឿនជាងសំឡេង (Hypersonic) ដែលគ្មាននរណាអាចទប់ទល់បានឡើយ។
លោក Radev បានបញ្ជាក់ដែរថា ភាពជាអ្នកដឹកនាំអឺរ៉ុបពិតប្រាកដ គឺការប្រើប្រាស់ហេតុផល និងខិតខំកាត់បន្ថយហានិភ័យ មិនមែនជាការចូលរួមប្រកួតប្រជែងដំឡើងកម្ដៅសង្គ្រាមនោះទេ។ លោកបានអំពាវនាវឱ្យគ្រប់ភាគីពាក់ព័ន្ធ ប្រញាប់ទៅអង្គុយនៅតុចរចាឱ្យបានឆាប់តាមដែលអាចធ្វើទៅបាន មុនពេលសង្គ្រាមនេះរីករាលដាលកាន់តែធំ៕
Account
Security
Favourite Content