របរដាំត្របែកគីឡូ ងាយស្រួលដាំ បានផលពេញមួយឆ្នាំ និងមានទីផ្សារល្អ

កណ្ដាល ​៖ ត្របែក ជាដំណាំហូបផ្លែមួយប្រភេទដែលជាទូទៅមនុស្សភាគច្រើននិយមទទួលទាន មិនថាជាប្រភេទស្រស់ ឬជ្រក់នោះទេ ដែលអាស្រ័យតាមចំណង់ចំណូលចិត្តរបស់ម្នាក់ៗ ដោយក្នុងនោះ ពូជត្របែកគីឡូ ជាប្រភេទត្របែកដែលងាយស្រួលដាំ ងាយទទួលបានផលច្រើន និងមានទីផ្សារខ្ពស់។

អ្នកស្រី គាង លក្ខិណា ជាម្ចាស់ចំការត្របែកគីឡូមួយកន្លែងស្ថិតនៅស្រុកស្អាង ខេត្តកណ្ដាល បានមានប្រសាសន៍ថា ៖

«ខ្ញុំដាំត្របែកប្រភេទនេះជាង ១០ឆ្នាំមកហើយដោយសារយើងមានជំនាញជាមួយនឹងពូជនេះស្រាប់ វាងាយស្រួលថែ ធន់នឹងអាកាសធាតុ ទោះបីថ្ងៃក្ដៅខ្លាំង ការផ្គត់ផ្គង់ទឹកមិនគ្រប់គ្រាន់ក៏មិនអីដែរ ណាមួយវាមានសំបកក្រាស់សត្វល្អិតក៏មិនងាយបំផ្លាញបានដែរ ជាពិសេសវាមានទីផ្សារល្អ ហើយសម្រាប់អ្នកយកទៅលក់បន្ត ទុកបាន៣ថ្ងៃក៏សាច់របស់ត្របែកនៅរឹងល្អ»។

អ្នកស្រីបន្តថា ៖

«បច្ចុប្បន្ន ចំការយើងមានត្របែកជាង ២០០០ដើម ដែលខែពេញប្រមូលផលយើងអាចបេះបានពី ៧០០-៨០០គីឡូក្រាមក្នុងមួយថ្ងៃ ហើយមានទីផ្សារមិនខ្វះនោះទេ ដោយមានឈ្មួញចាំយកទៅលក់បន្ត តែតម្លៃអាចឡើងចុះបន្តិច ហើយខែដែលស្រួលលក់គឺចាប់ពីខែសីហា។  សម្រាប់ការដាំ យើងអាចដាំដោយប្រើការផ្សាំមែក ឬបណ្ដុះកូន​ ហើយយើងរើសយកវិធបណ្ដុះកូន ដោយសារមានអាយុវែងជាង ដំណាំល្អជាងដោយសារវាមានឫសកែវ ធន់នឹងបញ្ហាលិចទឹកជាងការដាំដោយផ្សាំមែក ដែលបងប្អូនដែលមានដីទាបលិចទឹកក៏អាចដាំបានព្រោះដំណាំត្របែកនេះធន់ ទឹកលិចល្មមៗក៏អាចរស់បាន»។​

អ្នកស្រីបានបន្តឱ្យដឹងថា សម្រាប់ការថែទាំគឺងាយស្រួលជាងដំណាំដទៃទៀត ដោយការដាំត្របែកគេត្រូវការដាក់ទឹក ដាក់ជី កាត់ត្រួយ សម្អាតស្មៅ កាត់មែកក្រោមៗចេញ និងខ្ចប់ផ្លែកុំឱ្យសត្វល្អិតបំផ្លាញ ហើយការដាក់ជីក៏រឹតតែសំខាន់ ដោយសារត្របែកមានរសជាតិផ្អែមឆ្ងាញ់នៅពេលប្រើជីធម្មជាតិ តែបើប្រើជីគីមីត្របែកអាចនឹងមានរសជាតិសាប អត់ឆ្ងាញ់។ នេះជាអ្វីដែលអ្នកស្រី លក្ខិណា បានលើកឡើង។

ជាងនេះទៅទៀត ម្ចាស់ចំការត្របែករូបនេះបន្ថែមថា ក្រៅពីត្របែក កសិករក៏អាចដាំដំណាំវិលជុំផ្សេងទៀតបានដែរ ដូចជាដំណាំពោត ដោយសារកុំឱ្យខាតការថែទាំ និងដាក់ជី ពោលគឺកុំឱ្យខាតការចំណាយដោយចាយតែម្ដង អាចបានផលដល់ទៅពីរមុខដំណាំ។

យ៉ាងណាមិញ ការដាំត្របែកក៏អាចជួបប្រទះនូវបញ្ហាមួយចំនួនដូចជា បញ្ហារលាកផ្លែ និងសត្វក្រា ដែលអាចប៉ះពាល់ដល់ផ្លែត្របែក ហេតុនេះដើម្បីបង្ការការរលាកផ្លែ គេត្រូវបេះផ្លែណាដែលមានបញ្ហាចោលចៀសវាងឆ្លងដល់ផ្លែដទៃ ហើយធ្វើការសម្អាតដើមត្របែកដោយប្រើសាជូរខៀវ លាយជាមួយជី PN ឯបញ្ហាក្រា កសិករអាចប្រើសាប៊ូលាងចាន ម្សៅសាប៊ូ ប្រេងឆា ថ្នាំជក់ លាយជាមួយទឹកដើម្បីបាញ់ដើមឱ្យសព្វពីលើដល់គល់។

ចុងក្រោយ អ្នកស្រី គាង លក្ខិណា ក៏សូមលើកទឹកចិត្តដល់អ្នកដែលចាប់អារម្មណ៍នឹងការដាំដំណាំ ឬមានដីទំនេរជុំវិញផ្ទះគឺអាចសាកល្បងដំាត្របែកគីឡូនេះបាន ហើយមិនថាតែត្របែកនោះទេ ពោលគឺឱ្យតែមានដីទំនេរគួរតែដាំដំណាំហូបផ្លែ បានច្រើនមុខ ដែលអាចបេះលក់បាន និងកាត់បន្ថយការចំណាំយប្រចាំថ្ងៃបានច្រើនថែមទៀតផង៕   


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ