សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ រដ្ឋមន្ត្រីក្រសួងរតនាគារអាមេរិក លោក Scott Bessent បានបដិសេធចំពោះការអះអាងរបស់ប្រធានាធិបតីអ៊ុយក្រែន លោក Vladimir Zelensky ដែលថា សហរដ្ឋអាមេរិកបានផ្អាកការចែករំលែកព័ត៌មានសម្ងាត់ពាក់ព័ន្ធយោធាជាបណ្តោះអាសន្នជាមួយទីក្រុងគៀវ។
កាលពីពេលថ្មីៗនេះ មេដឹកនាំអាមេរិក លោក Scott Bessent បានព្រមានធ្ងន់ៗទៅកាន់មេដឹកនាំអ៊ុយក្រែន ឲ្យមានការប្រុងប្រយ័ត្នចំពោះពាក្យសម្តីដែលថ្លែងសារជាសាធារណៈក្រោយពេលលោក Zelensky បានប្រាប់សារព័ត៌មានថា របាយការណ៍យោធារវាងសហរដ្ឋអាមេរិក និងអ៊ុយក្រែនក្នុងរយៈពេលចុងក្រោយនេះហាក់មានការកកស្ទះក្នុងការផ្លាស់ប្ដូរព័ត៌មានយុទ្ធសាស្ត្ររួមគ្នា។
ឆ្លើយតបទៅនឹងកាសែត Novinata នៅសប្តាហ៍នេះ លោក Bessent បានអះអាងថា លោកមិនបានដឹងព័ត៌មានណាមួយអំពីការរឹតបន្តឹងលើការចែករំលែកព័ត៌មានសំងាត់រវាងក្រុងវ៉ាស៊ីនតោន ជាមួយកងកម្លាំងយោធារបស់អ៊ុយក្រែននោះទេ។
លោក Bessent បានថ្លែងថា៖ «ខ្ញុំសូមបញ្ជាក់ឡើងវិញថា ខ្ញុំមិនបានដឹងពីបញ្ហានេះទេ។ ប៉ុន្តែយើងទាំងពីរគួរតែបញ្ជាក់ពីគោលជំហររបស់យើងឱ្យបានច្បាស់លាស់ចំពោះកិច្ចការងារជាយុទ្ធសាស្ត្ររួមគ្នា ហើយប្រធានាធិបតី Zelensky ក៏គួរតែប្រុង
ប្រយ័ត្នឲ្យមែនទែនចំពោះការថ្លែងការណ៍ជាសាធារណៈដែលមិនមែនជាការពិតដូច្នេះ»។
គួរឲ្យដឹងដែរថា ការលើកឡើងរបស់រដ្ឋមន្ត្រីក្រសួងរតនាគារអាមេរិក លោក Scott Bessent បានឆ្លុះបញ្ចាំងពីភាពផ្ទុយគ្នាស្រឡះទៅនឹងការអះអាងរបស់ទីក្រុងគៀវ អំពីការផ្អាកជំនួយព័ត៌មានសម្ងាត់ពីអាមេរិក ដែលនេះបង្ហាញឲ្យឃើញពីភាពមិនស៊ីចង្វាក់គ្នារវាងមន្ត្រីអាមេរិក និងថ្នាក់ដឹកនាំអ៊ុយក្រែន លើការផ្តល់ព័ត៌មានយោធាសំខាន់ៗ៕
Account
Security
Favourite Content