សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នាពេលកន្លងមក សាធារណៈជនតែងតែដឹង និងឮនាទីរបស់ធនាគារ និងគ្រឹះស្ថានមីក្រូហិរញ្ញវត្ថុ ដែលផ្តល់សេវាហិរញ្ញវត្ថុនានាដល់ប្រជាជន ប៉ុន្តែមិនទាន់ច្បាស់ពីតួនាទីរបស់អ្នកប្រើប្រាស់កម្ចីពីធនាគារ និងគ្រឹះស្ថានមីក្រូហិរញ្ញវត្ថុនោះទេ។ តើលោកអ្នកដឹងទេថា អី្វទៅជាទំនួលខុសត្រូវក្នុងការប្រើប្រាស់កម្ចីពីធនាគារ និងគ្រឹះស្ថានមីក្រូហិរញ្ញវត្ថុរបស់អតិថិជន ? ដូច្នេះ ថ្ងៃនេះ AMS សូមលើកឡើងពីការប្រើប្រាស់កម្ចីប្រកបដោយជំនួលខុសត្រូវ ជាមួយសិទ្ធិ និងកាតព្វកិច្ចរបស់អ្នកប្រើប្រាស់កម្ចី ជូនសាធារណៈជនឱ្យបានជ្រាប។
ដើម្បីប្រើប្រាស់កម្ចីប្រកបដោយជំនួលខុសត្រូវ អតិថិជនត្រូវផ្តល់ព័ត៌មានពិតប្រាកដជូនគ្រឹះស្ថានហិរញ្ញវត្ថុ ឬភ្នាក់ងារឥណទាន ដែលខ្លួនមានបំណងប្រើប្រាស់កម្ចី។ ឧទាហរណ៍ ៖ លោក ក ស្នើសុំកម្ចីពីធនាគារ ឬគ្រឹះស្ថានមីក្រូហិរញ្ញវត្ថុមួយ ដើម្បីទិញម៉ូតូសម្រាប់ជាមធ្យោបាយធ្វើដំណើរទៅបំពេញការងារ ដែលបង្កើតជាប្រាក់ចំណូលត្រឡប់វិញ ដូច្នេះ លោក ក ត្រូវប្រាប់ព័ត៌មានផ្ទាល់ខ្លួន ដូចជាទីលំនៅជាក់ស្តែង ស្ថានភាពការងារ ប្រាក់ចំណូល និងស្ថានភាពគ្រួសារជាដើម ជាមួយនឹងបំណងរបស់ខ្លួនបានឱ្យជាក់លាក់ទៅកាន់គ្រឹះស្ថានដែលខ្លួនដាក់ស្នើសុំ។
បន្ទាប់ពីទទួលបានព័ត៌មានពី លោក ក រួច នោះគ្រឹស្ថាននឹងចាប់ផ្តើមសិក្សាលក្ខខណ្ឌរបស់លោក ក មុននឹងផ្តល់កម្ចីជូនលោក ក ហើយបន្ទាប់ពីទទួលបានប្រាក់កម្ចីពីគ្រឹះស្ថាន ដែលលោក ក បានស្នើសុំ លោក ក ត្រូវមានកាតព្វកិច្ច និងទំនួលខុសសត្រូវក្នុងការសងត្រឡប់ទៅគឹ្រះស្ថាននោះវិញ។ មួយវិញទៀត លោក ក ពិតជាប្រើប្រាស់កម្ចីទៅទិញម៉ូតូ ដើម្បីធ្វើជាមធ្យោបាយធ្វើដំណើរទៅបំពេញការងារ បង្កើតប្រាក់ចំណូលសម្រាប់គ្រួសារ និងមានលទ្ធភាពសងត្រឡប់ពិតប្រាកដមែន នោះមានន័យថា លោក ក កំពុងប្រើប្រាស់កម្ចីប្រើប្រាស់កម្ចីប្រកបដោយទំនួលខុសត្រូវ។
ផ្ទុយទៅវិញ ប្រសិនបើ លោក ក ប្រើប្រាស់កម្ចីទិញម៉ូតូនោះ ខុសគោលដៅ ហើយបែរយកលុយនោះលេងល្បែងស៊ីសង នោះមានន័យថា លោក ក កំពុងប្រើប្រាស់កម្ចីប្រកបដោយការខ្វះទំនួលខុសត្រូវ ដែលអាចឈានជាប់ទន្ទាក់បំណុលលើសលុប ដោយសារតែលោក ក មិនបានប្រើប្រាស់កម្ចីប្រកបដោយទំនួលខុសត្រូវ និងមិនមានគោលច្បាស់លាស់។
ទន្ទឹមនេះ អតិថិជនត្រូវមានគោលដៅច្បាស់លាស់ក្នុងការប្រើប្រាស់ឥណទាន ហើយត្រូវនឹងគោលបំណង ដែលខ្លួនដាក់ស្នើសុំ។ ឧទាហរណ៍ ស្នើសុំកម្ចីក្នុងគោលបំណងពង្រីកអាជីវកម្ម។ ពិសេសនេះទៅទៀតនោះ អតិថិជនយល់អំពីលក្ខខណ្ឌ័ និងខចែងក្នុងកិច្ចសន្យា និងគោរពទៅតាមលក្ខខណ្ឌ័ទាំងនោះ។
ទន្ទឹមការប្រើប្រាស់កម្ចីប្រកបដោយជំនួលខុសត្រូវទៀតសោត អតិថិជនក៏ត្រូវយល់ដឹងពីសិទ្ធិ និងកាតព្វកិច្ចរបស់ខ្លួនជាមុនសិន មុននឹងអតិថិជនប្រើប្រាស់ប្រាក់កម្ចីពីគ្រឹះស្ថានមីក្រូហិរញ្ញវត្ថុ ឬធនាគារ។ ត្រូវយល់ដឹងពីសិទ្ធិ និងកាតព្វកិច្ច ពីព្រោះថាអតិថិជនម្នាក់ៗត្រូវតែពិនិត្យមើលកិច្ចសន្យារបស់ខ្លួនជាមួយគ្រឹះស្ថានហិរញ្ញាវត្ថុឱ្យបានច្បាស់លាស់ថា តើកិច្ចសន្យានោះត្រឹមត្រូវឬទេ?
បើអតិថិជនពិនិត្យឃើញថា កិច្ចសន្យានោះធ្វើឱ្យប៉ះពាល់ផលប្រយោជន៍ខ្លួន នោះត្រូវសុំឱ្យអ្នកផ្តល់ប្រាក់កម្ចីពិនិត្យកិច្ចសន្យា ឬកែតម្រូវកិច្ចសន្យានោះម្តងទៀត ជៀសវាងទទួលប្រាក់កម្ចីហើយបានតវ៉ា។
ម្យ៉ាងវិញទៀត ប្រសិនបើនៅក្នុងកិច្ចសន្យានោះអតិថិជននៅមានចម្ងល់ផ្សេងៗ អតិថិជនមានសិទ្ធិ ដើម្បីឱ្យស្ថាប័នផ្តល់ប្រាក់កម្ចីពន្យល់ឱ្យបានច្បាស់នៅចំណុចសំខាន់ៗដែលខ្លួនមិនយល់។ ទន្ទឹមនឹងសិទ្ធិនេះដែរ អតិថិជនក៏ត្រូវដឹងផងដែរពីកាតព្វកិច្ចរបស់ខ្លួនថា តើក្រោយទទួលប្រាក់កម្ចី ហើយនោះតើកាតព្វកិច្ចរបស់ខ្លួនមានអ្វីខ្លះ ហើយត្រូវគោរពតាមលក្ខណ្ឌនៃកិច្ចសន្យាយ៉ាងណាខ្លះ? ដូច្នេះសិទ្ធិ និងកាតព្វកិច្ចរបស់អ្នកប្រើប្រាស់កម្ចីជារឿងសំខាន់ដែលអតិថិជនគ្រប់រូបមិនអាចមើលរំលងបានទេ។
ដើម្បីទទួលបានប្រាក់កម្ចីពីគ្រឹះស្ថានមីក្រូហិរញ្ញាវត្ថុ ឬធនាគារ និងប្រើប្រាស់កម្ចីបានជោគជ័យ អតិថិជនត្រូវសិក្សាពីលក្ខខណ្ឌសំខាន់ៗរបស់ខ្លួនមួយចំនួនដូចជា ៖ អតិថិជនត្រូវពិនិត្យលើលទ្ធភាពសងត្រឡប់របស់ខ្លួន ទៅកាន់ស្ថាប័នដែលប្រើប្រាស់កម្ចី មានប្រភពចំណូលច្បាស់លាស់ មានទីតំាងអចិន្រ្តៃយ៍ និងមានគោលបំណងនិងផែនការអាជីវកម្ម ដើម្បីបង្ហាញអំពីតម្រូវការពិតប្រាកដរបស់ខ្លួថា តើប្រើប្រាស់ក្នុងគោលបំណងអ្វីឱ្យបានច្បាស់លាស់?
ជារួម មុននឹងសម្រេចជ្រើសរើសកម្ចីពីស្ថាប័នណាមួយ អ្នកប្រើប្រាស់កម្ចីត្រូវតែដឹងថា ខ្លួនមានទំនួលខុសត្រូវ សិទ្ធិ និងកាតព្វកិច្ចក្នុងការប្រើប្រាស់កម្ចី៕
Account
Security
Favourite Content