អាស៊ានបញ្ចប់កិច្ចប្រជុំកំពូលលើកទី៤៩ ជាមួយលទ្ធផលសំខាន់ៗជាង ១០០ និងកិច្ចព្រមព្រៀងសេដ្ឋកិច្ចឌីជីថល

បរទេស៖ កិច្ចប្រជុំកំពូលអាស៊ានលើកទី៤៩ និងកិច្ចប្រជុំកំពូលពាក់ព័ន្ធនានា បានបញ្ចប់នៅល្ងាចថ្ងៃទី១៧ ខែវិច្ឆិកា ឆ្នាំ២០២៦ នៅទីក្រុងម៉ានីល ប្រទេសហ្វីលីពីន ដោយសម្រេចបានឯកសារលទ្ធផលជាង ១០០ ស្តីពីកិច្ចសហប្រតិបត្តិការសេដ្ឋកិច្ច ពាណិជ្ជកម្ម ឌីជីថល និងសន្តិសុខតំបន់ ព្រមទាំងបានបញ្ចប់អាណត្តិប្រធានអាស៊ានរបស់ហ្វីលីពីន និងផ្ទេរតំណែងជាផ្លូវការទៅឱ្យសិង្ហបុរីសម្រាប់ឆ្នាំ២០២៧។ នេះបើយោងតាមវេទិកាផ្លូវការរបស់អាស៊ាន។

កិច្ចប្រជុំរយៈពេល ៣ ថ្ងៃនេះ បានផ្តោតលើការពង្រឹងកិច្ចសហប្រតិបត្តិការក្នុងតំបន់ និងជាមួយដៃគូសន្ទនាអន្តរជាតិ តាមរយៈកិច្ចព្រមព្រៀង និងក្របខ័ណ្ឌថ្មីៗជាច្រើន។ ក្នុងក្របខ័ណ្ឌកិច្ចប្រជុំកំពូលអាស៊ានលើកទី៤៩ មេដឹកនាំអាស៊ានបានចុះហត្ថលេខាលើកិច្ចព្រមព្រៀងក្របខ័ណ្ឌសេដ្ឋកិច្ចឌីជីថលអាស៊ាន (DEFA) ដែលជាសន្ធិសញ្ញាសេដ្ឋកិច្ចឌីជីថលថ្នាក់តំបន់ដំបូងគេបង្អស់ក្នុងពិភពលោក។ កិច្ចព្រមព្រៀងនេះកំណត់វិធានការរួមសម្រាប់ពាណិជ្ជកម្មអេឡិចត្រូនិកឆ្លងដែន ការទូទាត់ឌីជីថល និងលំហូរទិន្នន័យ ដោយមានគោលដៅជំរុញទំហំសេដ្ឋកិច្ចឌីជីថលក្នុងតំបន់ឱ្យឈានដល់ ២ ទ្រីលានដុល្លារនៅឆ្នាំ២០៣០។

ជាមួយគ្នានេះ អាស៊ានបានសម្ពោធទង់ជាតិ និងនិមិត្តសញ្ញាអាស៊ានថ្មី ដើម្បីឆ្លុះបញ្ចាំងពីការចូលជាសមាជិកទី១១ របស់ទីម័រខាងកើត។ ប្រទេសនេះក៏ត្រូវបានកំណត់ឱ្យឡើងកាន់តំណែងជាប្រធានអាស៊ានប្តូរវេននៅឆ្នាំ២០២៩ ផងដែរ។

ចំពោះវិស័យអភិបាលកិច្ចដែនសមុទ្រ និងសន្តិសុខ សមាជិកអាស៊ានទាំងអស់បានអនុម័តលក្ខខណ្ឌប្រតិបត្តិសម្រាប់មជ្ឈមណ្ឌលដែនសមុទ្រអាស៊ានថ្មី ដើម្បីបម្រើជាមជ្ឈមណ្ឌលគោលនយោបាយក្នុងតំបន់។ ចំណែកការចរចាលើក្រមប្រតិបត្តិនៅសមុទ្រចិនខាងត្បូង (COC) បានឈានដល់កម្រិតជាង ៨០ ភាគរយ ដោយនៅសល់តែចំណុចរសើប និងពិបាកចរចាមួយចំនួនទៀត ដែលគ្រោងដោះស្រាយឱ្យបានបញ្ចប់នៅឆ្នាំ២០២៧។

សម្រាប់វិបត្តិនៅមីយ៉ាន់ម៉ា មេដឹកនាំអាស៊ានបានបន្តរក្សាជំហរមិនអនុញ្ញាតឱ្យថ្នាក់ដឹកនាំយោធាមីយ៉ាន់ម៉ាចូលរួមកិច្ចប្រជុំកំពូល ដរាបណាមិនទាន់មានវឌ្ឍនភាពជាក់ស្តែងក្នុងការអនុវត្តកិច្ចព្រមព្រៀងជាឯកច្ឆន្ទ ៥ ចំណុច។ ក្នុងន័យនេះ អាស៊ានអនុញ្ញាតឱ្យតំណាងមិនមែននយោបាយរបស់មីយ៉ាន់ម៉ាចូលរួមប៉ុណ្ណោះ ឬទុកកៅអីឱ្យនៅទំនេរ។

ក្រៅពីនេះ ឯកសារលទ្ធផលជាង ១០០ ផ្សេងទៀត ក៏បានគ្របដណ្តប់លើការជំរុញសហគ្រាសធុនមីក្រូ តូច និងមធ្យម (MSME) តាមរយៈការប្រើប្រាស់បញ្ញាសិប្បនិម្មិត (AI) ការចល័តធនធានមនុស្សផ្នែកឌីជីថលឆ្លងដែន កិច្ចសហប្រតិបត្តិការលើរ៉ែសំខាន់ៗ វិទ្យាសាស្ត្រអវកាស ការការពារកុមារពីការកេងប្រវ័ញ្ចតាមអ៊ីនធឺណិត និងគំនិតផ្តួចផ្តើមដាំដើមឈើមួយពាន់លានដើម។

នៅក្នុងកិច្ចប្រជុំកំពូលអាស៊ីបូព៌ាលើកទី២១ (EAS) ដែលមានការចូលរួមពីអាស៊ាន និងប្រទេសដៃគូ រួមមាន អូស្ត្រាលី ចិន ឥណ្ឌា ជប៉ុន នូវែលសេឡង់ រុស្ស៊ី កូរ៉េខាងត្បូង និងអាម៉េរិក ភាគីទាំងអស់បានអនុម័តសេចក្តីថ្លែងការណ៍ស្តីពី «ការរួមគ្នាត្រួសត្រាយអនាគត៖ ស្ថិរភាព និងការបង្កើតថ្មី» ដោយសង្កត់ធ្ងន់លើការដោះស្រាយជម្លោះដោយសន្តិវិធី និងការពង្រឹងភាពធន់នៃខ្សែច្រវាក់ផ្គត់ផ្គង់។

កិច្ចប្រជុំនេះក៏បានចេញសេចក្តីថ្លែងការណ៍រួមប្រឆាំងនឹងការឆបោកតាមអនឡាញ ដោយប្តេជ្ញាសម្របសម្រួលការអនុវត្តច្បាប់ និងចែករំលែកព័ត៌មានសម្ងាត់ ដើម្បីប្រយុទ្ធប្រឆាំងនឹងការឆបោកតាមអ៊ីនធឺណិតឆ្លងដែន ព្រមទាំងដាក់ចេញគំនិតផ្តួចផ្តើមថ្មីៗពាក់ព័ន្ធនឹងសុវត្ថិភាពអ្នកធ្វើការលើនាវា និងការប្រយុទ្ធប្រឆាំងឧក្រិដ្ឋកម្មតាមអ៊ីនធឺណិត។

ដោយឡែក កិច្ចប្រជុំកំពូលអាស៊ានបូកបីលើកទី២៩ ជាមួយចិន ជប៉ុន និងកូរ៉េខាងត្បូង បានអនុម័តសេចក្តីថ្លែងការណ៍រួមស្តីពីភស្តុភារកម្មដែនសមុទ្រ និងការការពារសន្តិសុខស្បៀងអាហារ និងថាមពលក្នុងតំបន់ពីវិបត្តិសកល ដូចជាជម្លោះនៅមជ្ឈិមបូព៌ាជាដើម។ ភាគីពាក់ព័ន្ធក៏បានពិភាក្សាអំពីការបង្កើតយន្តការស្តុកប្រេងបម្រុងបន្ទាន់រួមគ្នាក្នុងតំបន់ ដើម្បីជួយរក្សាស្ថិរភាពតម្លៃប្រេងនៅទូទាំងអាស៊ីបូព៌ា និងអាស៊ីអាគ្នេយ៍។

ចំពោះកិច្ចប្រជុំកំពូលពិសេសអាស៊ាន-អាម៉េរិក ភាគីទាំងពីរបានអនុម័តផែនការការងារគ្រប់ជ្រុងជ្រោយឆ្នាំ២០២៦-២០៣០ ដែលជាផែនទីបង្ហាញផ្លូវសម្រាប់កិច្ចសហប្រតិបត្តិការរយៈពេល ៥ ឆ្នាំ។ កិច្ចប្រជុំនេះក៏បានដាក់ចេញគោលការណ៍ភាពជាដៃគូរដ្ឋ និងឯកជនចំនួន ១០ ចំណុច ដើម្បីប្រយុទ្ធប្រឆាំងការឆបោកតាមអនឡាញ ព្រមទាំងជំរុញកិច្ចសហប្រតិបត្តិការលើរ៉ែកម្រសំខាន់ៗ ការអភិវឌ្ឍបញ្ញាសិប្បនិម្មិតកម្រិតខ្ពស់ និងការនាំចេញឧស្ម័នធម្មជាតិរាវ (LNG) របស់អាម៉េរិក។

ក្នុងឱកាសនោះ លោក ដូណាល់ ត្រាំ បានកោតសរសើរភាពជាអ្នកដឹកនាំរបស់លោក ម៉ាកូស ក្នុងនាមជាប្រធានអាស៊ានឆ្នាំ២០២៦ និងតួនាទីសកម្មរបស់នាយករដ្ឋមន្ត្រីម៉ាឡេស៊ី ក្នុងការសម្របសម្រួលកិច្ចព្រមព្រៀងសន្តិភាពរវាងកម្ពុជា និងថៃ។ លោក ត្រាំ បានបញ្ជាក់ថា អាម៉េរិកនឹងបន្តគាំទ្រការអនុវត្តកិច្ចព្រមព្រៀងនេះឱ្យបានពេញលេញ និងមានប្រសិទ្ធភាព ស្របតាមការឯកភាពគ្នាកាលពីឆ្នាំ២០២៥។ ក្រៅពីនេះ លោក ត្រាំ ក៏បានចុះហត្ថលេខាលើកិច្ចព្រមព្រៀងពាណិជ្ជកម្មថ្មីមួយជាមួយនាយករដ្ឋមន្ត្រីថៃ លោក អានុទីន ឆានវីរៈគុល ផងដែរ។

នៅក្នុងកិច្ចប្រជុំកំពូលអាស៊ាន-ឥណ្ឌាលើកទី២៣ មេដឹកនាំបានអនុម័តសេចក្តីថ្លែងការណ៍រួមស្តីពីកិច្ចសហប្រតិបត្តិការក្នុងការគ្រប់គ្រងគ្រោះមហន្តរាយ និងដាក់ឱ្យដំណើរការផែនការសហប្រតិបត្តិការដែនសមុទ្ររយៈពេលវែង។ ឥណ្ឌាក៏បានប្រកាសផ្តល់ទិដ្ឋាការអេឡិចត្រូនិក (e-visa) ដោយឥតគិតថ្លៃសម្រាប់ភ្ញៀវទេសចរមកពីប្រទេសអាស៊ានទាំងអស់ ព្រមទាំងផ្តល់ការបណ្តុះបណ្តាលរួមលើការធ្វើកោសល្យវិច័យតាមអ៊ីនធឺណិត ការផ្លាស់ប្តូរបច្ចេកទេសថាមពលនុយក្លេអ៊ែរ ការបង្កើតកម្មវិធីអវកាស និងការបន្តចរចាពិនិត្យឡើងវិញលើកិច្ចព្រមព្រៀងពាណិជ្ជកម្មទំនិញអាស៊ាន-ឥណ្ឌា (AITIGA)។

ជាមួយគ្នានេះ កិច្ចប្រជុំកំពូលអាស៊ាន-កាណាដា បានប្រកាសពីការបញ្ចប់ការចរចាលើកិច្ចព្រមព្រៀងពាណិជ្ជកម្មសេរីអាស៊ាន-កាណាដា (ACAFTA) ដែលជាកិច្ចព្រមព្រៀងពាណិជ្ជកម្មសេរីដំបូងរបស់អាស៊ានជាមួយដៃគូនៅអាម៉េរិកខាងជើង។ ចំណែកកិច្ចប្រជុំកំពូលអាស៊ាន-ចិន បានប្រកាសថា កិច្ចព្រមព្រៀងតំបន់ពាណិជ្ជកម្មសេរីចិន-អាស៊ានកម្រិត ៣.០ (CAFTA 3.0) នឹងចូលជាធរមាននៅថ្ងៃទី១ ខែធ្នូ ឆ្នាំ២០២៦ ដើម្បីពង្រឹងទំនាក់ទំនងសេដ្ឋកិច្ចឌីជីថល និងសេដ្ឋកិច្ចបៃតង ព្រមទាំងកិច្ចសហប្រតិបត្តិការលើអភិបាលកិច្ចគ្រោះមហន្តរាយ។

ដោយឡែក កិច្ចប្រជុំកំពូលអាស៊ាន-ជប៉ុនលើកទី២៩ បានដាក់ឱ្យដំណើរការគំនិតផ្តួចផ្តើម POWERR Asia ដើម្បីពង្រឹងភាពធន់ផ្នែកថាមពល និងរ៉ែសំខាន់ៗ ព្រមទាំងបង្កើតភាពជាដៃគូស្តីពីសុវត្ថិភាព និងសន្តិសុខបញ្ញាសិប្បនិម្មិតរវាងជប៉ុន និងអាស៊ាន។ ជប៉ុនក៏បានផ្តល់ជូនអាស៊ាននូវសិទ្ធិប្រើប្រាស់សមត្ថភាពស្តុកប្រេងឆៅដែលមិនទាន់ប្រើប្រាស់របស់ខ្លួនផងដែរ។

លទ្ធផលទាំងនេះបានបង្ហាញពីវិសាលភាពនៃកិច្ចសហប្រតិបត្តិការរបស់អាស៊ានជាមួយដៃគូសន្ទនានានា ដោយគ្របដណ្តប់លើវិស័យសេដ្ឋកិច្ច ពាណិជ្ជកម្ម បច្ចេកវិទ្យា សន្តិសុខ និងការតភ្ជាប់ក្នុងតំបន់ ខណៈដែលសិង្ហបុរីនឹងទទួលតំណែងជាប្រធានអាស៊ានប្តូរវេនសម្រាប់ឆ្នាំ២០២៧ បន្តពីហ្វីលីពីន៕




របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អាស៊ានបញ្ចប់កិច្ចប្រជុំកំពូលលើកទី៤៩ ជាមួយលទ្ធផលសំខាន់ៗជាង ១០០ និងកិច្ចព្រមព្រៀងសេដ្ឋកិច្ចឌីជីថល

ព្រឹត្តិការណ៍, សេដ្ឋកិច្ច

• 19/11/2026

កិច្ចប្រជុំកំពូលអាស៊ានលើកទី៤៩ និងកិច្ចប្រជុំកំពូលពាក់ព័ន្ធនានា បានបញ្ចប់នៅល្ងាចថ្ងៃទី១៧ ខែវិច្ឆិកា ឆ្នាំ២០២៦ នៅទីក្រុងម៉ានីល ប្រទេសហ្វីលីពីន ដោយសម្រេចបានឯកសារលទ្ធផលជាង ១០០ ស្តីពីកិច្ចសហប្រតិបត្តិការសេដ្ឋកិច្ច ពាណិជ្ជកម្ម ឌីជីថល និងសន្តិសុខតំបន់ ព្រមទាំងបានបញ្ចប់អាណត្តិប្រធានអាស៊ានរបស់ហ្វីលីពីន និងផ្ទេរតំណែងជាផ្លូវការទៅឱ្យសិង្ហបុរីសម្រាប់ឆ្នាំ២០២៧

បណ្តាញ​ផ្លូវ​ដែក​ចិន​បំបែក​កំណត់​ត្រា​ថ្មី​​ ដោយ​មាន​អ្នក​ដំណើរ​ជាង​ ៤ ពាន់​លាន​ដង​ក្នុង​ឆ្នាំ​ ​២០​២៦​

បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត, អាជីវកម្មថ្មី និងនវានុវត្ត

• 19/11/2026

បណ្តាញ​ផ្លូវ​ដែក​ដ៏​ធំ​របស់​ប្រទេស​ចិន ​បាន​ដឹកជញ្ជូន​អ្នក​ដំណើរ​រហូតដល់​ ៤​,​១៣ ​ពាន់​លាន​ដង​ ​ក្នុង​រយៈពេល​ ១០​ ​ខែ​ដំបូង​នៃ​ឆ្នាំ​ ២០២៦ ​ដែល​ជា​កំណត់​ត្រា​ថ្មី​ ​និង​កើនឡើង​ ​៤​,​៧ ​ភាគ​រយ ​បើ​ធៀប​នឹង​រយៈពេល​ដូចគ្នា​កាលពី​ឆ្នាំ​មុន

កម្ពុជា គឺជាស្ពានតភ្ជាប់ទីផ្សារក្នុងស្រុក តំបន់ និងសកលលោកដែលមានប្រជាជនសរុបរាប់ពាន់លាននាក់

Top News, ព្រឹត្តិការណ៍, សេដ្ឋកិច្ច

• 18/11/2026

ភ្នំពេញ ៖ បន្ទាប់ពីបញ្ចប់ដោយជោគជ័យនៃកិច្ចប្រជុំកំពូលហ្វ្រង់កូហ្វូនីលើកទី២០ កម្ពុជា កំពុងដាក់ខ្លួនជាមជ្ឈមណ្ឌលវិនិយោគដ៏មានសក្តានុពល និងគាំទ្រធុរកិច្ចនៅចំបេះដូងនៃតំបន់អាស៊ាន ហើយក៏ជាស្ពានតភ្ជាប់ទីផ្សារពាណិជ្ជកម្មទាំងក្នុងតំបន់ និងសកលលោកផងដែរ។  ជាមួយនឹងឥរិយាបថបើកចំហសម្រាប់ការវិនិយោគដែលផ្តល់ភាពជាម្ចាស់ភាគហ៊ុនដល់បរទេសរហូតដល់ ១០០% ស្របពេលដែលកម្ពុជាជាប្រទេសដែលមានកម្លាំងពលកម្មវ័យក្មេងអាចបណ្តុះបណ្តាលបាន និងការផ្លាស់ប្តូរជាយុទ្ធសាស្ត្រឆ្ពោះទៅរកវិស័យអេឡិចត្រូនិក ថាមពលបៃតង និងផលិតកម្មដែលមានតម្លៃបន្ថែមខ្ពស់ កម្ពុជាបានផ្តល់ជូនអ្នកវិនិយោគសកលនូវច្រកទ្វារដោយផ្ទាល់ទៅកាន់មហាអនុតំបន់ទន្លេមេគង្គ អ្នកប្រើប្រាស់ចំនួន ៧០០ លាននាក់របស់អាស៊ាន និងដៃគូពាណិជ្ជកម្មអន្តរជាតិសំខាន់ៗ។ ថ្លែងក្នុងកិច្ចប្រជុំកំពូលហ្វ្រង់កូហ្វូនី

អាជីវកម្ម​ត្រី​ចំហុយ​ខ្មែរ​នៅ​ព្រែក​ព្នៅ ​​បង្កើត​តម្លៃ​បន្ថែម​តាមរយៈ​គុណភាព និង​ការ​វេចខ្ចប់​បែប​ធម្មជាតិ​

ជំនួញ, ព្រឹត្តិការណ៍

• 18/11/2026

​ ​អាជីវកម្ម​ត្រី​ចំហុយ​ខ្នាត​គ្រួសារ​មួយ​នៅ​ខណ្ឌ​ព្រែក​ព្នៅ​ ​រាជធានី​ភ្នំពេញ​ ​កំពុង​បង្កើត​ភាព​ខុសប្លែក​ក្នុង​ទីផ្សារ​ម្ហូប​អាហារ​តាម​អនឡាញ​ ​តាមរយៈ​ការ​ផ្តោត​លើ​គុណភាព​ អនាម័យ ​និង​ការ​វេចខ្ចប់​បែប​ធម្មជាតិ​ ​ដោយ​ប្រើប្រាស់​អនុផល​ព្រៃឈើ​ក្នុង​ស្រុក​ ​ជំនួស​ឱ្យ​ប្រអប់​ស្នោ

ប្រធានាធិបតីបារាំង អេម៉ានុយអែល ម៉ាក្រុង កោតសរសើរដល់ក្រុមហ៊ុន កាណាឌីយ៉ា គ្រុប នៅក្នុងព្រឹត្តិការណ៍ ហ្រ្វង់កូតិច (FrancoTech)

ព្រឹត្តិការណ៍, អត្ថបទពាណិជ្ជកម្ម

• 18/11/2026

ភ្នំពេញ ៖ នៅក្នុងថ្ងៃទី២ នៃព្រឹត្តិការណ៍ ហ្រ្វង់កូតិច (FrancoTech) លោកប្រធានាធិបតីបារាំង អេម៉ានុយអែល ម៉ាក្រុង (Emmanuel Macron) បានជួបជាមួយ ឧកញ៉ាវេជ្ជបណ្ឌិត ពុង ការ៉ូលីន (Carolyne Pung) អនុប្រធានក្រុមប្រឹក្សាភិបាលក្រុមហ៊ុន កាណាឌីយ៉ា គ្រុប

រុស្ស៊ី​ប្ដូរ​យុទ្ធសាស្ត្រ​ហិរញ្ញវត្ថុ ​​ពង្រឹង​ពាណិជ្ជកម្ម​ជាមួយ​ចិន​ ទោះ​ការ​ប្រើ​ប្រាក់​យន់​ធ្លាក់ចុះ​

ព្រឹត្តិការណ៍, អាជីវកម្មថ្មី និងនវានុវត្ត

• 18/11/2026

ការ​ធ្លាក់ចុះ​នៃ​ការ​ទូទាត់​ជា​ប្រាក់​យន់​ក្នុង​ពាណិជ្ជកម្ម​រវាង​រុស្ស៊ី​ និង​ចិន ​កំពុង​បង្កើត​ការ​ជជែក​ដេញដោល​អំពី​ប្រសិទ្ធភាព​នៃ​យុទ្ធសាស្ត្រ​របស់​រុស្ស៊ី​ក្នុង​ការ​កាត់បន្ថយ​ការ​ពឹងផ្អែក​លើ​ប្រាក់​ដុល្លារ​អាម៉េរិក

អាស៊ានចង់ពង្រឹងជំហររបស់តំបន់ឲ្យធំជាងមុននៅក្នុងខ្សែច្រវាក់ផ្គត់ផ្គង់រ៉ែកម្រជាសកល

ព្រឹត្តិការណ៍, សេដ្ឋកិច្ច

• 18/11/2026

នៅក្នុងសេចក្តីថ្លែងការណ៍មួយដែលត្រូវបានអនុម័តក្នុងអំឡុងកិច្ចប្រជុំកំពូលអាស៊ានលើកទី៤៩ នៅទីក្រុងម៉ានីល មេដឹកនាំទាំងអស់ប្តេជ្ញាបង្កើតយុទ្ធសាស្ត្ររ៉ែកម្រសំខាន់ៗរបស់អាស៊ាន ដើម្បីតម្រង់ទិសកិច្ចសហប្រតិបត្តិការនៅទូទាំងខ្សែច្រវាក់តម្លៃរ៉ែ

ជំនួបដ៏តានតឹងរវាងកំពូលបុរសខ្លាំងទាំង៣ នៅ APEC ក្រោយបោះបង់ចោលសន្ធិសញ្ញានុយក្លេអ៊ែរជិត១ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 18/11/2026

បរទេស ៖ រយៈពេល៩ខែមកហើយបន្ទាប់ពីការផុតកំណត់នៃសន្ធិសញ្ញា New START ដែលមានន័យថា មហាអំណាចនុយក្លេអ៊ែរធំៗបំផុតរបស់ពិភពលោកនឹងមិនមានដែនកំណត់ផ្លូវច្បាប់ទៀតឡើយទៅលើការគ្រប់គ្រងឃ្លាំងអាវុធយុទ្ធសាស្ត្រប្រល័យលោក។ មកដល់ពេលនេះប្រធានាធិបតីអាមេរិក លោក Donald Trump ប្រធានាធិបតីចិន លោក Xi Jinping និងប្រធានាធិបតីរុស្ស៊ី លោក Vladimir Putin គ្រោងជួបប្រជុំគ្នានៅថ្ងៃព្រហស្បតិ៍

ពាណិជ្ជកម្ម​កម្ពុជា​-​បារាំង ​ឈាន​ដល់​ដំណាក់កាល​អនុវត្ត​ឱ្យ​ចេញ​ជា​លទ្ធផល​ជាក់ស្តែង​

ព្រឹត្តិការណ៍, សេដ្ឋកិច្ច

• 18/11/2026

​ ​ទំនាក់ទំនង​សេដ្ឋកិច្ច​រវាង​កម្ពុជា​ ​និង​បារាំង ​បាន​ឈាន​ដល់​ដំណាក់កាល​អនុវត្ត ​ដើម្បី​បង្កើត​លទ្ធផល​ជាក់ស្តែង​ ​ដោយ​ផ្អែក​លើ​សក្តានុពល​សេដ្ឋកិច្ច​ ​និង​ចំណុច​ខ្លាំង​របស់​កម្ពុជា​ ​ដែល​អាច​ទាក់ទាញ​វិនិយោគិន​បារាំង

ន​នោង​ជ្រុង ​ដំណាំ​រយៈពេល​ខ្លី ងាយ​ដាំដុះ​ ​និង​អាច​រក​ចំណូល​បាន​ជិត ​២០ ​លាន​រៀល​លើ​ផ្ទៃដី​ ​៧៥ ​អា

ជំនួញ, ព្រឹត្តិការណ៍

• 18/11/2026

ដំណាំននោង​ជ្រុង​កំពុង​បង្ហាញ​ពី​សក្តានុពល​ជា​បន្លែ​សេដ្ឋកិច្ច​មួយ​សម្រាប់​កសិករ ​ដោយ​សារ​ងាយស្រួល​ដាំដុះ​ ថែទាំ​មិន​ស្មុគស្មាញ ​អាច​ដាំ​បាន​គ្រប់​រដូវ​កាល​ ​និង​ឆាប់​ទទួល​បាន​ផល ​ដែល​អាច​ជួយ​បង្កើត​ប្រាក់​ចំណូល​ជា​ប្រចាំ​សម្រាប់​គ្រួសារ​កសិករ