ភ្នំពេញ ៖ ក្រុមហ៊ុន ហ្វតតេ ឡាយហ្វ៍ បានបញ្ចប់ឆ្នាំ២០២៣ ជាមួយនឹងភាពជោគជ័យដ៏គួរឱ្យកត់សម្គាល់ ដោយទទួលបានពានរង្វាន់ដ៏មានកិត្យានុភាពចំនួន២ ពីស្ថាប័នវាយតម្លៃពានរង្វាន់កម្រិតខ្ពស់ និងមានការទទួលស្គាល់លើឆាកអន្តរជាតិ ដែលមានមូលដ្ឋាននៅទីក្រុងឡុងដ៍ ចក្រភពអង់គ្លេស (International Finance Awards)។ ក្រុមហ៊ុនហ្វតតេ ឡាយហ្វ៍ ទទួលបានកិត្តិនាមជា “ក្រុមហ៊ុនធានារ៉ាប់រងអាយុជីវិត រីកចម្រើនលឿនជាងគេ” និង “ក្រុមហ៊ុនធានារ៉ាប់រងអាយុជីវិត ប្រកបដោយនវានុវត្តន៍ជាងគេ” ដែលនេះសបញ្ជាក់ពីការប្តេជ្ញាចិត្តរបស់ក្រុមហ៊ុនក្នុងការច្នៃប្រឌិតអ្វីដែលថ្មី និងវឌ្ឍនភាពយ៉ាងលឿនបំផុតនៅក្នុងឧស្សាហកម្មនេះ។

ក្នុងឱកាសឈានជើងចូលឆ្នាំថ្មីនេះ ហ្វតតេ ឡាយហ្វ៍ បានក្លាយជាក្រុមហ៊ុនដែលមានបណ្តាញចែកចាយអាជីវកម្មដ៏ចម្រុះ។ ក្នុងរយ:ពេលពេញមួយឆ្នាំ២០២៣ ក្រុមហ៊ុនបានផ្តល់កិច្ចការពារផ្នែកហិរញ្ញវត្ថុដល់អតិថិជនចំនួន ៨៤០ ០០០ នាក់ ដែលចំនួននេះស្មើនឹង ៥% នៃប្រជាជនកម្ពុជាសរុប។ ហ្វតតេ​ ឡាយហ្វ៍ ក៏ក្លាយក្រុមហ៊ុនឈានមុខគេមួយដែលបានផ្តល់កិច្ចការពារអាយុជីវិតដល់និយោជិតកម្ពុជាច្រើនជាងគេនៅទូទាំងប្រទេសផងដែរ។ សមិទ្ធផលនេះ ក៏ត្រូវបានកំណត់សម្គាល់ដោយផ្អែកលើការផ្តល់ផលសំណងជូនទៅអតិថិជនវិញជាង ១០ លានដុល្លារសហរដ្ឋអាម៉េរិកក្នុងករណីមានមរណភាព និងអត្ថប្រយោជន៍វេជ្ជសាស្រ្ត គិតចាប់តាំងពីឆ្នាំ២០១៩ មកម៉្លេះ។

លោក ព្រូ ស៊ីថន អគ្គនាយកក្រុមហ៊ុន ហ្វតតេ ឡាយហ្វ៍ បានសម្តែងនូវមោទនភាពចំពោះសមិទ្ធផលទាំងនេះ ដោយមានប្រសាសន៍ថា៖

«យើងចាប់ផ្តើមឆ្នាំ២០២៤ ជាមួយនឹងការទទួលបានចំណាត់ថ្នាក់ទីផ្សារលេខ១ ក្នុងនាមជាក្រុមហ៊ុនធានារ៉ាប់រងអាយុជីវិតដែលការពារអតិថិជនបានច្រើនជាងគេបំផុតនៅកម្ពុជា។ ទិសស្លោកនៅឆ្នាំនេះ គឺ «២៥ ឆ្នាំនៃវឌ្ឍនភាព» វាបានរំលេចឱ្យឃើញពីការប្តេជ្ញាចិត្ត និងភាពជោគជ័យយូរអង្វែងរបស់យើង។ ខ្ញុំសូមថ្លែងអំណរគុណដោយស្មោះ ចំពោះអតិថិជន និយ័តករ ដៃគូរសហការ និងសម្ព័ន្ធក្រុមហ៊ុន ហ្វតតេ គ្រុប សម្រាប់ការបន្តការជឿជាក់ និងការគាំទ្រយ៉ាងពេញទំហឹង។ ភាពជោគជ័យ និងសមិទ្ធផលសំខាន់ៗរបស់ ហ្វតតេ ឡាយហ្វ៍ គឺជាមោទនភាព និងមិនអាចកាត់ផ្តាច់បានឡើយពីសហស្ថាបនិករបស់យើងមកពីប្រទេសសិង្ហបុរី និងកម្ពុជា ដែលបានសម្រេចចិត្តចាប់ផ្តើមបង្កើតក្រុមហ៊ុនធានារ៉ាប់រងទូទៅក្នុងទសវត្សរ៍ឆ្នាំ១៩៩០ បន្ទាប់មកបានពង្រីកខ្លួនទៅជាក្រុមហ៊ុនធានារ៉ាប់រងខ្នាតតូចនៅឆ្នាំ២០១៦ និងក្រុមហ៊ុនធានារ៉ាប់រងអាយុជីវិតនៅឆ្នាំ២០១៩»។

ផលវិជ្ជមានដែល ហ្វតតេ ឡាយហ្វ៍ ទទួលបាន គឺលើសពីអាជីវកម្ម។ ជាក់ស្តែង នៅឆ្នាំ២០២៣ កន្លងទៅនេះ ក្រុមហ៊ុនបានដើរតួនាទីយ៉ាងសកម្មក្នុងការគាំទ្រដល់ សហគមន៍ និងសង្គមជាតិ ដែលសកម្មភាពទាំងនោះរួមមានការឧបត្ថម្ភគាំទ្រដល់ព្រឹត្តិការណ៍ធំៗមួយចំនួន ទាក់ទងនឹងសុខភាព និងការអប់រំ ព្រមទាំងការចូលរួមចំណែកដល់គម្រោងផ្គត់ផ្គង់ថាមពលពន្លឺព្រះអាទិត្យ តាមសាលារៀនក្នុងខេត្តតាកែវ និងខេត្តស្វាយរៀងផងដែរ។

ក្នុងដំណើរឆ្ពោះទៅមុខ លោក ស៊ីថន បានបញ្ជាក់សារជាថ្មីអំពីការប្តេជ្ញាចិត្តរបស់ក្រុមហ៊ុនចំពោះគោលដៅក្នុងឆ្នាំថ្មី។

លោកបានមានប្រសាសន៍បញ្ជាក់យ៉ាងដូច្នេះថា៖

«ចំណុចដែលយើងត្រូវផ្តោតក្នុងឆ្នាំ២០២៤ នេះ គឺនៅតែដើរស្របទៅតាមយុទ្ធសាស្រ្តជារួមរបស់យើងកាលពីឆ្នាំមុនដដែល។ យើងប្តេជ្ញាចិត្តខ្ពស់ក្នុងការផ្តល់ដំណោះស្រាយធានារ៉ាប់រងអាយុជីវិតដ៏សម្បូរបែប ប្រកបដោយភាពច្នៃប្រឌិត និងភាពបត់បែនជូនទៅដល់ក្រុមគ្រួសារនៅទូទាំងប្រទេសកម្ពុជា ហើយយើងមានបំណងបន្តធ្វើយ៉ាងណាជួយឱ្យវិស័យធានារ៉ាប់រងនេះកាន់តែឆ្ពោះទៅមុខ ក្រោមប្រធានបទ “២៥ឆ្នាំ នៃវឌ្ឍនភាព”»។

គួរបញ្ជាក់ថា ហ្វតតេ ឡាយហ្វ៍ ដែលជាបុត្រសម័្ពន្ធរបស់ក្រុមហ៊ុនធានា រ៉ាប់រង ហ្វតតេ ដែលជាក្រុមហ៊ុនធានារ៉ាប់រងអាយុជីវិតដែលកំពុងរីកលូតលាស់យ៉ាងឆាប់ រហ័ស ប្តេជ្ញាផ្តល់នូវកិច្ចការពារអាយុជីវិត និងផលិតផលធានារ៉ាប់រង វិនិយោគដ៏សម្បូរបែប កើតចេញពីការអភិវឌ្ឍជាបន្តបន្ទាប់ផ្អែកលើបទពិសោធន៍របស់ក្រុមហ៊ុន ហ្វតតេ នៅលើទីផ្សារក្នុងស្រុកអស់រយៈពេលជាង ២០ឆ្នាំ ដែលស័ក្តិសម និងឆ្លើយតបទៅតាមតម្រូវការ និងបំណងប្រាថ្នារបស់ប្រជាជនកម្ពុជាក្នុងយុគសម័យទំនើប។

ហ្វតតេ ឡាយហ្វ៍ ផ្តល់ជូននូវផលិតផលប្រកបដោយភាពច្នៃប្រឌិត តម្លៃសមរម្យ និងមិនស្មុគស្មាញ ដែលជាជម្រើសដ៏ល្អបំផុតសម្រាប់លោកអ្នក និងស្ថាប័នសាជីវកម្ម រួមមាន ៖ ផលិតផលអាយុជីវិតលើគម្រោងគាំពារ, ផលិតផលអាយុជីវិតសម្រាប់ការសិក្សា, ផលិតផលអាយុជីវិតមានកាលកំណត់ជាក្រុម, ផលិតផលអាយុ ជីវិតការពារជាក្រុមទូលំទូលាយ និងផលិតផលបន្ថែមគ្រុបមេដប្រូ៕ សម្រាប់ព័ត៌មានបន្ថែមសូមចូលទៅកាន់ https://www.forteinsurance.com/life