សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNBC បានលើកឡើងថា តម្លៃប្រេងឆៅបានកើនឡើងជាង ១ ភាគរយបន្ទាប់ពីធនាគារកណ្តាលអាមេរិកបានកាត់បន្ថយអត្រាការប្រាក់ជាលើកដំបូងក្នុងរយៈពេលជាង ៤ ឆ្នាំចុងក្រោយ គួបផ្សំជាមួយនឹងការកើនឡើងនៃភាពតានតឹងនៅមជ្ឈិមបូព៌ា។
ជាការកត់សម្គាល់ តម្លៃប្រេងឆៅម៉ាក Brent បានឡើងថ្លៃ ១,៦៧ ភាគរយ ឬ ៧៤,៨៨ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) បានឡើងថ្លៃ ១,៤៧ ភាគរយ ឬ ៧១,៩៥ ដុល្លារក្នុងមួយបារ៉ែល។
កាលពីថ្ងៃពុធសប្ដាហ៍នេះ ធនាគារកណ្តាលអាម៉េរិកបានធ្វើឱ្យទីផ្សារភ្ញាក់ផ្អើលជាមួយនឹងការកាត់បន្ថយអត្រាការប្រាក់ក្នុងអត្រា ៤,៧៥ ភាគរយទៅ ៥ ភាគរយ។ ការកាត់បន្ថយអត្រាការប្រាក់ជាធម្មតាជំរុញសកម្មភាពសេដ្ឋកិច្ច និងតម្រូវការថាមពល។ បន្ថែមពីនេះ តម្លៃបានឡើងថ្លៃ បន្ទាប់ពីស្តុកប្រេងរបស់សហរដ្ឋអាមេរិកបានធ្លាក់ចុះចំនួន ១,៦ លានបារ៉ែលកាលពីសប្តាហ៍មុន។ លើសពីនេះ តម្រូវការទន់ខ្សោយពីចិនដែលកំពុងមានសេដ្ឋកិច្ចធ្លាក់ចុះក៏មានឥទ្ធិពលលើតម្លៃប្រេងផងដែរ ដោយទិន្នផលរោងចក្រចម្រាញ់ប្រេងនៅក្នុងប្រទេសចិនបានធ្លាក់ចុះក្នុងរយៈពេលប្រាំខែមកហើយ គិតត្រឹមខែសីហា។ កំណើនទិន្នផលឧស្សាហកម្មរបស់ចិនក៏បានធ្លាក់ចុះដល់កម្រិតទាបផងដែរ គួបផ្សំជាមួយនឹងការធ្លាក់ចុះនៃការលក់រាយ និងតម្លៃអចលនទ្រព្យ។
មិនត្រឹមតែប៉ុណ្ណោះ ការកើនឡើងនៃភាពតានតឹងរវាងអ៊ីស្រាអែល និងក្រុមលីបង់ហេសបូឡាស ដែលគាំទ្រដោយអ៊ីរ៉ង់ក៏ជាមូលហេតុជំរុញតម្លៃប្រេងឡើងថ្លៃផងដែរ។ កាលពីថ្ងៃព្រហស្បតិ៍កន្លងទៅនេះ យន្តហោះចម្បាំង និងកាំភ្លើងធំរបស់អ៊ីស្រាអែលបានធ្វើការវាយប្រហារលើក្រុមហេសបូឡាសនៅភាគខាងត្បូងប្រទេសលីបង់។ ការវាយប្រហារកូដកម្មនេះកើតឡើងបន្ទាប់ពីមានករណីផ្ទុះម៉ាស៊ីនផ្ញើរសារ pagers និង walkie-talkies ដែលប្រើដោយក្រុមលីបង់ហេសបូឡាស ដោយបានសម្លាប់មនុស្ស និងបង្កការរងរបួសដល់មនុស្សរាប់ពាន់នៅទូទាំងប្រទេសលីបង់។ គេកំពុងសង្ស៏យថា អ៊ីស្រាអែលជាអ្នកនៅពីក្រោយការវាយប្រហារនេះ ប៉ុន្តែអ៊ីស្រាអែលមិនបានទទួលខុសត្រូវចំពោះករណីនេះទេ។
អ្នកវិភាគទីផ្សារប្រេងបានព្រមានអស់ជាច្រើនខែមកហើយថា សង្គ្រាមរវាងអ៊ីស្រាអែល និងក្រុមហេសបូឡាដែលបន្តរហូតមកដល់ពេលនេះអាចនឹងបង្ខំសមាជិកក្រុមប្រទេសនាំចេញប្រេង OPEC ធ្វើអន្តរាគមន៍ដោយផ្ទាល់ ហើយវានឹងបង្កើនហានិភ័យដល់ការផ្គត់ផ្គង់ប្រេងឆៅនៅមជ្ឈិមបូព៌ា៕
Account
Security
Favourite Content